ಸಾಕಷ್ಟು ವರ್ಷಗಳಿಂದ ಆಕೆ ಕ್ಯಾನ್ಸರ್ ರೋಗದಿಂದ ಬಳಲುತ್ತಿದ್ದಾರೆ. ಅವರ ಕೊನೆಯ ಆಸೆಯನ್ನು ನೆರವೇರಿಸಲು ಸಾಮಾಜಿಕ ಜಾಲದಲ್ಲಿ ಅಭಿಯಾನವೇ ಆರಂಭವಾಗಿದೆ. ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ರನ್ನು ಭೇಟಿಯಾಗಬೇಕೆಂಬ ಅವರ ಕೊನೆಯ ಆಸೆಯನ್ನು ಸಾಕಾರಗೊಳಿಸಲು #SRKMeetsAruna ಎಂಬ ಆ್ಯಶ್ ಟ್ಯಾಗ್ ಈಗ ವೈರಲ್ ಆಗಿ ಬದಲಾಗಿದೆ.
ಅರುಣಾ ಎಂಬುವವರ ಫೋಟೋ ಜತೆಗೆ ಶಾರುಖ್ ಖಾನ್ ಆಕೆಯನ್ನು ಭೇಟಿಯಾದಂತೆ ರಚಿಸಿರುವ ಚಿತ್ರವನ್ನು ಟ್ವೀಟ್ ಮಾಡುತ್ತಾ ಶಾರುಖ್ ಗಮನಸೆಳೆಯಲು ತೀವ್ರವಾಗಿ ಶ್ರಮಿಸುತ್ತಿದ್ದಾರೆ ಟ್ವಿಟ್ಟರಿಗರು.
ಅರುಣಾ ಪಿ ಕೆ ಸಾಮಾಜಿಕ ಮಾಧ್ಯಮದಲ್ಲಿ ತುಂಬ ಚಟುವಟಿಕೆಯಿಂದ ಇರುತ್ತಿದ್ದ ವ್ಯಕ್ತಿ. ಭಾರತದಲ್ಲಿನ ವಿವಿಧ ರಾಜ್ಯಗಳ ಜನ ತನಗ್ಯಾಕೆ ಇಷ್ಟ ಎಂದು ಅವರು ಕಳೆದ ಜುಲೈನಲ್ಲಿ ಹಂಚಿಕೊಂಡ ಪೋಸ್ಟ್ ವೈರಲ್ ಆಗಿತ್ತು. ಅರುಣಾ ತುಂಬಾ ಧೈರ್ಯವಂತರು. ಸಕಾರಾತ್ಮಕ ಯೋಚನೆಗಳಿಂದ ಅವರು ತನ್ನ ಸುತ್ತಲಿನ ಜನರಲ್ಲಿ ನಿತ್ಯ ಉತ್ಸಾಹ ತುಂಬುತ್ತಿದ್ದರು. ಕಳೆದ ಮಾರ್ಚ್ ಹೊತ್ತಿಗೆ ಕ್ಯಾನ್ಸರ್ ಜತೆಗಿನ ಅವರ ಹೋರಾಟ ಆರು ವರ್ಷಕ್ಕೆ ಅಡಿಯಿಟ್ಟಿದೆ.
ಮಾರಣಾಂತಿಕ ಕ್ಯಾನ್ಸರ್ ಜತೆಗೆ ಹೋರಾಡುತ್ತಾ ಧೈರ್ಯವಾಗಿ ಮುಂದೆ ಸಾಗುತ್ತಿರುವ ಅವರು ಈ ಸಂದರ್ಭದಲ್ಲಿ ವೈದ್ಯರು, ಕುಟುಂಬದ ಸದಸ್ಯರು, ಸ್ನೇಹಿತರಿಗೆ ಆಭಾರಿಯಾಗಿರುತ್ತೇನೆ ಎಂದಿದ್ದಾರೆ. ತನ್ನ ಅಭಿಮಾನಿ ನಟ ಶಾರುಖ್ ಖಾನ್ ತನ್ನಲ್ಲಿ ಹೊಸ ಶಕ್ತಿಯನ್ನು ತುಂಬುತ್ತಿದ್ದಾನೆಂದು, ಈ ಸಂಗತಿ ಅವರಿಗೆ ಗೊತ್ತಿಲ್ಲದಿರಬಹುದು ಎಂದು ಟ್ವೀಟ್ ಮಾಡಿದ್ದಾರೆ.
‘ಶಾರುಖ್ ಮೇಲಿನ ಪ್ರೀತಿಗಿಂತ ಇನ್ಯಾವುದೂ ದೊಡ್ಡದಲ್ಲ. ಒಂದು ವೇಳೆ ನಾನು ಅವರನ್ನು ಭೇಟಿಯಾದರೆ ನಾನು ಚೆನ್ನಾಗಿರುತ್ತೇನೆ’ ಎಂದು ಅರುಣಾ ಹೇಳಿದ್ದಾಗಿ ಕಾಮೆಂಟ್ ಹಾಕಿ…ಟ್ವಿಟ್ಟರಿಗರ ಪೋಸ್ಟ್ ವೈರಲ್ ಆಗಿದೆ. ಶೀಘ್ರದಲ್ಲೇ ಶಾರುಖ್ ಆಕೆಯನ್ನು ಭೇಟಿಯಾಗಬೇಕೆಂದು ಟ್ವಿಟ್ಟರ್ನಲ್ಲಿ ಅಭಿಯಾನ ಆರಂಭವಾಗಿದೆ. ಈ ಬಗ್ಗೆ ಶಾರುಖ್ ಏನು ಹೇಳುತ್ತಾರೋ ಕಾದು ನೋಡಬೇಕು.
Comments are closed.