ಸೌಂದರ್ಯ ಸ್ಪರ್ಧೇಯ ತೀರ್ಪುಗಾರರಾದ ಅಂಧ ಮಹಿಳೆ

ವಿಶ್ವದಲ್ಲಿಯೇ ಇದೇ ಮೊದಲ ಬಾರಿಗೆ ಸೌಂದರ್ಯ ಸ್ಪರ್ಧೆಯ ತೀರ್ಪುಗಾರರಾಗಿ ಆಗಿ ದೃಷ್ಟಿ ವಿಕಲ ಚೇತನರೊಬ್ಬರು ಭಾಗವಹಿಸಲಿದ್ದಾರೆ.

ಸೌಂದರ್ಯ ಸ್ಪರ್ಧೆ ಎಂದ ಮೇಲೆ ಅಲ್ಲಿ ಬಾಹ್ಯ ಸೌಂದರ್ಯಕ್ಕೆ ಹೆಚ್ಚು ಪ್ರಾಮುಖ್ಯತೆ ನೀಡಲಾಗುವುದು. ಮಿಸ್ಸಸ್ ಕೆನಡಾ ಗ್ಲೋಬ್‌ ಸೌಂದರ್ಯ ಸ್ಪರ್ಧೆಯಲ್ಲಿ ಒಟ್ಟು ಆರು ತೀರ್ಪುಗಾರರಲ್ಲಿ ದೃಷ್ಟಿ ದೋಷ ಇರುವ ಅಸ್ಲೇ ನೇಮಿತ್‌ ಕೂಡ ಒಬ್ಬರು.

ಇಲ್ಲಿ ಆಶ್ಲೇ ಸ್ಪರ್ಧಿಗಳ ಆಂತರಿಕ ಸೌಂದರ್ಯವನ್ನು ಒರೆಗೆ ಹಚ್ಚಿ ತಿಳಿಯಲಿದ್ದಾರೆ. ಈ ಸ್ಪರ್ಧೆಯಲ್ಲಿ ಬಣ್ಣ, ವಯಸ್ಸು, ದಪ್ಪ-ಸಣ್ಣ ಎಂಬ ಯಾವ ಅಂಶವನ್ನು ಪರಿಗಣಿಸಿದೆ ಅವರ ಆಂತರಿಕ ಸೌಂದರ್ಯಕ್ಕಷ್ಟೇ ಮಹತ್ವ ನೀಡಲಾಗುವುದು. ಸೌಂದರ್ಯ ಸ್ಪರ್ಧೆಯ ಎಲ್ಲಾ ಕಟ್ಟು ಪಾಡುಗಳನ್ನು ಮೀರಿದ ಸೌಂದರ್ಯ ಸ್ಪರ್ಧೆ ಇದಾಗಲಿದೆ ಎಂದು ಇದರ ಆಯೋಜಕರು ಹೇಳಿದ್ದಾರೆ.