ದೇಶದ ನಂ.1 ಸ್ಕೂಟರ್ ಆಕ್ಟಿವಾ 5G ಭರ್ಜರಿ ಎಂಟ್ರಿ

ಹೊಸದಿಲ್ಲಿ: ದೇಶದ ನಂ.1 ಸ್ಕೂಟರ್ ಆಕ್ಟಿವಾದ ಅತಿ ನೂತನ ಆವೃತ್ತಿಯಾಗಿರುವ ಆಕ್ಟಿವಾ 5ಜಿ ಭರ್ಜರಿ ಎಂಟ್ರಿ ಕೊಟ್ಟಿದೆ.

ದೇಶದ ಎರಡನೇ ಅತಿ ದೊಡ್ಡ ದ್ವಿಚಕ್ರ ವಾಹನ ಸಂಸ್ಥೆಯಾಗಿರುವ ಹೋಂಡಾ ಮೋಟಾರ್‌ಸೈಕಲ್ಸ್ ಆ್ಯಂಡ್ ಸ್ಕೂಟರ್ ಇಂಡಿಯಾ (ಎಚ್‌ಎಂಎಸ್‌ಐ) ಸಂಸ್ಥೆಯು ಐದನೇ ತಲೆಮಾರಿನ ಆಕ್ಟಿವಾ ಸ್ಕೂಟರ್‌ನ್ನು ದೇಶದಲ್ಲಿ ಬಿಡುಗಡೆಗೊಳಿಸಿದೆ.

ವೆರಿಯಂಟ್, ಬೆಲೆ ಮಾಹಿತಿ: (ಎಕ್ಸ್ ಶೋ ರೂಂ ದಿಲ್ಲಿ)

ಸ್ಟ್ಯಾಂಡರ್ಡ್: 52,460 ರೂ.

ಡಿಲಕ್ಸ್: 54,325 ರೂ.

ಆಕ್ಟಿವಾ 4ಜಿ ಮಾದರಿಗೆ ಹೋಲಿಸಿದಾಗ ಆಕ್ಟಿವಾ 5ಜಿ 1,000 ರೂ.ಗಳಷ್ಟು ಹೆಚ್ಚು ದುಬಾರಿಯೆನಿಸುತ್ತದೆ.

5ನೇ ತಲೆಮಾರಿನ ಆಕ್ಟಿವಾ 5ಜಿ ಸ್ಕೂಟರ್, ಗಮನಾರ್ಹ ವೈಶಿಷ್ಟ್ಯಗಳನ್ನು ಪಡೆದಿದೆ. ಎಲ್ಇಡಿ ಹೆಡ್‌ಲ್ಯಾಂಪ್ ಜತೆ ಸ್ಥಾನಿಕ ಲೈಟ್, ಸ್ಮಾರ್ಟ್ ಡಿಜಿಟಲ್ ಅನಲಾಗ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಜತೆ ಇಕೊ ಸ್ಪೀಡ್ ಇಂಡಿಕೇಟರ್, ಫ್ರಂಟ್ ಹುಕ್ ಮುಂತಾದ ಫೀಚರ್‌ಗಳನ್ನು ಪಡೆದಿದೆ.

4 ಇನ್ 1 ಲಾಕ್, ಸೀಟು ಓಪನಿಂಗ್ ಸ್ವಿಚ್, ಅಂಡರ್ ಸೀಟು ಮೊಬೈಲ್ ಚಾರ್ಜಿಂಗ್ ಪೋರ್ಟ್ (ಐಚ್ಛಿಕ) ಫೀಚರ್‌ಗಳು ಹೆಚ್ಚಿನ ಸುರಕ್ಷತೆ ಹಾಗೂ ಅನುಕೂಲವನ್ನು ಪ್ರದಾನ ಮಾಡಲಿದೆ.

ಹೊಸತಾದ ಹೆಡ್‌ಲ್ಯಾಂಪ್, ಕ್ರೋಮ್ ಫಿನಿಶ್, ಹೊಸ ಡ್ಯಾಶ್ ‌ಬೋರ್ಡ್ ಜತೆಗೆ ಹೊಸತಾದ ಡ್ಯಾಜಲ್ ಯಲ್ಲೋ ಮೆಟ್ಯಾಲಿಕ್ ಮತ್ತು ಪಿಯರ್ಲ್ ಸ್ಪಾರ್ಟನ್ ರೆಡ್ ಬಣ್ಣಗಳ ಆಯ್ಕೆಯೂ ಇರುತ್ತದೆ.

ಎಂಜಿನ್:
109 ಸಿಸಿ ಹೋಂಡಾ ಇಕೊ ಟೆಕ್ನಾಲಜಿ (ಎಚ್‌ಇಟಿ),
BS-IV,
8PS of power
9Nm of torque

ಇನ್ನು ಸುರಕ್ಷತೆಗಾಗಿ ಕಾಂಬಿ ಬ್ರೇಕ್ ಸಿಸ್ಟಂ ವ್ಯವಸ್ಥೆಯನ್ನು ಕೊಡಲಾಗಿದೆ.

ಪ್ರತಿಸ್ಪರ್ಧಿಗಳು:
ಟಿವಿಎಸ್ ಜೂಪಿಟರ್,
ಹೀರೊ ಡ್ಯುಯೆಟ್,
ಯಮಹಾ ಸಿಗ್ನಸ್ ಆಲ್ಫಾ