ಬಂಧಿತ ವ್ಯಕ್ತಿಯೊಬ್ಬ ಬೆಳಗ್ಗೆ ಎಷ್ಟೊತ್ತಾದರೂ ಹಾಸಿಗೆ ಯಿಂದ ಏಳಲೇ ಇಲ್ಲ. ಕೊನೆಗೆ ಆತನನ್ನು ಜೈಲು ಸಿಬ್ಬಂದಿ ಆಸ್ಪತ್ರೆಗೆ ಹೊತ್ತೂಯ್ಯುತ್ತಾರೆ. ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದ ವ್ಯಕ್ತಿಯನ್ನು ಮೂವರು ವೈದ್ಯರು ಪರೀಕ್ಷಿಸುತ್ತಾರೆ. ಮೂವರೂ ಆತ ಸತ್ತಿದ್ದಾನೆ ಎಂದೇ ವರದಿ ನೀಡುತ್ತಾರೆ.
ವ್ಯಕ್ತಿಯ ಮೃತ ದೇಹವನ್ನು ಮರಣೋತ್ತರ ಪರೀಕ್ಷೆಗೆ ಒಯ್ಯಲಾಗುತ್ತದೆ. ಇನ್ನೇನು ಆತನ ದೇಹವನ್ನು ಸೀಳಬೇಕು ಎನ್ನುವಷ್ಟರಲ್ಲಿ ಆತ ಬದುಕಿಬರುತ್ತಾನೆ.
ಇದು ನಡೆ ದಿದ್ದು ಸ್ಪೇನ್‌ನಲ್ಲಿ. ಮೂವರು ವೈದ್ಯರು ಸೇರಿ 29 ವರ್ಷ ವಯಸ್ಸಿನ ಬಂಧಿತ ಮೃತಪಟ್ಟಿದ್ದಾನೆ ಎಂದು ಘೋಷಿಸಿದ ಬಳಿಕ, ಆತನ ದೇಹವನ್ನು ಆಸ್ಪತ್ರೆ ಸಿಬ್ಬಂದಿ ಶವಾಗಾರಕ್ಕೆ ಒಯ್ದಾಗ ಸಣ್ಣ ಗೊರಕೆ ಶಬ್ದ ಕೇಳಿಸುತ್ತದೆ. ಸಿಬ್ಬಂದಿ ಸ್ವಲ್ಪ ಸಮಯ ಗಮನಿಸಿದಾಗ, ಆತನ ದೇಹ ಮಿಸುಕಾಡಿದ್ದು ಕಾಣುತ್ತದೆ. ಕೊನೆಗೆ ಅಲ್ಲಿಂದ ಆತನಿಗೆ ತೀವ್ರ ನಿಗಾ ಘಟಕ ದಲ್ಲಿ ಇರಿಸಿ ಚಿಕಿತ್ಸೆ ನೀಡಲಾಗಿದ್ದು, ಚೇತರಿಸಿಕೊಳ್ಳುತ್ತಿದ್ದಾನೆ.
Comments are closed.