ಹೊಸದಿಲ್ಲಿ: ಈತ ಮೋಟಾರ್‌ ಬೈಕ್‌ ಕದಿಯುವುದರಲ್ಲಿ ನಿಸ್ಸೀಮ. ಪೊಲೀಸರು ಬೈಕುಗಳು ಕೂಡ ಈ ಖದೀಮ ಕಣ್ಣು ತೆಗೆಯುವಷ್ಟರಲ್ಲಿ ಎಗರಿಸಿಬಿಡುತ್ತಿದ್ದ. ಈತ ಪೊಲೀಸರಿಗೇ ಚಳ್ಳೆಹಣ್ಣು ತಿನ್ನಿಸುತ್ತಿದ್ದ. ಎಷ್ಟೇ ಬಾರಿ ಬಂಧಿಸಿದರೂ ನಿರಾಯಾಸವಾಗಿ ಪರಾರಿಯಾಗುತ್ತಿದ್ದ.
ಪೊಲೀಸರೇ ಈತನ ಕೈಚಳಕ ಕಂಡು ಬೆಚ್ಚಿ ಬಿದ್ದಿದ್ದಾರೆ. ಎಲ್ಲ ಬೈಕುಗಳ ಹ್ಯಾಂಡಲ್‌ ಲಾಕ್‌ಗಳನ್ನು ಈತ ಕ್ಷಣ ಮಾತ್ರದಲ್ಲಿ ಮುರಿಯುತ್ತಿದ್ದ. ಪೊಲೀಸರ ಬೈಕ್‌ಗಳ ಲಾಕ್‌ಗಳು ಈತನ ಕೈ ಚಳಕಕ್ಕೆ ಓಪನ್‌ ಆಗುತ್ತಿದ್ದವು.
ಈತ ಬ್ರಿಜ್‌ ಮೋಹನ್‌ ಅಲಿಯಾಸ್‌ ಮೊಂಟಿ. ಸಂಗಮ್‌ ವಿಹಾರ್‌ ಪೊಲೀಸ್‌ ಠಾಣಾ ವ್ಯಾಪ್ತಿಯ ನಾಗರಿಕ. ಕಳ್ಳತನವೇ ಈತನ ದುಡಿಮೆ. ಅಸಲಿಗೆ ತಮಾಷೆ ವಿಷಯವೊಂದಿದೆ.
ಈತ ಕಳ್ಳತನ ದಂಧೆಗೆ ಇಳಿದಿದ್ದು ಏಕೆ ಎಂದು ಕೇಳಿದರೆ ಅದಕ್ಕೆ ನೀಡಿದ ಉತ್ತರ ಅಚ್ಚರಿಯಾಗಿದೆ.
ಬ್ರಿಜ್‌ ಮೋಹನ್‌ ಮೇಲೆ ಹಲವಾರು ಹಳೆಯ ಕೇಸುಗಳಿವೆ. ಅದೆಲ್ಲವೂ ವಿಚಾರಣೆ ಹಂತದಲ್ಲಿವೆ. ಈ ಕೇಸುಗಳಿಗೆ ವಕೀಲರನ್ನು ಬ್ರಿಜ್‌ ನೇಮಿಸಿಕೊಂಡಿದ್ದಾನೆ. ಅವರಿಗೆ ದುಬಾರಿ ಶುಲ್ಕ ನೀಡುವುದಕ್ಕಾಗಿ ಈ ದಂಧೆಗೆ ಇಳಿದೆ ಎನ್ನುತ್ತಾರೆ ಬ್ರಿಜ್‌ ಮೋಹನ್‌.
ಮೊಂಟಿ ಕೇವಲ ಕಳ್ಳ ಮಾತ್ರವಲ್ಲ. ಬ್ರ್ಯಾಂಡ್‌ ಹುಚ್ಚ. ಈತ ಧರಿಸುವ ವಸ್ತು, ವಸ್ತ್ರ ಎಲ್ಲವೂ ಬ್ರ್ಯಾಂಡ್‌ನವೇ ಆಗಿದೆಯಂತೆ. ಅದನ್ನು ಖುದ್ದಾಗಿ ಹೇಳಿಕೊಂಡಿದ್ದಾನೆ ಬ್ರಿಜ್‌ ಮೋಹನ್‌.
ಪೊಲೀಸರು ಈತನಿಂದ 40 ಬೈಕ್‌ಗಳ ಮಾಸ್ಟರ್‌ ಕೀ ವಶಪಡಿಸಿಕೊಂಡಿದ್ದಾರೆ. 50ಕ್ಕೂ ಹೆಚ್ಚು ಪ್ಕರಣಗಳು ಈತನ ವಿರುದ್ಧ ದಾಖಲಾಗಿದೆ.
Comments are closed.