ಹೊಸ ವರ್ಷದ ಸಂಭ್ರಮಾಚರಣೆ ವೇಳೆ ಭಾರತದ ವಿವಿಧೆಡೆ ಉಗ್ರರ ದಾಳಿ ಸಾಧ್ಯತೆ ; ಪ್ರವಾಸದಲ್ಲಿರುವ ತನ್ನ ನಾಗರಿಕರಿಗೆ ಎಚ್ಚರಿಕೆ ನೀಡಿದ ಇಸ್ರೇಲ್

ಜೇರುಸಲೇಂ: ಹೊಸ ವರ್ಷದ ಸಂಭ್ರಮಾಚರಣೆಗಾಗಿ ಭಾರತ ಪ್ರವಾಸದಲ್ಲಿರುವ ತನ್ನ ನಾಗರಿಕರಿಗೆ ಇಸ್ರೇಲ್ ಉಗ್ರ ದಾಳಿಯ ಎಚ್ಚರಿಕೆಯನ್ನು ನೀಡಿದೆ.

ಭಾರತದ ಪ್ರವಾಸದಲ್ಲಿರುವ ಇಸ್ರೇಲ್ ನಾಗರಿಗೆ ಹೊಸ ವರ್ಷದ ಸಂಭ್ರಮಾಚರಣೆ ವೇಳೆ ಉಗ್ರರು ದಾಳಿ ನಡೆಸುವ ಸಾಧ್ಯತೆ ಇದ್ದು ಎಚ್ಚರಿಕೆಯಿಂದಿರಿ ಎಂದು ಇಸ್ರೇಲ್ ನ ಭಯೋತ್ಪಾದನ ವಿರೋಧಿ ನಿರ್ದೇಶನಾಲಯ ಎಚ್ಚರಿಕೆ ನೀಡಿದೆ.

ಬೀಚ್ ಗಳು, ರೆಸ್ಟೋರೆಂಟ್ ಗಳು ಪ್ರವಾಸಿಗರೇ ಹೆಚ್ಚಾಗಿರುವ ಜಾಗಗಳಲ್ಲಿ ಉಗ್ರರು ದಾಳಿ ನಡೆಸುವ ಸಂಚು ರೂಪಿಸಿದ್ದಾರೆ. ಮುಖ್ಯವಾಗಿ ಪ್ರವಾಸಿ ತಾಣಗಳಾಗಿರುವ ಗೋವಾ, ಪುಣೆ, ಮುಂಬೈ ಮತ್ತು ಕೊಚ್ಚಿನ್ ಹೆಚ್ಚಿನ ಅಪಾಯ ಇರುವುದಾಗಿ ಎಚ್ಚರಿಸಿದೆ.