ಕೆಟ್ರಾಯಿಟ್, ಜೂ.20: ತನ್ನ ಇಬ್ಬರು ಮಕ್ಕಳನ್ನು ಕೊಂದು, ಶೈತ್ಯಾಗಾರದಲ್ಲಿ ಬಚ್ಚಿಟ್ಟಿರುವುದಾಗಿ ತಾಯಿಯೊಬ್ಬಳು ತಪ್ಪೊಪ್ಪಿಕೊಂಡಿದ್ದಾಳೆ.
9 ವರ್ಷದ ಗಂಡು ಹಾಗೂ 13 ವರ್ಷದ ಹೆಣ್ಣುಮಗುವಿನ ಮೃತದೇಹಗಳು ಶೈತ್ಯಾಗಾರದಲ್ಲಿ ಪತ್ತೆಯಾಗಿತ್ತು. ಈ ಸಂಬಂಧ ತಾಯಿ ಮಿಶೆಲ್ ಬ್ಲೇರ್ಳನ್ನು ಕಳೆದ ಮಾರ್ಚ್ನಲ್ಲಿ ಪೊಲೀಸರು ಬಂಧಿಸಿದ್ದರು.
ಈಕೆಯ ಇನ್ನಿಬ್ಬರು ಮಕ್ಕಳು ಘಟನೆ ಸಂದರ್ಭದಲ್ಲಿ ನೆರೆಯ ಮನೆಯಲ್ಲಿದ್ದುದರಿಂದ ಪಾರಾಗಿದ್ದಾರೆ. ಇಬ್ಬರು ಮಕ್ಕಳನ್ನು ಮನಬಂದಂತೆ ಥಳಿಸಿ, ಕೊಂದು ನಂತರ ಸುಟ್ಟು ಶೈತ್ಯಾಗಾರದಲ್ಲಿರಿಸಿದ್ದಳು. ಇದೀಗ ನ್ಯಾಯಾಲಯದ ಮುಂದೆ ತನ್ನ ತಪ್ಪನ್ನು ಒಪ್ಪಿಕೊಂಡಿದ್ದಾಳೆ.