ಪ್ರಧಾನಿ ಮೋದಿ ಅವರು ಇದೇ ತಿಂಗಳಲ್ಲಿ ಚೀನಾ ಭೇಟಿಗೆ ತೆರಳಲಿದ್ದು ಈ ಹಿನ್ನೆಲೆಯಲ್ಲಿ ಮೋದಿ ಚೀನಾದ ಪ್ರಖ್ಯಾತ ಸಾಮಾಜಿಕ ಜಾಲತಾಣ ‘ಸಿನಾ ವೈಬೋ’ನಲ್ಲಿ ಹೊಸದಾಗಿ ಖಾತೆ ತೆರೆಯುವ ಮೂಲಕ ಚೀನಾದ ಅಭಿಮಾನಿಗಳಿಗೆ ಸಂತಸ ಮೂಡಿಸಿದ್ದಾರೆ.
ವಿಶೇಷವೆಂದರೆ ಮೋದಿ ಅವರು `ವೈಬೋ’ದಲ್ಲಿ ಖಾತೆ ತೆರೆದ ಕೇವಲ ಒಂದು ಗಂಟೆಯಲ್ಲೇ 7 ಸಾವಿರಕ್ಕೂ ಅಧಿಕ ಮಂದಿ ಲೈಕ್ ಮಾಡಿದ್ದು ಅಭಿಮಾನಿಗಳು ಮೋದಿ ಅವರನ್ನು ತಮ್ಮ ಜಾಲತಾಣಕ್ಕೆ ಭರ್ಜರಿ ಸ್ವಾಗತ ಕೋರಿದ್ದಾರೆ.
ಅಲ್ಲದೇ ಈ ಪೈಕಿ ಒಬ್ಬರು ಮೋದಿ ಅವರನ್ನು ‘ಹ್ಯಾಂಡ್‍ ಸಮ್ ಎಂದು ಹೊಗಳಿದ್ದು ಈ ನಡುವೆ ಹೆಲೋ ಚೀನಾ. ವೈಬೋ ಮೂಲಕ ಚೀನಾದ ಸ್ನೇಹಿತರೊಂದಿಗೆ ಸಂವಹನ ನಡೆಸಲು ಉತ್ಸುಕನಾಗಿದ್ದೇನೆ’ ಎಂಬ ಮೋದಿ ಅವರ ಪೋಸ್ಟ್ ಮೋದಿ ಮಾಡಿದೆ.
ಮೋದಿ ಗುಜರಾತ್ ನ ಮುಖ್ಯಮಂತ್ರಿಯಾಗಿದ್ದಾಗ ಹಲವು ಬಾರಿ ಬೀಜಿಂಗ್‍ಗೆ ಭೇಟಿ ನೀಡಿದ್ದರು. ಪ್ರಧಾನಿಯಾದ ಬಳಿಕ ಮೊದಲ ಬಾರಿ ಚೀನಾಗೆ ಪ್ರವಾಸ ಹಮ್ಮಿಕೊಂಡಿದ್ದು ಉಭಯ ದೇಶಗಳ ನಡುವಿನ ಹಲವು ಸಮಸ್ಯೆಗಳು ಇತ್ಯರ್ಥಗೊಳ್ಳುವ ಸಾಧ್ಯತೆ ಇದೆ.
ಸುಮಾರು 50 ಕೋಟಿಗೂ ಅಧಿಕ ಬಳಕೆದಾರರನ್ನು ಹೊಂದಿರುವ ಈ ಮೈಕ್ರೋಬ್ಲಾಗ್ ಹೊಂದಿದ್ದು ಮೋದಿ ಅವರು ಈ ಜಾಲತಾಣ ಸೇರಿದ ಮೊದಲ ಭಾರತೀಯ ಎಂಬ ಹೆಸರಿಗೆ ಪಾತ್ರರಾಗಿದ್ಧಾರೆ.
