ಪಂಚಕುಲಾ: ಜನನಿಬಿಡ ಸ್ಥಳದಲ್ಲಿ ಹಸ್ತಮೈಥುನ ಮಾಡುತ್ತಿದ್ದ ಯುವಕನೊಬ್ಬ ಮಂಗಳವಾರ ಸಂಜೆ ಪಂಚಕುಲ ಪೊಲೀಸರ ಅತಿಥಿಯಾಗಿದ್ದಾನೆ. ಆತ ಪಾನಮತ್ತನಾಗಿದ್ದು ಇಬ್ಬರು ಮಹಿಳಾ ಪೊಲೀಸ್ ಪೇದೆಗಳಗಳ ಮುಂದೆಯೇ ಈ ವರ್ತನೆ ತೋರಿದ್ದ ಎಂದು ತಿಳಿದು ಬಂದಿದೆ.
ಮಹಿಳಾ ಹೆಡ್‌ಕಾನ್ಸ್‌ಟೇಬಲ್ ಅನಿತಾ ಅವರು ಸಬ್ ಇನ್ಸಪೆಕ್ಟರ್ ಅವರ ಜತೆ ಪ್ರಕರಣವೊಂದರ ವಿಚಾರಣೆಗೆ ಹೊರಟಿದ್ದರು. ರಸ್ತೆ ದಾಟಲೆಂದು ಹಳೆ ಪಂಚಕುಲ ಪ್ರದೇಶದ ಟ್ರಾಫಿಕ್ ಸಿಗ್ನಲ್‌ನಲ್ಲಿ ಸಹೋದ್ಯೋಗಿಗಳಿಬ್ಬರು ನಿಂತಿದ್ದಾಗ ಇದೇ ರಸ್ತೆಯ ಎಡಭಾಗದಲ್ಲಿ ನಿಂತಿದ್ದ ಕಾಮುಕನೊಬ್ಬ ಮಹಿಳಾ ಅಧಿಕಾರಿಗಳನ್ನು ಕಂಡು ರಸ್ತೆಯಲ್ಲಿಯೇ ಪ್ಯಾಂಟ್ ಜಿಪ್ ತೆಗೆದು ಹಸ್ತಮೈಥುನ ಮಾಡಲು ಪ್ರಾರಂಭಿಸಿದ್ದಾನೆ ಎಂದು ಪೊಲೀಸ್ ದೂರಿನಲ್ಲಿ ಉಲ್ಲೇಖಿಸಲಾಗಿದೆ.
ಕಾಮುಕನ ದುರ್ನಡತೆ ಕಂಡುಸಿಗ್ನಲ್‌ನಲ್ಲಿ ನಿಂತಿದ್ದ ಹಲವು ಪ್ರಯಾಣಿಕರು ಮುಜುಗರಕ್ಕೊಳಗಾಗಿದ್ದರು. ಆತನ ನಾಚಿಗೇಡಿನ ಕೆಲಸ ನೋಡಲಾರದೆ ತಾವೇ ಬೇರೇಡೆ ಗಮನ ಹರಿಸಿ ಮುಂದೆ ಸಾಗಿದರು.
ಕಾಮುಕನ ಕೃತ್ಯ ಕಂಡು ಕೋಪಗೊಂಡ ಮಹಿಳಾ ಪೊಲೀಸರು, ತಕ್ಷಣವೇ ಪಿಸಿಆರ್ (ಪೊಲೀಸ್ ನಿಯಂತ್ರಣ ಕೊಠಡಿ)ಗೆ ಕರೆ ಮಾಡಿದ್ದು, ಐದೇ ನಿಮಿಷದಲ್ಲಿ ಸ್ಥಳಕ್ಕಾಗಮಿಸಿದ ಪೊಲೀಸರು, ಕಾಮುಕನನ್ನು ಬಂಧಿಸಿದ್ದಾರೆ.
Comments are closed.