ರಾಷ್ಟ್ರೀಯ

ಬ್ರೈನ್‌ ಡೆಡ್‌ ಆಗಿರುವ ಪುತ್ರನ ಅಂಗಾಂಗ ದಾನ ಮಾಡಿ 9 ಜನರಿಗೆ ಹೊಸ ಜೀವನ ನೀಡಿದ ಕುಟುಂಬ

Pinterest LinkedIn Tumblr


ಚಂಡೀಗಢ: ಹರಿಯಾಣದ ಕುಟುಂಬವೊಂದು ತಮ್ಮ 25 ವರ್ಷದ ಬ್ರೈನ್‌ ಡೆಡ್‌ ಆಗಿರುವ ಪುತ್ರನ ಅಂಗಾಂಗಗಳನ್ನು ದಾನ ಮಾಡಲು ನವೆಂಬರ್ 15 ರಂದು ಒಪ್ಪಿಗೆ ನೀಡಿದ್ದರು. ನವೆಂಬರ್ 13 ರಂದು ಬೈಕ್‌ನಲ್ಲಿ ಕೆಲಸಕ್ಕೆ ಹೋಗುತ್ತಿದ್ದ ವೇಳೆ ವೇಗವಾಗಿ ಬರುತ್ತಿದ್ದ ಕಾರು ಯುವಕನಿಗೆ ಗುದ್ದಿ, ಆತನ ತಲೆಗೆ ಸೇರಿ ಗಂಭೀರವಾಗಿ ಗಾಯಗೊಂಡಿದ್ದ. ಬಳಿಕ, ಆತನನ್ನು ಬ್ರೈನ್‌ ಡೆಡ್ ಎಂದು ಘೋಷಿಸಲಾಗಿತ್ತು. ಈ ಹಿನ್ನೆಲೆ ಆತನ ಅಂಗಾಂಗಗಳನ್ನು ದಾನ ಮಾಡಲು ಕುಟುಂಬದವರು ಒಪ್ಪಿಕೊಂಡಿದ್ದರು.

ಇದರಿಂದ, ಯಕೃತ್ತು, ಮೇದೋಜ್ಜೀರಕ ಗ್ರಂಥಿ ಹಾಗೂ ಮೂತ್ರಪಿಂಡದ ಅಂಗಾಂಗ ಕಸಿ ಮಾಡುವ ಮೂಲಕ ಅಂಗಾಂಗ ವಿಫಲಗೊಂಡಿದ್ದ ಮೂವರು ರೋಗಿಗಳಿಗೆ ಹೊಸ ಜೀವನ ದೊರೆತಿದೆ. ಅಲ್ಲದೆ, ಯುವಕನ ಕಣ್ಣುಗಳು ( ಕಾರ್ನಿಯಾಗಳನ್ನು ) ಇತರೆ ಇಬ್ಬರಿಗೆ ನೀಡಲಾಗುವುದೆಂದು ಹೇಳಲಾಗಿದೆ.

ಇನ್ನು, ಈ ಬಗ್ಗೆ ಮಾತನಾಡಿದ ಮೃತ ಯುವಕನ ತಂದೆ, ”ನನ್ನ ಮಗ ಮೃತಪಟ್ಟರೂ ಅವನ ನೆನಪುಗಳು ಜೀವಿಸಬೇಕು. ಜತೆಗೆ, ಅವನು ಪ್ರಾಣ ಕಳೆದುಕೊಂಡರೂ ಇತರೆ ಐವರ ಜೀವ ಉಳಿಸಿದ್ದಾನೆಂದು ಇಡೀ ವಿಶ್ವವೇ ಅವನ ಬಗ್ಗೆ ಹೆಮ್ಮೆ ಪಡಬೇಕು” ಎಂದು ಹೇಳುತ್ತಾರೆ.

ಇದೇ ರೀತಿ ಪಂಜಾಬ್ ಪೊಲೀಸ್ ಸೇವೆಯಿಂದ ನಿವೃತ್ತರಾಗಿದ್ದ 62 ವರ್ಷದ ಮೃತ ವ್ಯಕ್ತಿಯ ಅಂಗಾಂಗಗಳನ್ನು ದಾನ ಮಾಡಲು ಅವರ ಕುಟುಂಬದವರು ಒಪ್ಪಿಕೊಂಡಿದ್ದರು. ಬಳಿಕ, ಪೊಲೀಸ್ ಅಧಿಕಾರಿಯ ಕಣ್ಣುಗಳು ಹಾಗೂ ಕಿಡ್ನಿಗಳನ್ನು ಇತರೆ ನಾಲ್ವರು ವ್ಯಕ್ತಿಗಳಿಗೆ ಕಸಿ ಮಾಡಲಾಗಿದೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಮೃತ ವ್ಯಕ್ತಿಯ ಪತ್ನಿ, ”ನನ್ನ ಪತಿ ಪಂಜಾಬ್ ಪೊಲೀಸ್ ಇಲಾಖೆಯಲ್ಲಿ ಕೆಲಸ ಮಾಡಬೇಕಾದರೆ ಇತರರ ಸುರಕ್ಷತೆಗಾಗಿ ತನ್ನ ಜೀವದ ಹಂಗನ್ನು ಸಹ ತೊರೆದು ಹೋರಾಡಿದ್ದಾರೆ. ಈಗ ಸತ್ತ ಬಳಿಕವೂ ಅವರು ನಾಲ್ವರಿಗೆ ಸಂರಕ್ಷಕರಾಗಿದ್ದಾರೆ” ಎಂದು ಹೇಳಿದ್ದಾರೆ. 62 ವರ್ಷದ ವ್ಯಕ್ತಿ ಸಹ ನವೆಂಬರ್ 11ರಂದು ವೇಗವಾಗಿ ಬಂದ ವಾಹನದಿಂದ ಅಪಘಾತಕ್ಕೀಡಾಗಿ ಬಳಿಕ ಅವರನ್ನು ಚಂಡೀಗಢದ ಪಿಜಿಐಎಂಇಆರ್‌ ಆಸ್ಪತ್ರೆಗೆ ಸೇರಿಸಲಾಗಿತ್ತು. ಮೂರು ದಿನ ಸಾವು ಬದುಕಿನ ನಡುವೆ ಹೋರಾಡಿದ ಪೊಲೀಸ್ ಅಧಿಕಾರಿ, ನವೆಂಬರ್ 14 ರಂದು ಮೃತಪಟ್ಟಿದ್ದರು.

Comments are closed.