ರಾಷ್ಟ್ರೀಯ

ಪ್ರೇಮಿಗಳ ದಿನದಂದು ರಾಯ್‌ಗಂಜ್ ಪೊಲೀಸರ ಗಾಂಧಿಗಿರಿ

Pinterest LinkedIn Tumblr


ರಾಯ್‌ಗಂಜ್: ಪ್ರೇಮಿಗಳ ದಿನಾಚರಣೆಯಂದು ಬಂಧಿಸಬೇಕಾಗಿರುವ ಅಪರಾಧಿಗಳಿಗೆ ಕೆಂಪು ಗುಲಾಬಿಗಳನ್ನು ನೀಡುವ ಮೂಲಕ ಪಶ್ಚಿಮ ಬಂಗಾಳದ ರಾಯ್‌ಗಂಜ್ ಪೊಲೀಸರು ಮಾದರಿಯಾಗಿದ್ದಾರೆ.

ಫೆಬ್ರವರಿ 14 ವ್ಯಾಲೆಂಟೈನ್ಸ್ ದಿನದಂದು ಪೊಲೀಸ್ ಫೇಸ್‌ಬುಕ್ ಪುಟದಲ್ಲಿ ಬಾಬುಲ್ ಚಕ್ರಬೋರ್ತಿ ಹಾಗೂ ಶಂಕರ್ ರಾಯ್ ಎಂಬವರು ಅಸಭ್ಯ ಕಾಮೆಂಟ್‌ಗಳನ್ನು ಮಾಡಿದ್ದರು. ಆದರೆ ಖಾಕಿ ದರ್ಬಾರ್ ತೊರೆದ ಪೊಲೀಸರು ನೇರವಾಗಿ ವ್ಯಕ್ತಿಗಳ ಮನೆಗೆ ತೆರಳಿ ಹೂ ಗುಚ್ಛ, ಸಿಹಿ ಮತ್ತು ಬೊಂಬೆಗಳನ್ನು ಹಂಚಿದ್ದಾರೆ.

ಆರಕ್ಷಕರ ಪ್ರೀತಿಯಿಂದ ಬಾಬುಲ್ ಹಾಗೂ ಶಂಕರ್ ಕುಟುಂಬವು ಮನಸೋತಿದ್ದಾರೆ. ಹಾಗೆಯೇ ತಮ್ಮ ಮಕ್ಕಳು ಇನ್ನು ಮುಂದೆ ಪೊಲೀಸರ ವಿರುದ್ಧ ಅಸಭ್ಯವಾಗಿ ವರ್ತಿಸಲಾರರು ಎಂಬ ಭರವಸೆಯನ್ನು ಕೊಟ್ಟಿದ್ದಾರೆ.

ಪೊಲೀಸರು ಸಮಾಜದ ಭಾಗವಾಗಿದ್ದಾರೆ. ತಪ್ಪುಗಳು ಸಂಭವಿಸಬಹುದು. ನೀವು ನಮ್ಮನ್ನು ಟೀಕೆ ಮಾಡಬಹುದು. ಆದರೆ ಅಸಭ್ಯ ಮಾತುಗಳನ್ನು ಬಳಸಬಾರದೆಂಬ ಸಂದೇಶವನ್ನು ಸಾರಲು ನಾವು ಬಯಸುತ್ತೇವೆ ಎಂದು ಪೊಲೀಸ್ ಅಧಿಕಾರಿ ಶ್ಯಾಮ್ ಸಿಂಗ್ ಹೇಳಿದ್ದಾರೆ.

Comments are closed.