ಜಮ್ಮು ಮತ್ತು ಕಾಶ್ಮೀರಕ್ಕೆ 370 ನೇ ವಿಧಿ ಅನ್ವಯ ನೀಡಲಾಗಿದ್ದ ವಿಶೇಷ ಸ್ಥಾನಮಾನ ರದ್ದುಗೊಳಿಸಿರೋದರಿಂದ ನೆರೆಯ ರಾಷ್ಟ್ರ ಪಾಕ್ ಭಾರತದ ಮೇಲೆ ಮುನಿಸಿಕೊಂಡಿದೆ. ಅಷ್ಟೇ ಅಲ್ಲ, ಸಂಜೋತಾ ಎಕ್ಸ್ಪ್ರೆಸ್ ರೈಲು ಸೇರಿದಂತೆ ಸಂಚಾರ ವ್ಯವಸ್ಥೆ ಮೇಲೂ ನಿರ್ಬಂಧ ಹೇರಿದೆ. ಅಷ್ಟೇ ಅಲ್ಲ ಈ ಮುನಿಸಿನಿಂದ ಪಾಕ್ ಪಾಲಿಗೆ ಟೊಮೆಟೋವೇ ಬಾಂಬ್ನಂತಾಗಿ ಪರಿಣಮಿಸಿರುವ ಸಂಗತಿ ಈಗ ಬೆಳಕಿಗೆ ಬಂದಿದೆ.
ಹೌದು ಭಾರತ ಕಾಶ್ಮೀರಕ್ಕೆ ಅನಾದಿ ಕಾಲದಿಂದ ನೀಡಿದ್ದ ವಿಶೇಷ ಸ್ಥಾನಮಾನವನ್ನು ರದ್ದು ಮಾಡಿ ಆದೇಶ ಹೊರಡಿಸಿದೆ. ಇದರಿಂದ ಪಾಕ್ ಭಾರತದ ಮೇಲೆ ಮುನಿಸಿಕೊಂಡಿದ್ದು, ಎಲ್ಲ ರೀತಿ ವ್ಯಾವಹಾರಿಕ ಸಂಬಂಧವನ್ನು ಕಡಿದುಕೊಳ್ಳಲು ನಿರ್ಧರಿಸಿದೆ.
ಅಷ್ಟೇ ಅಲ್ಲ ಸಂಚಾರ ವ್ಯವಸ್ಥೆ ಸ್ಥಗಿತಗೊಳಿಸಿರೋದರ ಜೊತೆಗೆ ಟೊಮೆಟೋ, ಈರುಳ್ಳಿಯಂತಹ ತರಕಾರಿಯ ಆಮದನ್ನು ನಿಲ್ಲಿಸಿದೆ. ಇದರಿಂದ ಪಾಕ್ನಲ್ಲಿ ಟೊಮೆಟೋಗೆ ಭಾರಿ ಬೇಡಿಕೆ ಹೆಚ್ಚಿದ್ದು, ಅಂದಾಜು ಒಂದು ಕೆಜಿ ಟೊಮೆಟೊ ಬೆಲೆ 300 ರೂಪಾಯಿ ಗಡಿ ದಾಟಿದೆ.
ಇದುವರೆಗೂ ಪಾಕ್ ಟೊಮೆಟೋ ಹಾಗೂ ಈರುಳ್ಳಿಯನ್ನು ಭಾರತದಿಂದ ಆಮದು ಮಾಡಿಸಿಕೊಳ್ಳುತ್ತಿದ್ದರಿಂದ ಪಾಕ್ನಲ್ಲಿ ಈರುಳ್ಳಿ ಸೇರಿದಂತೆ ಎಲ್ಲ ತರಕಾರಿಗಳ ಬೆಲೆ ನಿಯಂತ್ರಣದಲ್ಲಿತ್ತು. ಆದರೆ ಈಗ ಆಮದು ನಿಲ್ಲಿಸಿರೋದರಿಂದ ಬೆಲೆ ಗಗನಕ್ಕೇರಿದೆ.
ಇನ್ನು ಪಾಕ್ನ ಈ ನಿರ್ಣಯ ಸ್ವತಃ ಪಾಕಿಸ್ತಾನದ ವ್ಯಾಪಾರಿಗಳ ಅಸಮಧಾನಕ್ಕೆ ಕಾರಣವಾಗಿದ್ದು, ಈ ರೀತಿ ನಿರ್ಧಾರದಿಂದ ವ್ಯಾಪಾರಿಗಳಿಗೆ ನಷ್ಟವಾಗುತ್ತಿದೆ ಎಂದಿದ್ದಾರೆ. ಇದಲ್ಲದೇ ರಾಸಾಯನಿಕ ವಸ್ತುಗಳಿಗಾಗಿಯೂ ಪಾಕ್ ಭಾರತವನ್ನು ಅವಲಂಬಿಸಿದೆ. ಹೀಗಾಗಿ ಪಾಕ್ ಇದೇ ಮನಸ್ಥಿತಿಯನ್ನು ಮುಂದುವರೆಸಿದರೇ ನಷ್ಟಕ್ಕೆ ಗುರಿಯಾಗಲಿದೆ ಎಂದ ಅಭಿಪ್ರಾಯ ಪಾಕ್ ನೆಲದಲ್ಲಿಯೇ ವ್ಯಕ್ತವಾಗಿದೆ.
Comments are closed.