ರಾಷ್ಟ್ರೀಯ

ಈ ಹಳ್ಳಿಯಲ್ಲಿ ಹೆಣ್ಣು ಮಗು ಜನಿಸಿದರೆ 111 ಸಸಿಗಳನ್ನು ನೆಡಲೇಬೇಕು…! ಯಾಕೆ ಗೊತ್ತೇ…?

Pinterest LinkedIn Tumblr

ಪ್ರಧಾನಿ ನರೇಂದ್ರ ಮೋದಿ ಅವರು ಬೇಟಿ ಬಚಾವೋ, ಬೇಟಿ ಪಡಾವೋ ಅಭಿಯಾನದ ಮೂಲಕ ಹೆಣ್ಣು ಮಗುವಿನ ಪ್ರಾಮುಖ್ಯತೆಯನ್ನು ಸಮಾಜಕ್ಕೆ ತಿಳಿಸಲು ಪ್ರಯತ್ನಿಸುತ್ತಿದ್ದಾರೆ. ಆದರೆ ರಾಜಸ್ತಾನದ ಈ ಹಳ್ಳಿಯಲ್ಲಿ 11 ವರ್ಷಗಳ ಹಿಂದಿನಿಂದಲೂ ಹೆಣ್ಣು ಮಗು ಜನಿಸಿದರೆ ಆ ಮಗುವಿನ ಹೆಸರಲ್ಲಿ 111 ಸಸಿಗಳನ್ನು ನೆಡುವ ವಿಶಿಷ್ಠ ಸಂಪ್ರದಾಯವನ್ನು ಪಿಪ್ಲಾಂಟ್ರಿ ಹಳ್ಳಿಯ ಜನರು ಆಚರಿಸು ಬಂದಿದ್ದಾರೆ.

ಹೆಣ್ಣು ಮಗು ಜನಿಸಿದಾಕ್ಷಣ ಸಸಿಗಳನ್ನು ನಡೆಯುವ ಮೂಲಕ ಅಲ್ಲಿಯ ಜನರು ಎರಡು ಪ್ರಮುಖ ಸಾಮಾಜಿಕ ಸಮಸ್ಯೆಗಳನ್ನು ತೊಡೆದು ಹಾಕಲು ಪ್ರಯತ್ನಿಸುತ್ತಿದ್ದಾರೆ. ಒಂದು ಹೆಣ್ಣು ಮಕ್ಕಳ ಸಬಲೀಕರಣ ಮತ್ತು ಅರಣ್ಯ ನಾಶವನ್ನು ತಪ್ಪಿಸುವುದು.

ಎಎನ್ಐ ಸುದ್ದಿ ಸಂಸ್ಥೆ ಈ ಹಳ್ಳಿಗೆ ಸಂಬಂಧಿಸಿದಂತೆ ಡಾಕ್ಯುಮೆಂಟರಿ ವಿಡಿಯೋವೊಂದನ್ನು ಮಾಡಿದ್ದು ಅದನ್ನು ಯುಟ್ಯೂಬ್ ನಲ್ಲಿ ಅಪ್ ಲೋಡ್ ಮಾಡಿದೆ.

ಕಳೆದ ಹನ್ನೊಂದು ವರ್ಷಗಳಿಂದ ಈ ಹಳ್ಳಿಯಲ್ಲಿ ಹೆಣ್ಣು ಮಗು ಜನಿಸಿದ ಕೂಡಲೇ 111 ಸಸಿಗಳನ್ನು ನೆಡುತ್ತಿದ್ದು ಇಲ್ಲಿನ ಸರ್ಕಾರಿ ದಾಖಲೆಗಳ ಪ್ರಕಾರ ಇದುವರೆಗೂ 10 ಲಕ್ಷಕ್ಕೂ ಹೆಚ್ಚು ಸಸಿಗಳನ್ನು ನೆಡಲಾಗಿದೆಯಂತೆ.

Comments are closed.