ರಾಷ್ಟ್ರೀಯ

ಹಿಂದೂ ಆದರೆ ಮದುವೆಯಾಗುವೆ: ಮುಸ್ಲಿಂ ಪ್ರೇಮಿಗೆ ಯುವತಿ ತಾಕೀತು

Pinterest LinkedIn Tumblr


ಜೋಧ್‌ಪುರ್‌: ಮುಸ್ಲಿಂ ಯುವಕನನ್ನು ಪ್ರೀತಿಸಿ ಓಡಿ ಹೋದ 20 ವರ್ಷದ ಹಿಂದೂ ಯುವತಿ ಪೂಜಾ ಜೋಶಿ, ಆತ ಹಿಂದೂ ಧರ್ಮಕ್ಕೆ ಮತಾಂತರವಾಗುವವರೆಗೆ ಮದುವೆಯಾಗಲ್ಲ ಎಂದು ಪಟ್ಟು ಹಿಡಿದು ಕುಳಿತಿರುವ ಘಟನೆ ರಾಜಸ್ಥಾನದಲ್ಲಿ ನಡೆದಿದೆ.

ಪೂಜಾ ಜೋಶಿ ಮುಸ್ಲಿಂ ಯುವಕ ಮೋಹ್ಸಿನ್‌ ಖಾನ್ ಎಂಬವನನ್ನು ಪ್ರೀತಿಸಿ ಮನೆ ಬಿಟ್ಟು ಹೋಗಿದ್ದಳು. ಇದು ಮನೆಯವರಿಗೆ ಗೊತ್ತಾಗುತ್ತಿದ್ದಂತೆ ಆಕೆಯ ಮನೆಯವರ ಜತೆ ಹಿಂದೂ ಸಂಘನೆಯವರು ಪೊಲೀಸ್ ಸ್ಟೇಷನ್‌ಗೆ ಹೋಗಿ ದೂರು ನೀಡಿದರು. ಸೇರಿದ್ದ ಹಿಂದೂ ಗುಂಪಿನವರು ‘ಲವ್‌ ಜಿಹಾದ್‌’ ಪ್ರಕರಣವೆಂದು ಆರೋಪಿಸಿ ಮೋಹ್ಸಿನ್‌ಗೆ ಥಳಿಸಿದರು.

ಇವರಿಬ್ಬರನ್ನು ಮ್ಯಾಜಿಸ್ಟ್ರೇಟ್‌ ಕೋರ್ಟ್‌ನಲ್ಲಿ ಹಾಜರು ಪಡಿಸಿದಾಗ ಪೋಷಕರ ಜತೆ ಮನೆಗೆ ಹಿಂತಿರುಗಲು ನಿರಾಕರಿಸಿದ ಯುವತಿ, ಆತ ಹಿಂದೂ ಧರ್ಮಕ್ಕೆ ಮತಾಂತರವಾದ ಬಳಿಕವಷ್ಟೇ ಮದುವೆಯಾಗುತ್ತೇನೆ. ಅಲ್ಲಿಯವರೆಗೆ ಸಂಬಂಧಿ ಮನೆಯಲ್ಲಿ ಇರುವುದಾಗಿ ಹೇಳಿದ್ದಾಳೆ.

‘ಹುಡುಗಿ ವಯಸ್ಕಳಾಗಿರುವುದರಿಂದ, ಯಾರ ಜತೆ ಬದುಕಬೇಕೆಂದು ನಿರ್ಧರಿಸುವ ಹಕ್ಕು ಅವಳಿಗಿದೆ’ ಎಸಿಪಿ ಪೂಜಾ ಯಾದವ್‌ ಹೇಳಿದರು.

Comments are closed.