ವಡೋದರಾ: ಇವರ ಹೆಸರು ಸೋಮ್‌ ಭಾಯ್‌ ಮೋದಿ, ವಯಸ್ಸು 75 ವೃದ್ಧಾಶ್ರಮವನ್ನು ನಡೆಸುತ್ತಾ ಸರ್ವೋದಯ ಸೇವಾ ಟ್ರಸ್ಟ್‌ ಮೂಲಕ ಸಮಾಜಸೇವೆ ಮಾಡುತ್ತಿದ್ದಾರೆ. ಇವರು ಪ್ರಧಾನಿ ನರೇಂದ್ರ ಮೋದಿ ಅವರ ಅಣ್ಣ. ಆದರೆ ತಮ್ಮ ಪ್ರಧಾನಿಯಾದ ಬಳಿಕವೂ ಅಣ್ಣ ಸೋಮ್‌ ಭಾಯ್‌ ಅವರ ಜೀವನದಲ್ಲಿ ಯಾವುದೇ ವ್ಯತ್ಯಾಸವಾಗಿಲ್ಲ ಎಂಬುದು ಗಮನಾರ್ಹ.
ಅವರು ಅವರ ಪಾಡಿಗೆ ಶಿರಡಿ ಸಾಯಿ ಬಾಬಾ ದೇಗುಲ ನಿರ್ಮಿಸಿದ್ದು, ವೃದ್ಧರಿಗಾಗಿ ರಕ್ತದಾನ , ಆರೋಗ್ಯ ಶಿಬಿರಗಳನ್ನು ನಡೆಸುತ್ತಾ ಬರುತ್ತಿದ್ದಾರೆ. ಸೋಮ್‌ಭಾಯ್‌ ಅವರು 2001ರಿಂದ ವಾದ್‌ನಗರ್‌ ಆಶ್ರಮದಲ್ಲಿದ್ದಾರೆ. ಸಾಮಾನ್ಯವಾಗಿ ಹತ್ತಿರದ ಬಂಧುಗಳು ಪ್ರಭಾವಿ ಸ್ಥಾನ ಅಲಂಕರಿಸಿದರೆ ಸಂಬಂಧಿಕರ ಮೇಲೂ ಅದು ಪ್ರಭಾವ ಬೀರುವುದು ಸಾಮಾನ್ಯ. ಆದರೆ ಸೋಮ್‌ ಭಾಯ್‌ ಮಾತ್ರ ಪ್ರಧಾನಿಯ ಅಣ್ಣ ಎಂದು ಕರೆಸಿಕೊಳ್ಳಲೂ ಬಯಸುವುದಿಲ್ಲ. ಅದರಿಂದ ಹೊರತಾಗಿನ ಜೀವನವೇ ಸೋಮ್‌ ಬಾಯ್‌ ಅವರಿಗೆ ಕಂಪರ್ಟ್‌ ಫೀಲ್‌ ನೀಡುವುದಂತೆ. ಸಂದರ್ಶನ ನೀಡಲು ಕೂಡ ನಿರಾಕರಿಸುವ ಅವರು, ಹಾಗೆ ಮಾಡಿದಲ್ಲಿ ನನ್ನ ತಮ್ಮನ ಸ್ಥಾನದ ಪ್ರಭಾವವನ್ನು ಬಳಸಿಕೊಳ್ಳಬಾರದೆಂಬ ನಿರ್ಧಾರಕ್ಕೆ ಧಕ್ಕೆ ತಂದುಕೊಂಡಂತಾಗುತ್ತದೆ ಎಂಬುದು ಅವರ ಅಭಿಪ್ರಾಯ.
Comments are closed.