ಐಟಿ ದಿಗ್ಗಜ ಐಬಿಎಂನಲ್ಲಿ ಕೆಲಸ ಕಳೆದುಕೊಂಡ ಸಾವಿರಾರು ಮಂದಿ!

ಮಾಹಿತಿ ತಂತ್ರಜ್ಞಾನ ವಲಯದ ದಿಗ್ಗಜ ಕಂಪನಿಯಾದ ಐಬಿಎಂನಲ್ಲಿ ಭಾರೀ ಉದ್ಯೋಗ ಕಡಿತವಾಗುತ್ತಿದ್ಯಾ? ಉದ್ಯೋಗ ಕಡಿತ ಮಾಡುತ್ತಿದ್ದರು ಎಬಿಐಂ ಇದನ್ನ ನಿಗೂಢವಾಗಿ ಇಡುತ್ತಿದ್ಯಾ? ಇಂತಹ ಅನೇಕ ಪ್ರಶ್ನೆಗಳುಳ್ಳ ವರದಿಗಳು ಪ್ರಕಟವಾಗುತ್ತಿದೆ. ಐಬಿಎಂ ಸಾವಿರಾರು ಸಂಖ್ಯೆಯಲ್ಲಿ ತನ್ನ ಉದ್ಯೋಗಿಗಳನ್ನ ಮನೆಗೆ ಕಳುಹಿಸುತ್ತಿದೆ ಮತ್ತು ಇದನ್ನ ಗೌಪ್ಯವಾಗಿ ಇಡುತ್ತಿದೆ ಅನ್ನುವ ಆರೋಪಗಳು ಕೇಳಿಬರುತ್ತಿದೆ.

ಐಬಿಎಂನ ಸಿಇಒ ಆಗಿರುವ ಭಾರತ ಮೂಲದ ಅರವಿಂದ ಕೃಷ್ಣ ಕೂಡ ಉದ್ಯೋಗ ಕಡಿತದ ಸಂಬಂಧ ಸೈಲೆಂಟ್‌ ಆಗಿದ್ದಾರೆ ಎನ್ನಲಾಗಿದೆ. ಈ ಬಗ್ಗೆ ಯಾವುದೇ ಮಾಹಿತಿಯನ್ನ ಅವರು ಬಿಟ್ಟುಕೊಡುತ್ತಿಲ್ಲ. ಅರವಿಂದ ಕೃಷ್ಣ ಸಿಇಒ ಆಗಿ ನೇಮಕವಾದ ಬಳಿಕ ಕಂಪನಿಯ ಸಂಪ್ರದಾಯವನ್ನ ಮುರಿದು ಸಿಬ್ಬಂದಿಗಳ ವಜಾದಂತಹ ಕ್ರಮ ತೆಗೆದುಕೊಳ್ಳುತ್ತಿದ್ದಾರೆ ಎನ್ನುವ ಆರೋಪವು ಅವರ ಮೇಲಿದೆ.

ಮೇ ತಿಂಗಳಲ್ಲಿ ಅಮೆರಿಕಾದಲ್ಲಿ ಸಾವಿರಾರು ಉದ್ಯೋಗಿಗಳನ್ನ ಐಬಿಎಂ ಕೆಲಸದಿಂದ ವಜಾ ಮಾಡಿದೆ. ಇದು ಸಹಜವಾಗೇ ನೌಕರರನ್ನ ಆಂತಕ್ಕೀಡು ಮಾಡಿದೆ. ಆದ್ರೆ ಈ ಬಗ್ಗೆ ಕಂಪನಿ ಮಾತ್ರ ತುಟಿಕ್ ಪಿಟಿಕ್‌ ಅಂದಿಲ್ಲ. ಇನ್ನು ಐಬಿಎಂ ಮಾಜಿ ಉದ್ಯೋಗಿ ಜೇಮ್ಸ್‌ ಕೊರ್ಟಾಡ ಪ್ರತಿಕ್ರಿಯಿಸಿದ್ದು, ಉದ್ಯೋಗ ಕಡಿತ ಸಂಬಂಧ ಎಲ್ಲರೂ ಸಂಪೂರ್ಣ ಮಾಹಿತಿ ಪಡೆಯಲು ಇಚ್ಚಿಸುತ್ತಿದ್ದಾರೆ.

ಆದರೆ ಅದು ಐಬಿಎಂ ಕಡೆಯಿಂದ ಸಿಗಲು ಸಾಧ್ಯವೇ ಇಲ್ಲ ಎಂದಿದ್ದಾರೆ. ಮಾತು ಮುಂದುವರಿಸಿದ ಜೇಮ್ಸ್‌, ಎಪ್ರಿಲ್‌ ತಿಂಗಳಲ್ಲಿ ಸಿಇಒ ಆಗಿ ಅರವಿಂದ ಕೃಷ್ಣರವರು ನೇಮಕವಾದಾಗ ಇಂತಹ ಸಮಸ್ಯೆಗಳಿಗೆ ಅವರು ಇತೀಶ್ರೀ ಹಾಡಬಹುದು ಅಂದುಕೊಂಡಿದ್ದೆವು. ಆದ್ರೆ ಅವರು ಕೂಡ ಈ ಹಿಂದಿನಿಂದ ಬೇರವರು ಏನು ಮಾಡುತ್ತಿದ್ದರೂ ಅದನ್ನೇ ಮುಂದುವರಿಸಿದ್ದಾರೆ. ಉದ್ಯೋಗ ಕಡಿತವಾಗುತ್ತಿದೆ ಎಂದು ತಿಳಿಸಿದ್ದಾರೆ.

ಉದ್ಯೋಗ ಕಡಿತದ ಮಾಹಿತಿ ನೀಡಲು ಸಾಧ್ಯವಿಲ್ಲ:
ಇನ್ನು ಉದ್ಯೋಗ ಕಡಿತದ ಬಗ್ಗೆ ಐಬಿಎಂ ವಿರುದ್ಧದ ಆರೋಪಕ್ಕೆ ಪ್ರತಿಕ್ರಿಯಿಸಿರುವ ವಕ್ತಾರ ಎಡ್‌. ಬರ್ಬಿನಿ, ಸ್ಪರ್ಧಾತ್ಮಕ ಕಾರಣಗಳಿಂದಾಗಿ ಕಂಪನಿ ಉದ್ಯೋಗ ಕಡಿತದ ಬಗ್ಗೆ ಸಂಪೂರ್ಣ ಮಾಹಿತಿ ನೀಡಲು ಸಾಧ್ಯವಿಲ್ಲ ಎಂದು ತಿಳಿಸಿದ್ದಾರೆ. ಐಬಿಎಂ ಹೆಚ್ಚು ಸ್ಪರ್ಧಾತ್ಮಕ ಮಾರುಕಟ್ಟೆಯಲ್ಲಿ ಕೆಲಸ ಮಾಡುತ್ತಿದೆ.

ಕೆಲಸಕ್ಕೆ ಹೆಚ್ಚಿನ ಮೌಲ್ಯದ ಕೌಶಲ್ಯಗಳಿಗೆ ಉದ್ಯೋಗಿಗಳ ಅಗತ್ಯತೆ ಇರುತ್ತದೆ. ಹೀಗಾಗಿ ನಮ್ಮ ಸಂಸ್ಥೆಯ ನಿರ್ಧಾರಗಳು ನಮ್ಮ ವ್ಯವಹಾರದ ದೀರ್ಘಕಾಲೀನ ಹಿತಾಸಕ್ತಿಗಳಲ್ಲಿ ಮೇಲಿರುತ್ತೆ ಎಂದು ತಿಳಿಸಿದ್ದಾರೆ. ಅಲ್ಲದೇ, ಪ್ರಸ್ತುತ ಪರಿಸ್ಥಿತಿಗಳನ್ನು ಗಮನಿಸಿ ಐಬಿಎಂ ಜೂನ್ 2021 ರವರೆಗೆ ಎಲ್ಲಾ ಸಂತ್ರಸ್ಥ ಯುಎಸ್ ಉದ್ಯೋಗಿಗಳಿಗೆ ಸಬ್ಸಿಡಿ ವೈದ್ಯಕೀಯ ಕವರೇಜ್‌ಗಳನ್ನ ನೀಡುತ್ತೇವೆ ಎಂದು ಸ್ಪಷ್ಟೀಕರಣ ನೀಡಿದ್ದಾರೆ.

ಬೇರೆ ಸಂಸ್ಥೆಗಳ ಉದ್ಯೋಗ ಕಡಿತದ ಮಾಹಿತಿ ನೀಡುತ್ತವಾ..?
ಐಬಿಎಂ ಮಾತ್ರ ಉದ್ಯೋಗ ಕಡಿತದ ಮಾಹಿತಿಯನ್ನ ಗೌಪ್ಯವಾಗಿ ಇಡುತ್ತಾ? ಅಥವಾ ಬೇರೆ ಕಂಪನಿಗಳು ಈ ಬಗ್ಗೆ ಮಾಹಿತಿ ನೀಡುತ್ತಾ ಅನ್ನುವ ಅನೇಕ ಸಂಶಯಗಳಿರಬಹುದು. ಆದರೆ ಅನೇಕ ಐಟಿ ಕಂಪನಿಗಳು ಇಷ್ಟರವರೆಗೆ ಉದ್ಯೋಗ ಕಡಿತದ ಮಾಹಿತಿ ನೀಡಿರುವ ನಿದರ್ಶನಗಳು ಸಾಕಷ್ಟಿವೆ.

2019ರಲ್ಲಿ ಹೆಚ್‌ಪಿಗೆ ನೂತನ ಸಿಇಒ ನೇಮಕವಾದ 9,000 ಉದ್ಯೋಗ ಕಡಿತವಾಗುವ ಬಗ್ಗೆ ಮಾಹಿತಿ ನೀಡಿದ್ದರು. ಈ ಹಿಂದೆ ಕಾಗ್ನಿಜೆಂಟ್‌ ಕೂಡ 7,000 ಉದ್ಯೋಗಿಗಳನ್ನ ಮನೆಗೆ ಕಳುಹಿಸುವ ಬಗ್ಗೆ ಘೋಷಿಸಿಕೊಂಡಿತ್ತು. ಇವರು ಮಾತ್ರವಲ್ಲದೇ ಉಬರ್‌ ಟೆಕ್ನಾಲಜಿಸ್‌, ಟ್ರಿಪ್‌ ಅಡ್ವಾಯಿಸರ್‌ ಸೇರಿ ಅನೇಕ ಸಂಸ್ಥೆಗಳು ಘೋಷಿಸಿಕೊಂಡಿದ್ದವು. ಶೇ.90ರಷ್ಟು ಕಂಪನಿಗಳು ಉದ್ಯೋಗ ಕಡಿತದ ಬಗ್ಗೆ ಮಾಹಿತಿ ನೀಡಿದ್ದವು.

ಬಾಗಲಕೋಟೆ ಜಿಲ್ಲೆಗೆ ಮುಂಬೈನಿಂದ 66 ಮಂದಿ ಆಗಮನ

ಮೂಲಗಳ ಪ್ರಕಾರ ಸಾವಿರಾರು ಸಂಖ್ಯೆಯಲ್ಲಿ ಐಬಿಎಂನಿಂದ ಕೆಲಸ ಕಳೆದುಕೊಂಡು ಬೀದಿಗೆ ಬಿದ್ದಿರುವ ಮಾಹಿತಿ ಇದೆ. ಆದರೆ ಸಂಸ್ಥೆ ಮಾತ್ರ ಈ ಬಗ್ಗೆ ಯಾವುದೇ ಮಾಹಿತಿ ಬಿಟ್ಟುಕೊಟ್ಟಿಲ್ಲ. ಈ ಬಗ್ಗೆ ಮಾಜಿ ಸಿಬ್ಬಂದಿ ಹಾಗೂ ಈಗೀನ ಸಿಬ್ಬಂದಿಗಳ ನಡುವೆ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆ ನಡೆಯುತ್ತಲೇ ಇರುತ್ತದೆ ಎನ್ನಲಾಗಿದೆ.

ನಾರ್ಥ್ ಕರೋಲಿನಾದಲ್ಲೇ ಒಟ್ಟು 20,000ಕ್ಕೂ ಹೆಚ್ಚು ಉದ್ಯೋಗಿಗಳು ಕೆಲಸ ಕಳೆದುಕೊಂಡಿದ್ದಾರಂತೆ. ಇದು ಐಬಿಎಂ ಇತಿಹಾಸದಲ್ಲೇ ಇದೇ ಮೊದಲು ಇಷ್ಟು ಉದ್ಯೋಗಿಗಳನ್ನ ಕೆಲಸದಿಂದ ವಜಾ ಮಾಡಿರುವುದಂತೆ. ಇನ್ನು ಐಬಿಎಂ ಸುಖಾಸುಮ್ನನೆ ಕೆಲಸದಿಂದ ವಜಾಗೊಳಿಸುತ್ತಿಲ್ಲ. ಬದಲಾಗಿ ಸದ್ಯ ಮಾರುಕಟ್ಟೆಯಲ್ಲಿರುವ ಸ್ಪರ್ಧೆ, ಕೌಶಲ್ಯ ಹೊಂದಿರುವ ನೌಕರರ ನಡುವಿನ ಸ್ಪರ್ಧೆ ಕೂಡ ಇದಕ್ಕೆ ಕಾರಣವಂತೆ. ಹೀಗಾಗಿ ಅಮೆರಿಕಾದ ಹಲವು ರಾಜ್ಯಗಳ ಸಂಸ್ಥೆಗಳಲ್ಲಿ ಉದ್ಯೋಗಿಗಳನ್ನ ಕೆಲಸದಿಂದ ವಜಾಗೊಳಿಸುತ್ತಿವೆ ಎನ್ನಲಾಗಿದೆ.