ಹೊಸದಿಲ್ಲಿ: ವಿಶ್ವದ ಶಕ್ತಿಶಾಲಿ ರಾಷ್ಟ್ರಗಳೊಂದಿಗೆ ಭಾರತವೂ ಗುರುತಿಸಿಕೊಳ್ಳುತ್ತಿದ್ದು, ಇದನ್ನು ದಾವೋಸ್ನಲ್ಲಿ ನಡೆಯುತ್ತಿರುವ ವಿಶ್ವ ಆರ್ಥಿಕ ವೇದಿಕೆ (WEF) ವಾರ್ಷಿಕ ಸಭೆಯಲ್ಲಿ 125 ಕೋಟಿ ಭಾರತೀಯರ ಪರವಾಗಿ ಹೇಳಿಕೊಳ್ಳಲು ಹೆಮ್ಮೆಯಾಗುತ್ತಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.
ದೋವೋಸ್ನಲ್ಲಿ ನಡೆಯುತ್ತಿರುವ ಈ ವಾರ್ಷಿಕ ಸಭೆಗೆ ಇದೇ ಮೊದಲ ಬಾರಿಗೆ ಪ್ರಧಾನಿ ನರೇಂದ್ರ ಮೋದಿ ಭೇಟಿ ನೀಡುತ್ತಿದ್ದಾರೆ. ಇದಕ್ಕೂ ಮುನ್ನ ಖಾಸಗಿ ವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಹೇಳಿದ ಅವರು, ಇವರು, ಭಾರತವು ಜಾಗತಿಕವಾಗಿ ಹೊಸ ಚಾಪು ಮೂಡಿಸಿದ್ದು ಇದರ ಲಾಭಗಳನ್ನು ಪಡೆದುಕೊಳ್ಳಬೇಕಿದೆ ಎಂದು ನುಡಿದಿದ್ದಾರೆ.
ಭಾರತದ ಆರ್ಥಿಕತೆಯು ಅತ್ಯಂತ ವೇಗವಾಗಿ ಬೆಳೆಯುತ್ತಿದೆ ಹಾಗೆಯೇ ಜಾಗತಿಕವಾಗಿಯೂ ಭಾರತ ಗುರುತಿಸಿಕೊಳ್ಳುತ್ತಿದೆ ಎಂದು ಹೇಳಿರುವ ಮೋದಿ, ಜನಸಂಖ್ಯೆಯ ಬಲ ಹೊಂದಿರುವ ದೇಶಕ್ಕೆ ದಾವೋಸ್ ಅದ್ಭುತ ಅವಕಾಶ ಕಲ್ಪಿಸಿಕೊಡಿತ್ತಿದೆ ಎಂದು ಮೋದಿ ಹೇಳಿದ್ದಾರೆ.
ನಮ್ಮ ದೇಶಕ್ಕೆ ವಿದೇಶಿ ಹೂಡಿಕೆಯಿಂದ ಆರ್ಥಿಕತೆ ದೊಡ್ಡ ಏರಿಕೆ ಕಂಡು ಬಂದಿದೆ, ಆರ್ಥಿಕವಾಗಿ ಮುನ್ನುಗ್ಗುತ್ತಿರುವಂತಹ ಭಾರತದ ದಂತಹ ರಾಷ್ಟ್ರಗಳ ನೀತಿಗಳು ಮತ್ತು ಸಂಭಾವ್ಯತೆಯನ್ನು ವಿಶ್ವವೇ ಕೇಳಬಯಸುವುದು ಸಾಮಾನ್ಯ’ ಎಂಬುದಾಗಿ ಮೋದಿ ಹೇಳಿದರು.
Comments are closed.