ಅಂತರಾಷ್ಟ್ರೀಯ

ಪಡ್ಡೆ ಹುಡುಗರಿಗೊಂದು ಕಹಿ ಸುದ್ದಿ ! ಗಾಢ ಚುಂಬನಕ್ಕೆ ‘ರೆಡ್ ಸಿಗ್ನಲ್’

Pinterest LinkedIn Tumblr

KatrinaHrithik

ಲಂಡನ್: ಚುಂಬನ ಪ್ರಿಯರಿಗೆ ಇದು ಅರಗಿಸಿಕೊಳ್ಳಲು ಸ್ವಲ್ಪ ಕಷ್ಟವಾದ ಸುದ್ದಿ. ಬಾಲಿವುಡ್, ಹಾಲಿವುಡ್ ಸಿನಿಮಾಗಳಲ್ಲಿ ‘ಲಿಪ್‌ಲಾಕ್’ ಸೀನ್‌ಗಳನ್ನು ರೆಪ್ಪೆ ಹಾಕದೆ ನೋಡೋ ಪಡ್ಡೆ ಹುಡುಗರಿಗೂ ಇದು ಕಹಿ ಸುದ್ದಿಯೇ ಸರಿ. ಏಕೆಂದರೆ ವಿಶ್ವದ ಶೇಕಡಾ ಅರ್ಧದಷ್ಟು ಸಮಾಜಗಳಲ್ಲಿ ಗಾಢ ಚುಂಬನಕ್ಕೆ ವಿರೋಧವಿದೆಯಂತೆ.

ಅಮೆರಿಕದ ಲಾಸ್ ವೆಗಾಸ್‌ನಲ್ಲಿರುವ ನೆವಾಡಾ ವಿವಿ ಸಂಶೋಧಕರು ನಡೆಸಿರುವ ಅಧ್ಯಯನದಲ್ಲಿ ಈ ವಿಷಯ ಬಯಲಾಗಿದೆ. ಅಧ್ಯಯನ ನಡೆಸಲಾದ 168 ಸಂಸ್ಕೃತಿಗಳಲ್ಲಿ ಕೇವಲ 46 ಸಮಾಜದವರು ಅಥವಾ ಸಂಸ್ಕೃತಿಯವರು ಮಾತ್ರ ಗಾಢ ಚುಂಬನಕ್ಕೆ ಗ್ರೀನ್ ಸಿಗ್ನಲ್ ತೋರಿದ್ದಾರೆ. ಉಳಿದ ಸಮಾಜಗಳಲ್ಲಿ ಇದನ್ನು ಅಸಹ್ಯ ಎಂದು ಬಣ್ಣಿಸಲಾಗಿದೆ.

ಈ ಮುನ್ನ ಜಗತ್ತಿನಾದ್ಯಂತ ಶೇ. 90ರಷ್ಟು ಸಮಾಜಗಳಲ್ಲಿ ಗಾಢ ಚುಂಬನವನ್ನು ಸಾಮಾನ್ಯ ಎಂದು ಸ್ವೀಕರಿಸುತ್ತಾರೆಂಬ ನಂಬಿಕೆಯಿತ್ತು. ಆದರೆ ಹೊಸ ಅಧ್ಯಯನ ಈ ನಂಬಿಕೆಯನ್ನು ಬುಡಮೇಲು ಮಾಡಿದೆ.

ಉತ್ತರ ಅಮೆರಿಕದಲ್ಲಿ ಅಧ್ಯಯನ ಮಾಡಲಾದ 33 ಸಂಸ್ಕೃತಿಗಳ ಪೈಕಿ 15ರಲ್ಲಿ ಇದುವರೆಗೂ ಗಾಢಚುಂಬನ ‘ಸಾಹಸ’ವನ್ನೇ ಮಾಡಿಲ್ಲವಂತೆ. ಮಧ್ಯಪೂರ್ವ ದೇಶಗಳಲ್ಲೂ ಇದನ್ನು ಅಸಹ್ಯವೆಂದು ಬಣ್ಣಿಸಿದ್ದಾರೆ. ಯೂರೋಪ್ ದೇಶಗಳ ಪೈಕಿ 10ರಲ್ಲಿ 3 ರಾಷ್ಟ್ರಗಳಲ್ಲಿ ಮಾತ್ರ ಮಾತ್ರ ‘ಲಿಪ್‌ಲಾಕ್’ಗೆ ಓಕೆ ಎಂದಿವೆ.

Write A Comment