ಸಾಮಾಜಿಕ ಜಾಲತಾಣ ಪ್ರಿಯರ ಫೇವರಿಟ್ ಆಗಿರುವ ಫೇಸ್ಬುಕ್ನಲ್ಲಿ ದಿನಕ್ಕೊಂದು ಅಪ್ಡೇಟ್ ಇದ್ದೇ ಇರುತ್ತದೆ. ಇದೀಗ ‘ಫೇಸ್ಬುಕ್ನಲ್ಲಿ ನಿಮ್ಮ ಸಮಯ’ ಎಂಬ ಫೀಚರ್ ಅನ್ನು ಪರಿಚಯಿಸಲಿದ್ದು, ನೀವು ಒಂದು ವಾರದಲ್ಲಿ ದಿನದ ಎಷ್ಟು ಸಮಯವನ್ನು ಫೇಸ್ಬುಕ್ನೊಂದಿಗೆ ಕಳೆದಿದ್ದೀರಿ ಎಂಬ ಮಾಹಿತಿಯನ್ನು ಸರಾಸರಿ ಅಂಕಿ-ಅಂಶದೊಂದಿಗೆ ಇದು ನೀಡುತ್ತದೆ.
ಈ ಹೊಸ ಫೀಚರ್ನಲ್ಲಿ ಫೇಸ್ಬುಕ್ ಬಳಕೆದಾರರು ತಮಗೆ ಬೇಕಾದಷ್ಟು ಕಾಲಾವಧಿಯನ್ನು ನಿಗದಿಮಾಡಿಕೊಳ್ಳಬಹುದು ಎಂದು ಟೆಕ್ ಕ್ರಂಚ್ ವರದಿಯಲ್ಲಿ ತಿಳಿಸಿದೆ.
ನಾವು ಪ್ರತಿಬಾರಿಯೂ ನಾವು ಜನರಿಗೆ ಅನುಕೂಲವಾಗುವ ಹಾಗೂ ಫೇಸ್ಬುಕ್ನೊಂದಿಗೆ ಕಳೆದ ಸಮಯವನ್ನು ನೆನಪುಳಿಯುವಂತೆ ಮಾಡುವ ಬಗ್ಗೆಯೇ ಯೋಚಿಸುತ್ತೇವೆ. ಆ ನಿಟ್ಟಿನಲ್ಲಿ ಈ ಪ್ರಯತ್ನ ಮಾಡಿದ್ದೇವೆ ಎಂದು ಫೇಸ್ಬುಕ್ನ ವಕ್ತಾರರು ತಿಳಿಸಿದ್ದಾರೆ.
ಫೇಸ್ಬುಕ್ ಬಳಕೆದಾರರ ಸ್ವಯಂ ನಿಯಂತ್ರಣಕ್ಕೆ ಈ ಫೀಚರ್ ಬಹಳ ಮುಖ್ಯವಾಗಿದೆ. ಇದರಿಂದಾಗಿ ನೀವು ಫೇಸ್ಬುಕ್ಗೆ ಎಷ್ಟು ಅಡಿಕ್ಟ್ ಅಗಿದ್ದೀರಿ ಎಂಬುದರ ವಿವರ ನಿಮ್ಮ ಮೊಬೈಲ್ನಲ್ಲೇ ಸಿಗಲಿದೆ. ಸದ್ಯಕ್ಕೆ ಈ ಫೀಚರ್ ಅನ್ನು ಅಭಿವೃದ್ಧಿಪಡಿಸುವ ಕೆಲಸ ನಡೆಯುತ್ತಿದ್ದು, ಬಿಡುಗಡೆಯಾಗುವ ದಿನಾಂಕ ಇನ್ನೂ ಖಚಿತವಾಗಿಲ್ಲ.
Comments are closed.