ನವದೆಹಲಿ : ದುಬೈನಿಂದ ಪ್ರಯಾಣಿಸುತ್ತಿದ್ದ ವಿಮಾನ ಟೇಕ್ ಆಫ್ ಆದ ಸಂದರ್ಭದಲ್ಲಿ ಪ್ರಯಾಣಿಕನೋರ್ವ ಬಟ್ಟೆ ಬಿಚ್ಚಿಕೊಂಡು ವಿಮಾನದೊಳಗೆ ಓಡಾಡತೊಡಗಿದ ಘಟನೆ ಪ್ರಯಾಣಿಕರಿಗೆ ಭಾರೀ ಮುಜುಗರ ಉಂಟುಮಾಡಿದೆ.
150 ಪ್ರಯಾಣಿಕರಿದ್ದಏರ್ ಇಂಡಿಯಾ ಎಕ್ಸ್ಪ್ರೆಸ್ ವಿಮಾನ ದುಬೈಯಿಂದ ಲಕ್ನೋ ಕಡೆಗೆ ಹೋಗುತ್ತಿತ್ತು. ಇನ್ನೇನು ವಿಮಾನ ಟೇಕಾಫ್ ಆಯಿತು ಎನ್ನುವಾಗ ಪ್ರಯಾಣಿಕರಿಗೆ ಆಘಾತ, ಅಚ್ಚರಿ, ಭಯ ಎಲ್ಲವೂ ಒಟ್ಟೊಟ್ಟಿಗೆ ಶುರುವಾಯಿತು. ಅದಕ್ಕೆ ಕಾರಣವೂ ಇದೆ. ವಿಮಾನದಲ್ಲಿದ್ದ ಓರ್ವ ಪ್ರಯಾಣಿಕ ವಿಮಾನ ಟೇಕ್ ಆಫ್ ಆಗುತ್ತಿದ್ದಂತೆ ವ್ಯಕ್ತಿ ತನ್ನ ಬಟ್ಟೆ ಬಿಚ್ಚಿ ಓಡಾಡತೊಡಗಿದ್ದಾನೆ. ಪ್ರಯಾಣಿಕನ ಈ ವರ್ತನೆಯನ್ನು ಕಂಡ ವಿಮಾನದ ಸಿಬ್ಭಂದಿ ಆತನನ್ನು ತಡೆದು, ನಗ್ನನಾಗಿದ್ದ ಆತನ ಮೈಮೇಲೆ ಬಟ್ಟೆ ಹೊದಿಸಿ ಸೀಟಿನ ಮೇಲೆ ಕೂರಿಸಿದ್ದಾರೆ.
ನಿನ್ನೆ ಮಧ್ಯಾಹ್ನ ಈ ಘಟನೆ ನಡೆದಿದ್ದು, ಪ್ರಯಾಣಿಕನ ಈ ವರ್ತನೆಗೆ ಕಾರಣ ತಿಳಿದುಬಂದಿಲ್ಲ. ವಿಮಾನವು ಲಕ್ನೋ ನಿಲ್ದಾಣಕ್ಕೆ ಆಗಮಿಸಿದಂತೆ ವ್ಯಕ್ತಿಯನ್ನು ಭದ್ರತಾ ಸಿಬ್ಬಂದಿಗೆ ನೀಡಿದ್ದಾರೆ ಎನ್ನಲಾಗಿದೆ.
Comments are closed.