ನವದೆಹಲಿ: ಸಾಕಷ್ಟು ಮಹಿಳೆಯರಿಗೆ ತಾನು ಮದುವೆಯಾಗುವ ವ್ಯಕ್ತಿ ಒಳ್ಳೆಯ ಕೆಲಸದಲ್ಲಿರಬೇಕು. ಕೈತುಂಬ ಸಂಬಳ ತರಬೇಕೆಂಬ ಆಸೆಯನ್ನು ಹೊಂದಿರುತ್ತಾರೆ. ಆಸೆಗೆ ಬಿದ್ದು ಮೋಸ ಹೋಗಿರುವವರು ಸಾಕಷ್ಟು ಇದ್ದಾರೆ. ಈ ಪ್ರಕರಣದಲ್ಲಿ ಆಗಿದ್ದು ಅದೇ, ತಾನೂ ಒಬ್ಬ ವಿಜ್ಞಾನಿಯನ್ನು ಮದುವೆಯಾಗಿದ್ದೇನೆ ಅಂದುಕೊಂಡಿದ್ದ ಮಹಿಳೆಗೆ ಅಸಲಿಯತ್ತು ತಿಳಿದು ಶಾಕ್ ಆಗಿದೆ.
ತಾನೊಬ್ಬ ಡಿಆರ್ಡಿಯಒ ವಿಜ್ಞಾನಿ ಎಂದು ಸುಳ್ಳು ಹೇಳಿದ ವ್ಯಕ್ತಿಯನ್ನು ನಂಬಿ, ದೆಹಲಿ ಮೂಲದ ಮಹಿಳೆ ಮೋಸ ಹೋಗಿದ್ದಾಳೆ. ಇದೀಗ ಆತ ನಿರುದ್ಯೋಗಿ ಮಾತ್ರವಲ್ಲದೆ, ಈ ಹಿಂದೆಯೇ ಆತನಿಗೆ ಮದುವೆಯಾಗಿದೆ ಎಂಬುದನ್ನು ತಿಳಿದು ಶಾಕ್ಗೆ ಒಳಗಾಗಿ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾಳೆ. ಆತನ ವಿರುದ್ಧ ಉದ್ಯೋಗ ಮತ್ತು ಮದುವೆ ವಿಚಾರದಲ್ಲಿ ಸುಳ್ಳು ಹೇಳಿ, ಐಡಿ ಕಾರ್ಡ್ನ್ನು ಫೋರ್ಜರಿ ಮಾಡಿ ವಂಚಿಸಿದ ಪ್ರಕರಣ ದಾಖಲಿಸಿದ್ದಾಳೆ.
ದೂರುದಾರೆಯು ಪಿಎಚ್ಡಿ ವಿದ್ಯಾರ್ಥಿನಿಯಾಗಿದ್ದು, ಜೀತೆಂದರ್ ಸಿಂಗ್ ಎಂಬುವವರನ್ನು ಮದುವೆಯಾಗಿದ್ದಳು. ಡಿಆರ್ಡಿಒ ವಿಜ್ಞಾನಿ ಎಂದು ಪರಿಚಯ ಮಾಡಿಕೊಂಡಿದ್ದ ಆರೋಪಿ, ಬೇಗನೇ ಮದುವೆಯಾಗಿದ್ದ. ಆದರೆ, ಸತ್ಯವನ್ನು ಎಲ್ಲಿಯವರೆಗೆ ಮರೆಮಾಚಲು ಸಾಧ್ಯ. ಆತ ನಿರುದ್ಯೋಗಿ ಹಾಗೂ ಆಗಲೇ ಮದುವೆಯಾಗಿದೆ ಎಂಬುದು ಬಹುಬೇಗನೆ ಆಕೆಗೆ ತಿಳಿಯಿತು.
ಸದ್ಯ ಆರೋಪಿ ವಿರುದ್ಧ ದೆಹಲಿಯ ದ್ವಾರಕದ ನಾರ್ಥ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಆರೋಪಿಯನ್ನು ಬಂಧಿಸುವ ಯತ್ನ ನಡೆದಿದ್ದು, ತನಿಖೆ ಮುಂದುವರಿದಿದೆ.
Comments are closed.