ಅಂತರಾಷ್ಟ್ರೀಯ

ಭಾರತದ ಮಿರಾಜ್-2000 Vs ಪಾಕಿಸ್ತಾನದ F-16: ವೈಶಿಷ್ಟ್ಯಗಳು ಮತ್ತು ವಿಶೇಷಣಗಳು

Pinterest LinkedIn Tumblr


ಧೈರ್ಯಶಾಲಿ ಕಾರ್ಯಾಚರಣೆಯಲ್ಲಿ, 12 ಭಾರತೀಯ ಏರ್ ಫೋರ್ಸ್ ಮಿರಾಜ್ -2000 ಫೈಟರ್ ಜೆಟ್ಗಳು LoC ಅನ್ನು ದಾಟಿ ಪಾಕಿಸ್ತಾನದ ಬಾಲಾಕೋಟ್ನಲ್ಲಿ ಜೈಶ್-ಎ-ಮೊಹಮ್ಮದ್ ಭಯೋತ್ಪಾದನಾ ಶಿಬಿರದ ಮೇಲೆ 1,000 ಕೆಜಿ ಲೇಸರ್-ನಿರ್ದೇಶಿತ ಬಾಂಬ್ ದಾಳಿ ನಡೆಸಿವೆ. ಈ ದಾಳಿಯಲ್ಲಿ ಕನಿಷ್ಠ 300 ಭಯೋತ್ಪಾದಕರನ್ನು ನಿರ್ನಾಮ ಮಾಡಲಾಗಿದೆ.

ರಾಫೆಲ್ ಫೈಟರ್ ಜೆಟ್ಗಳನ್ನು ತಯಾರಿಸುತ್ತಿರುವ ಫ್ರೆಂಚ್ ಕಂಪನಿ ಡಸ್ಸಾಲ್ಟ್ ಏವಿಯೇಷನ್ ಮಿರಾಜ್-2000 ಯುದ್ಧ ವಿಮಾನವನ್ನೂ ತಯಾರಿಸಿದೆ.

ಬುಧವಾರ, ಪಾಕಿಸ್ತಾನ ಭಾರತದಲ್ಲಿ ಕೆಲವು ಸೇನಾ ಸಂಸ್ಥೆಗಳ ಮೇಲೆ ಆಕ್ರಮಣ ಮಾಡಲು ವಿಫಲ ಪ್ರಯತ್ನ ಮಾಡಿದೆ. ಪಾಕಿಸ್ತಾನದ ವಾಯುಪಡೆಯ ಮೂರು F-16 ಫೈಟರ್ ಜೆಟ್ಗಳು ಭಾರತೀಯ ವಾಯುಪ್ರದೇಶವನ್ನು ಪ್ರವೇಶಿಸಿವೆ. ಆದರೆ ಭಾರತೀಯ ವಾಯುಸೇನೆ ಅವುಗಳನ್ನು ಹಿಮ್ಮೆಟ್ಟಿಸುವಲ್ಲಿ ಯಶಸ್ವಿಯಾಗಿವೆ.

ಪಾಕಿಸ್ತಾನ ನೆಲದಲ್ಲಿ ಭಾರತೀಯ ಸೇನೆಯ ಮಿರಾಜ್-2000 ಯುದ್ಧ ವಿಮಾನ ಭೀಕರ ಬಾಂಬ್ ದಾಳಿ ನಡೆಸುತ್ತಿದ್ದಾಗ ಪ್ರತಿದಾಳಿಗೆ ಮುಂದಾಗಿದ್ದ ಪಾಕಿಸ್ತಾನ ಎಫ್-16 (ಅಮೆರಿಕನ್ ಕಂಪನಿ ಲಾಕ್ಹೀಡ್ ಮಾರ್ಟಿನ್ ತಯಾರಿಸಿದ ಎಫ್ -16 ಫೈಟರ್ ಜೆಟ್) ಯುದ್ಧ ವಿಮಾನ ಹೆದರಿ ವಾಪಸಾಗಿದೆ ಎಂದು ಹೇಳಲಾಗುತ್ತಿದೆ.

ಭಾರತೀಯ ವಾಯುಸೇನೆಯ ಮಿರಾಜ್ -2000 ಶಕ್ತಿಶಾಲಿ ವಿಮಾನ ಎಂಬುದನ್ನು ವಾಸ್ತವವಾಗಿ ನಿರಾಕರಿಸುವಂತಿಲ್ಲ. ಭಾರತೀಯ ಸೈನ್ಯದಲ್ಲಿರುವ ಮಿರಾಜ್ 2000 ಒಂದು ಸೀಟಿನ ಫೈಟರ್ ಜೆಟ್ ಆಗಿದೆ. ಇದನ್ನು ‘ಡಸ್ಸಾಲ್ಟ್ ಮಿರೇಜ್ ಏವಿಯೇಷನ್’ ನಿರ್ಮಿಸಿದೆ. ಮಿರಾಜ್-2000 ಫೈಟರ್ ಜೆಟ್ ಅನ್ನು 1980 ರ ದಶಕದಲ್ಲಿ ಫ್ರಾನ್ಸ್ನಿಂದ ಖರೀದಿಸಲಾಯಿತು. ಆ ಬಳಿಕ ಐಎಎಫ್ ಮಿರಾಜ್ 2000 ಕ್ಕೆ ವಜ್ರ ಎಂದು ಹೆಸರಿಟ್ಟಿತ್ತು(ಸಂಸ್ಕೃತದಲ್ಲಿ ವಜ್ರ ಎಂದರೆ ಬೆಳಕು ಅಂತ ಅರ್ಥ, ಇಂಗ್ಲಿಷ್ ನಲ್ಲಿ ಥಂಡರ್ ಬೋಲ್ಟ್ ಎಂಬುದಾಗಿ)!

1999ರಲ್ಲಿ ಕಾರ್ಗಿಲ್ ಯುದ್ಧ ನಡೆದಾಗ ಹಿಮಾಲಯದ ಎತ್ತರದ ಪ್ರದೇಶಗಳಲ್ಲಿ ಅದ್ಭುತವಾಗಿ ಕೆಲಸ ಮಾಡಿದ್ದು ಇದೇ ಮಿರಾಜ್ 2000 ವಿಮಾನ. ಭಾರತಕ್ಕೆ ಸರಬರಾಜು ಮಾಡಿದ ಮಿರಾಜ್ ಗಳಲ್ಲಿ ಸೀಮಿತವಾದ ವಾಯು ದಾಳಿ ಸಾಮರ್ಥ್ಯ ಇತ್ತು. ಆ ನಂತರ ಅದರಲ್ಲಿ ಭಾರೀ ಮಾರ್ಪಾಟು ಮಾಡಿ, ಲೇಸರ್-ಮಾರ್ಗದರ್ಶನದ ಬಾಂಬ್ ಗಳು ಹಾಗೂ ಸಾಂಪ್ರದಾಯಿಕವಾಗಿ ಬಳಕೆಯಾಗುವ ಬಾಂಬ್ ಗಳನ್ನು ಹಾಕಲು ಸಿದ್ಧಗೊಳಿಸಲಾಯಿತು. ಭಾರತೀಯ ವಾಯುಪಡೆ ಪ್ರಸ್ತುತ 50 ‘ಮಿರಾಜ್-2000’ ಹೊಂದಿದೆ.

ಮತ್ತೊಂದೆಡೆ, ಫೈಟಿಂಗ್ ಫಾಲ್ಕನ್ ಅಥವಾ ವೈಪರ್ ಎಂದೂ ಕರೆಯಲ್ಪಡುವ ಎಫ್ -16 ತನ್ನ ಚಾಣಾಕ್ಷತೆಗೆ ಹೆಸರುವಾಸಿಯಾಗಿದೆ ಮತ್ತು 80 ರ ದಶಕದ ಆದಿಯಲ್ಲಿ ಪಾಕಿಸ್ತಾನ ಏರ್ ಫೋರ್ಸ್ನಲ್ಲಿ ಈ ಫೈಟರ್ ಜೆಟ್ಗಳನ್ನು ಮೊದಲು ಸೇರಿಸಿಕೊಳ್ಳಲಾಯಿತು. ಪಾಕಿಸ್ತಾನ ಏರ್ ಫೋರ್ಸ್ ಎಫ್ 16 ರ ಎಫ್ -16 ಸಿ / ಡಿ ರೂಪಾಂತರಗಳನ್ನು ಬಳಸುತ್ತದೆ, ಅದು ಬಹುಮುಖಿ ಯುದ್ಧ ವಿಮಾನವಾಗಿದೆ.

ಮಿರಾಜ್ 2000 SNECMA M53 ಎಂಬ ಏಕೈಕ ಶಾಫ್ಟ್ ಎಂಜಿನ್ ಹೊಂದಿದೆ. ಎಲ್ಲಾ ರೀತಿಯ ವಾತಾವರಣದಲ್ಲೂ ಪ್ರತಿಬಂಧಕ ಸಾಮರ್ಥ್ಯ ಹೊಂದಿರುವ ಮಿರಾಜ್-2000 ಫೈಟರ್ ಜೆಟ್, ಕಾರ್ಗಿಲ್ ಯುದ್ಧದ ವಿಜಯದಲ್ಲೂ ಮಹತ್ವದ ಪಾತ್ರ ವಹಿಸಿತ್ತು. ಥೇಲ್ಸ್ RDY 2 ರೇಡಾರ್ ನ್ನು ಹೊಂದಿರುವ ಮಿರಾಜ್-2000 ಟಾರ್ಗೆಟ್ ನ್ನು ಸ್ವಯಂ ಚಾಲಿತವಾಗಿ ಟ್ರಾಕ್ ಮಾಡುವ ಸಾಮರ್ಥ್ಯ ಹೊಂದಿದೆ. ಇದು ಒಂದೇ ಸೀಟರ್ ಜೆಟ್ ಆದರೆ ಅಗತ್ಯವಿದ್ದರೆ ಅವಳಿ ಸೀಟ್ ಜೆಟ್ ಆಗಿ ಪರಿವರ್ತಿಸಬಹುದು.

ಮಿರಾಜ್ 2000 ಯುದ್ಧ ವಿಮಾನದಲ್ಲಿ ಒಬ್ಬರೇ ಒಬ್ಬರು ಕ್ರ್ಯೂ(ಪೈಲಟ್) ಇರುತ್ತಾರೆ. ಇದರ ಉದ್ದ 14.36 ಮೀಟರ್ (47 ಅಡಿ ಉದ್ದ). ರೆಕ್ಕೆಯ ಉದ್ದ 9.13 ಮೀಟರ್(29 ಅಡಿ ಅಗಲ), ಸುಮಾರು 5,20 ಮೀಟರ್ ಎತ್ತರ, ರೆಕ್ಕೆಯ ವಿಸ್ತಾರ 41 ಮೀಟರ್, ವಿಮಾನದ (ಖಾಲಿ) ತೂಕ 7,500 ಕೆಜಿ, ಲೋಡೆಡ್ ವಿಮಾನದ ತೂಕ 13, 800 ಕೆಜಿ.

ಫ್ಲೈ-ಬೈ-ವೈರ್ ಫ್ಲೈಟ್ ಕಂಟ್ರೋಲ್ ಸಿಸ್ಟಮ್ ಮತ್ತು ಸೆಕ್ಸ್ಟಂಟ್ VE-130 HUD ನೊಂದಿಗೆ ಮಿರಾಜ್ 2000 ಲೋಡ್ ಆಗುತ್ತದೆ. ಇದು ವಿಮಾನದ ನಿಯಂತ್ರಣ, ನ್ಯಾವಿಗೇಷನ್, ನಿಶ್ಚಿತ ಗುರಿ ಮತ್ತು ಶಸ್ತ್ರಾಸ್ತ್ರ ದಹನದ ಮಾಹಿತಿಯನ್ನು ತೋರಿಸುತ್ತದೆ. ಮಿರೇಜ್ 2000 ಲೇಸರ್ ಮಾರ್ಗದರ್ಶಿ ಬಾಂಬುಗಳನ್ನು ಹೊತ್ತೊಯ್ಯಬಲ್ಲದು. ಇದು ಮಂಡಳಿಯಲ್ಲಿ ಥಾಮ್ಸನ್- CSF RDY (ರಾಡಾರ್ ಡಾಪ್ಲರ್ ಮಲ್ಟಿ-ಟಾರ್ಗೆಟ್) ರೇಡಾರ್ ಅನ್ನು ಹೊಂದಿದೆ.

ಎಫ್ -16 ಫಾಲ್ಕನ್ ಒಂದು ಇಂಜಿನ್ ವಿಮಾನವಾಗಿದ್ದು, ಸಿಂಗಲ್-ಸೀಟ್ ಮತ್ತು ಡಬಲ್ ಸೀಟ್ ಕಾನ್ಫಿಗರೇಶನ್ ಎರಡರಲ್ಲೂ ಲಭ್ಯವಿದೆ. ಇದು 2120 ಕಿಮೀ ವೇಗದ ಸಾಮರ್ಥ್ಯ ಹೊಂದಿದೆ. ಇದರ ಉದ್ದ 15.06 ಮೀಟರ್ ಮತ್ತು ರೆಕ್ಕೆಯ ಉದ್ದ 9.96 ಇರುವ ವಿಮಾನದ (ಖಾಲಿ) ತೂಕ 8570 ಕೆಜಿ ಇದ್ದು, ಗರಿಷ್ಠ 19200 ಕೆಜಿ ತೂಕವನ್ನು ಹೊತ್ತೊಯ್ಯುವ ಸಾಮರ್ಥ್ಯ ಹೊಂದಿದೆ.

ಎಫ್ -16 ವಿವಿಧ ರೀತಿಯ ಬಾಂಬುಗಳೊಂದಿಗೆ ರಾಕೆಟ್ಗಳು, ವಾಯು ನೆಲೆಯಿಂದ ವಾಯುನೆಲೆಗೆ ಸಿಡಿಸಬಲ್ಲ ಮಿಸೈಲ್, ಆಕಾಶದಿಂದ ಭೂಮಿಗೆ ಸಿಡಿಸಬಲ್ಲ ಮಿಸೈಲ್ ಮತ್ತು ವಾಯುನೆಲೆಯಿಂದ ನೌಕಾನೆಲೆಗೆ ಕ್ಷಿಪಣಿಗಳನ್ನು ಸಾಗಿಸುವ ಸಾಮರ್ಥ್ಯ ಹೊಂದಿದೆ.

ಮಿರಾಜ್ 2000 ವಿಮಾನ ಗರಿಷ್ಠ 2,336 ಕಿಲೋ ಮೀಟರ್ ವೇಗದಲ್ಲಿ ಹಾರಾಟ ನಡೆಸುವ ಸಾಮರ್ಥ್ಯ ಹೊಂದಿದೆ. 1,550 ಕಿಲೋ ಮೀಟರ್ ದೂರದವರೆಗೆ ಬಾಂಬ್ ಹಾಕಬಲ್ಲ ಶಕ್ತಿ ಇದಕ್ಕಿದೆ. ಬರೋಬ್ಬರಿ 56 ಸಾವಿರ ಅಡಿ ಎತ್ತರದಲ್ಲಿ ಹಾರಾಟ ನಡೆಸುವ ತಾಕತ್ತು ಮಿರಾಜ್ 2000 ಯುದ್ಧ ವಿಮಾನಕ್ಕಿದೆ. ಮಿರಾಜ್ 2000 ವಿಮಾನದಲ್ಲಿ ಗನ್, 58ಮಿ.ಮೀಟರ್ ನ ರಾಕೆಟ್ ಗಳು, ವಾಯು ನೆಲೆಯಿಂದ ವಾಯುನೆಲೆಗೆ ಸಿಡಿಸಬಲ್ಲ ಮಿಸೈಲ್, ಆಕಾಶದಿಂದ ಭೂಮಿಗೆ ಸಿಡಿಸಬಲ್ಲ ಮಿಸೈಲ್ ಗಳನ್ನು ಹೊತ್ತೊಯ್ಯಬಲ್ಲ ಸಾಮರ್ಥ್ಯವಿದೆ.

ಮಿರೇಜ್ 2000 ಅನ್ನು ಭಾರತ ಹೊರತುಪಡಿಸಿ, ಫ್ರಾನ್ಸ್, ಈಜಿಪ್ಟ್, ಯುಎಇ, ಪೆರು, ತೈವಾನ್, ಪೆರು, ಗ್ರೀಸ್ ಮತ್ತು ಬ್ರೆಜಿಲ್ ಬಳಸುತ್ತದೆ. ಮತ್ತೊಂದೆಡೆ, F-16 ಗಳನ್ನು ಟರ್ಕಿ, ಬೆಲ್ಜಿಯಂ, ನಾರ್ವೆ ಮತ್ತು ಯುನೈಟೆಡ್ ಸ್ಟೇಟ್ಸ್ನಂತಹ ನ್ಯಾಟೋ ಸದಸ್ಯ ರಾಷ್ಟ್ರಗಳು ಸೇರಿದಂತೆ ಹಲವು ದೇಶಗಳಿಂದ ಬಳಸಲಾಗುತ್ತದೆ.

Comments are closed.