ಇರುಮುಡಿ ಧರಿಸಿದವರು ಮಾತ್ರ ಪಡಿಮೆಟ್ಟಿಲು ಹತ್ತಲು ಅರ್ಹರೆ?

ಶಬರಿಮಲೆಯಲ್ಲಿ ನೆಲೆಸಿರುವ ಅಯ್ಯಪ್ಪಸ್ವಾಮಿಯನ್ನು ಹರಿಹರಸುತನಾಗಿ ಭಾವಿಸುತ್ತಾರೆ. ಮಹಿಷಿ ಸಂಹಾರಕ್ಕಾಗಿ ಧರ್ಮಶಾಸ್ತನಾಗಿ ಅವತರಿಸಿದ ಹರಿಹರಸುತನು ಶಬರಿಗಿರಿಯಲ್ಲಿ ಅಯ್ಯಪ್ಪನಾಗಿ ಪೂಜೆ ಸ್ವೀಕರಿಸುತ್ತಿದ್ದಾನೆ. ಸ್ವಾಮಿ ದರ್ಶನಕ್ಕಾಗಿ ಬರುವ ಭಕ್ತರು ಮಾಲೆ ಧರಿಸಿ 41 ದಿನಗಳ ಕಾಲ ನಿಷ್ಠೆಯಿಂದ ದೀಕ್ಷೆ ತೊಡುತ್ತಾರೆ. ಆ ಬಳಿಕ ಇರುಮುಡಿಯಿಂದ ಬಂದು ಪಡಿಮೆಟ್ಟಿಲು ಹತ್ತುತ್ತಾರೆ. ಕೇವಲ 41 ದಿನಗಳು ಮಾಲೆ ಧರಿಸಿ ಇರುಮುಡಿ ಕಟ್ಟಿಕೊಂಡವರಿಗೆ ಮಾತ್ರ ಪಡಿಮೆಟ್ಟಿಲು ಹತ್ತುವ ಅರ್ಹತೆ ಇರುತ್ತದೆ. ಸಾಮಾನ್ಯ ಭಕ್ತರು ಮಾತ್ರ ಹದಿನೆಂಟು ಮೆಟ್ಟಿಲನ್ನು ಹತ್ತಲು ಅರ್ಹರಲ್ಲ.

ಒಂದೊಂದು ಮೆಟ್ಟಿಲಿಗೂ ಒಂದೊಂದು ಅಧಿ ದೇವತೆ
ಪಡಿಮೆಟ್ಟಿಲಿನ ಒಂದೊಂದು ಮೆಟ್ಟಿಲಿಗೂ ಒಂದೊಂದು ಅಧಿ ದೇವತೆ ಇರುತ್ತದೆ. ಸನ್ನಿಧಾನಕ್ಕೆ, 18 ಮೆಟ್ಟಿಲಿಗೆ ನಮಸ್ಕರಿಸುತ್ತಾ ಸ್ತ್ರೋತ್ರಗಳನ್ನು ಪಠಿಸುತ್ತಾ ಮೆಟ್ಟಿಲು ಹತ್ತುತ್ತಾರೆ. ಆಲಯದಲ್ಲಿ ಅಯ್ಯಪ್ಪ ಸ್ವಾಮಿ ನೆಲೆನಿಂತ ಸಂದರ್ಭದಲ್ಲಿ 18 ವಾದ್ಯಗಳನ್ನು ಮೊಳಗಿಸಿದರಂತೆ.

ಹದಿನೆಂಟು ಮೆಟ್ಟಿಲುಗಳು ಜ್ಞಾನಕ್ಕೆ ಸಂಕೇತ
ಈ ಮೆಟ್ಟಿಲುಗಳು 18 ಪರಿಪೂರ್ಣತೆ ಸಾಧಿಸಿದ ಜ್ಞಾನಕ್ಕೆ ಸಂಕೇತ. ಆ ಜ್ಞಾನ ಸಾಧನೆಯೇ 18 ಮೆಟ್ಟಿಲು ಹತ್ತುವುದು. ಇವು ಪಂಚಲೋಹಗಳ ಲೇಪನದಿಂದ ಮಾಡಲಾಗಿದೆ. ಪರಶುರಾಮನು ನಿರ್ಮಿಸಿದ ಇವುಗಳ ಮೇಲಿಂದ ಸ್ವಾಮಿ ಆಲಯದೊಳಕ್ಕೆ ಪ್ರವೇಶಿಸಿದ ಎಂದು, ಹಾಗಾಗಿಯೇ ಇವು ಅತ್ಯಂತ ಪವಿತ್ರವಾದವು ಎಂಬ ನಂಬಿಕೆ. ಯಾರು ಪಡಿಮೆಟ್ಟಿಲು 18 ಸಲ ಹತ್ತುತ್ತಾರೋ ಅವರು ಶಬರಿಮಲೆಯಲ್ಲಿ ಒಂದು ತೆಂಗಿನ ಗಿಡ ನೆಡುತ್ತಾರೆ.

ಹದಿನೆಂಟು ಮೆಟ್ಟಿಲುಗಳ ಮರ್ಮ ಇದೇ
ಮೊದಲ ಎಂಟು ಮೆಟ್ಟಿಲು – ಅರಿಷಡ್ವರ್ಗಗಳು, ರಾಗದ್ವೇಷಗಳನ್ನು ಸೂಚಿಸುತ್ತವೆ – ಕಾಮ, ಕ್ರೋಧ, ಲೋಭ, ಮೋಹ, ಮದ, ಮಾತ್ಸರ್ಯ, ದಂಬ, ಅಹಂಕಾರ. ತದನಂತರದ ಐದು ಮೆಟ್ಟಿಲು ಪಂಚೇಂದ್ರಿಯಗಳನ್ನು ಸೂಚಿಸುತ್ತವೆ – ಕಣ್ಣು, ಕಿವಿ, ಮೂಗು, ನಾಲಿಗೆ, ಚರ್ಮ. ತದನಂತರದ ಮೂರು ಮೆಟ್ಟಿಲು ಮೂರು ಗುಣಗಳನ್ನು ಸೂಚಿಸುತ್ತವೆ – ಸತ್ತ್ವ, ರಜಸ್ಸು ಮತ್ತು ತಮಸ್ಸು. ಕೊನೆಯ ಎರಡು ಮೆಟ್ಟಿಲು – ವಿದ್ಯೆ, ಅವಿದ್ಯೆಯನ್ನು ಸೂಚಿಸುತ್ತವೆ.

ಪುರಾಣಗಳ ಪ್ರಕಾರ ’18’ಕ್ಕೆ ಬಹಳಷ್ಟು ಪ್ರಾಮುಖ್ಯತೆ ಇದೆ
ಪುರಾಣಗಳ ಪ್ರಕಾರ ’18’ಕ್ಕೆ ಬಹಳಷ್ಟು ಪ್ರಾಮುಖ್ಯತೆ ಇದೆ. ಅಯ್ಯಪ್ಪ 18 ಆಯುಧಗಳಿಂದ ಕೆಟ್ಟದನ್ನು ನಿರ್ಮೂಲನೆ ಮಾಡುತ್ತಾನೆ. ಆ 18 ಮೆಟ್ಟಿಲು 18 ಆಯುಧಗಳನ್ನು ಸೂಚಿಸುತ್ತವೆ.

ಭಗವದ್ಗೀತೆ, ಮಹಾಭಾರತದಲ್ಲಿ 18 ಅಧ್ಯಾಯಗಳು
ಭಗವದ್ಗೀತೆ, ಮಹಾಭಾರತ, ಚತುರ್ವೇದಗಳಲ್ಲಿ 18 ಅಧ್ಯಾಯಗಳಿವೆ. 18 ಪುರಾಣಗಳು, ಉಪಪುರಾಣಗಳು ಇವೆ. ಮಹಾಭಾರತ ಯುದ್ಧ, ರಾವಣ ಸಂಹಾರ 18 ದಿನಗಳ ಕಾಲ ನಡೆಯಿತು.

ಅಯ್ಯಪ್ಪನ ಸನ್ನಿಧಿಯಲ್ಲಿರುವ 18 ಬೆಟ್ಟಗಳು
ಅಯ್ಯಪ್ಪ ಸನ್ನಿಧಾನ 18 ದೊಡ್ಡ ಬೆಟ್ಟಗಳ ನಡುವೆ ಇದೆ. ಅವು ಪೊನ್ನಂಬಲಮೇಡು, ಗೌಡೆನ್ಮಲ, ನಾಗಮಲ, ಸುಂದರಮಲ, ಚಿಟ್ಟಂಬಲಮಲ, ಖಲ್ಗಿಮಲ, ತಂಗಮಲ, ಮ್ಯದ್ಲುಂಲ, ಶ್ರೀಪಾದಮಲ, ದೇವರ್ಮಲ, ನಿಲಕ್ಕಲ್, ತಲಪ್ಪರಮಲ, ನೀಲಿಮಲ, ಕರಿಮಲ, ಪುದುಸೇರ್ಮಲ, ಕಲಕೆಟ್ಟಿಮಲ, ಇಂಚಿಪ್ಪರಮಲ, ಶಬರಿಮಲ.

ಯಾರು ನಿಯಮ ನಿಷ್ಠೆಗಳನ್ನು ಸೇವಿಸಿ ಪಡಿಮೆಟ್ಟಿಲು ಹತ್ತಿ ದರ್ಶಿಸುತ್ತಾರೋ ಅವರಿಗೆ ಆಯುರಾರೋಗ್ಯ ಅಷ್ಟೈಶ್ವರ್ಯಗಳನ್ನು ದೇವರು ಪ್ರಸಾದಿಸುತ್ತಾನೆಂಬ ನಂಬಿಕೆ. ಮಾತು ಬರದವರಿಗೆ ಮಾತು ಬರುವಂತೆ ಮಾಡಿದ ಮಹಿಮೆಯುಳ್ಳ ಪ್ರದೇಶವಿದು.