ಭಿವಂಡಿ: ತಂದೆಯ ಜತೆಗಿದ್ದ 14 ತಿಂಗಳ ಮಗುವನ್ನು ಅಪಹರಿಸಿ, ಕೊಂದು, ಹೂತುಹಾಕಿದ ಪ್ರಕರಣಕ್ಕೆ ಸಂಬಂಧಿಸಿ ಹೆತ್ತ ಮಹಿಳೆ ಸೇರಿದಂತೆ ಆಕೆಯ ಪ್ರಿಯಕರ ಮತ್ತು ಸ್ನೇಹಿತನನ್ನು ಮಹಾರಾಷ್ಟ್ರ ಪೊಲೀಸರು ಬಂಧಿಸಿದ್ದಾರೆ.
ಪ್ರಕರಣವು ಮಗು ಕಾಣೆಯಾಗಿದ್ದರ ಬಗ್ಗೆ ತಂದೆ ಪೊಲೀಸರಿಗೆ ದೂರು ನೀಡಿದಾಗ ಬೆಳಕಿಗೆ ಬಂದಿದೆ. ಆರೋಪಿ ಮಹಿಳೆಗೆ 6 ತಿಂಗಳ ಹಿಂದೆ ಯುವಕನೊಬ್ಬನ ಜತೆ ಪ್ರೇಮಾಂಕುರಗೊಂಡಿತು. ನವೆಂಬರ್‌ 2017ರಲ್ಲಿ ಗಂಡ ಮತ್ತು ಮಗುವನ್ನು ತೊರೆದು ಪ್ರಿಯಕರನ ಜತೆ ಓಡಿ ಹೋಗಿದ್ದಳು. ಎರಡು ವಾರಗಳ ನಂತರ ಪ್ರಿಯಕರ ಜತೆ ಭಿವಂಡಿಗೆ ಮರಳಿದ ಜೋಡಿ, ಅದೇ ಪ್ರದೇಶದಲ್ಲಿ ಜೀವಿಸತೊಡಗಿದರು. ಮಗುವಿನಿಂದ ಮುಂದೆ ಸಮಸ್ಯೆ ಎದುರಾಗಬಹುದು ಎಂದು ಯೋಚಿಸಿದ ಜೋಡಿ ಮಗುವನ್ನು ಕೊಂದು ಹಾಕಲು ನಿರ್ಧರಿಸಿದ್ದರು.
ತನಿಖೆ ವೇಳೆ ಮೂವರನ್ನು ಆರೋಪಿಗಳು ಮಗುವನ್ನು ಅಪಹರಿಸಿ ಹತ್ಯೆ ಮಾಡಿದ ತಪ್ಪನ್ನು ಒಪ್ಪಿಕೊಂಡಿದ್ದಾರೆ. ಆರೋಪಿಗಳು ತೋರಿಸಿದ ಜಾಗದಲ್ಲಿ ಅಗೆದು ನೋಡಿದಾಗ ಮಗುವಿನ ಶವ ಕಂಡುಬಂದಿದೆ. ಮೂವರನ್ನು ಶುಕ್ರವಾರ ಕೋರ್ಟ್‌ಗೆ ಹಾಜರು ಪಡಿಸಲಾಗುತ್ತಿದೆ.
Comments are closed.