ನ್ಯೂಯಾಕ್: ವಿಶ್ವದಾದ್ಯಂತ ಅಧಿಕ ಜನರನ್ನು ಒಳಗೊಂಡ ಫೇಸ್ಬುಕ್ ಜಾಲತಾಣದಲ್ಲೂ ಪ್ರಧಾನಿ ನರೇಂದ್ರ ಮೋದಿ ವಿಶ್ವದಲ್ಲೇ ಪ್ರಭಾವಶಾಲಿ ವ್ಯಕ್ತಿಯಾಗಿ ಹೊರಹೊಮ್ಮಿದ್ದಾರೆ. ಮೋದಿ ಅವರ ವೈಯಕ್ತಿಕ ಫೇಸ್ಬುಕ್ ಖಾತೆಗೆ 43.5 ಮಿಲಿಯನ್ ಲೈಕ್ಸ್ ಹಾಗೂ ಅಧಿಕೃತ ಖಾತೆಗೆ 13.7 ಲೈಕ್ಸ್ಗಳನ್ನು ಪಡೆಯುವ ಮೂಲಕ ಫೇಸ್ಬುಕ್ನಲ್ಲಿ ಅತಿಹೆಚ್ಚು ಲೈಕ್ಸ್ ಪಡೆದ ಜಗತ್ತಿನ ಅಗ್ರಗಣ್ಯ ನಾಯಕರ ಸಾಲಿನಲ್ಲಿ ಮೊದಲ ಸ್ಥಾನದಲ್ಲಿ ಇದ್ದಾರೆ.
ಗ್ಲೋಬಲ್ ಕಮ್ಯುನಿಕೇಷನ್ ಏಜೆನ್ಸಿ ಬಿಸಿಡಬ್ಲ್ಯೂ ನಡೆಸಿದ ‘ಟಿಪ್ಲೊಮೆಸಿ‘ ಅಧ್ಯಯನದ ಪ್ರಕಾರ ಪ್ರಧಾನಿ ನರೇಂದ್ರ ಮೋದಿಯವರ ಫೇಸ್ಬುಕ್ ಖಾತೆಯನ್ನು 43.5 (4 ಕೋಟಿ 35 ಲಕ್ಷ) ಮಿಲಿಯನ್ ಜನರು ಲೈಕ್ ಮಾಡಿದ್ದಾರೆ. ಅಧಿಕೃತ ಫೇಸ್ಬುಕ್ ಖಾತೆಯನ್ನು 13.7 (1 ಕೋಟಿ 37 ಲಕ್ಷ) ಮಂದಿ ಲೈಕ್ಸ್ ಮಾಡಿದ್ದಾರೆ.
ಮೋದಿ ಅವರ ನಂತರ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಎರಡನೇ ಸ್ಥಾನದಲ್ಲಿ ಇದ್ದಾರೆ. ಇವರ ಖಾತೆಯನ್ನು 23 ಮಿಲಿಯನ್ ಜನರು ಲೈಕ್ ಮಾಡಿದ್ದಾರೆ. ಈ ಮೂಲಕ ಅಮೆರಿಕ ಅಧ್ಯಕ್ಷ ಟ್ರಂಪ್ ವಿಶ್ವ ನಾಯಕರ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದ್ದಾರೆ.
ಜೋರ್ಡನ್ನ ರಾಣಿ ರಾನಿಯಾ ಫೇಸ್ಬುಕ್ನಲ್ಲಿ 3ನೇ ಸ್ಥಾನ ಪಡೆದಿದ್ದು, 16.9 ಮಿಲಿಯನ್ ಜನರು ರಾನಿಯಾ ಅವರ ಫೇಸ್ಬುಕ್ ಖಾತೆಯನ್ನು ಲೈಕ್ ಮಾಡಿದ್ದಾರೆ ಎಂದು ಅಧ್ಯಯನ ವರದಿ ತಿಳಿಸಿದೆ.
ಇತ್ತೀಚೆಗೆ ಬ್ರೆಜಿಲ್ ದೇಶದ ನೂತನವಾಗಿ ಆಯ್ಕೆಗೊಂಡ ಅಧ್ಯಕ್ಷ ಜಾಯರ್ ಬೊಲ್ಸೊನಾರೋ ಫೇಸ್ಬುಕ್ ಪೇಜ್ನ್ನು ಸಕ್ರಿಯವಾಗಿ ಬಳಸುತ್ತಿರುವ ಕಾರಣ 145 ಮಿಲಿಯನ್ ಜನರು ಇವರ ಖಾತೆಯಲ್ಲಿ ಸಂವಾದ ನಡೆಸಿದ್ದಾರೆ. ಟ್ರಂಪ್ ಅವರ ಖಾತೆಯಲ್ಲಿ 84 ಮಿಲಿಯನ್ ಜನರ ಸಂವಾದ ನಡೆಸಿದ್ದಾರೆ.
Comments are closed.