ವಾಷಿಂಗ್ಟನ್‌: ಭಾರತ ಸೇರಿದಂತೆ ಹಲವು ರಾಷ್ಟ್ರಗಳ ಜತೆ ಉತ್ತಮ ನಂಟು ಹೊಂದಿರುವುದು ಅಮೆರಿಕಕ್ಕೆ ಒಳ್ಳೆಯ ವಿಚಾರವೇ ಆಗಿದೆ ಎಂದು ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ತಿಳಿಸಿದ್ದಾರೆ.
ರಷ್ಯಾ ಅಥವಾ ಚೀನಾ ಅಥವಾ ಭಾರತ ಜತೆ ಸೇರಿಕೊಂಡು ಕೆಲವು ಮಾಡುವುದು ಉತ್ತಮ ಬೆಳವಣಿಗೆ. ಇದು ನಮ್ಮ ದೇಶದ ಬೆಳವಣಿಗೆಗೂ ಪೂರಕ ಎಂದು ಅವರು ಹೇಳಿದ್ದಾರೆ.
ನಾರ್ವೆ ಪ್ರಧಾನಿ ಎರ್ನಾ ಸೋಲ್ಬರ್ಗ್‌ ಜತೆ ಮಾತುಕತೆ ನಡೆಸಿದ ನಂತರ ನಡೆಸಿದ ಜಂಟಿ ಸುದ್ದಿಗೋಷ್ಠಿಯಲ್ಲಿ ಈ ವಿಷಯವನ್ನು ಪ್ರಸ್ತಾವಿಸಿದರು.
ಭಾರತದ ಜತೆ ಕೆಲಸ ಮಾಡಿದರೆ ನಮಗೆ ಅನುಕೂಲವಿದೆ ಎಂದು ಟ್ರಂಪ್‌ ಪುನರುಚ್ಚರಿಸಿದರು.
ರಷ್ಯಾದೊಂದಿಗೆ ಗಡಿ ಹಂಚಿಕೊಂಡಿರುವ ನಾರ್ವೆ ಕೂಡ ಈ ವಿಷಯದ ಕುರಿತು ಮಾಹಿತಿ ನೀಡಿದೆ.
ಅಮೆರಿಕ ಚುನಾವಣೆಯಲ್ಲಿ ರಷ್ಯಾ ಹಸ್ತಕ್ಷೇಪ ಇದೆ ಎಂಬ ಆರೋಪವನ್ನು ನಾರ್ವೆ ಪ್ರಧಾನಿ ಸೋಲ್ಬರ್ಗ್‌ ತಳ್ಳಿಹಾಕಿದರು.
ಈ ರೀತಿಯ ಯಾವುದೇ ಮಾಹಿತಿ ನಮ್ಮ ಗಮನಕ್ಕೆ ಬಂದಿಲ್ಲ ಎಂದು ತಿಳಿಸಿದರು.
Comments are closed.