ನವದೆಹಲಿ: ವಿಶ್ವಕಪ್ ಹವಾ ಶುರುವಾಗಿದೆ ಜಾಗತಿಕ ಚುಟುಕು ಕ್ರಿಕೆಟ್ನ ಅತಿದೊಡ್ಡ ಕದನಕ್ಕೆ ವಿಶ್ವದ ಘಟಾನುಘಟಿ ತಂಡಗಳು ಸಜ್ಜಾಗಿವೆ. ಅಂತೆಯೆ ಕ್ರಿಕೆಟ್ ಬೆಟ್ಟಿಂಗ್ ಕೂಡ ಜೋರಾಗಿಯೇ ನಡೆದಿದೆ. ಅಂದಾಜಿನ ಪ್ರಕಾರ ಈ ವರ್ಷ ಸುಮಾರು 25 ಸಾವಿರ ಕೋಟಿಗೂ ರೂಪಾಯಿಗೂ ಅಧಿಕ ಹಣ ಕ್ರಿಕೆಟ್ ಬೆಟ್ಟಿಂಗ್ನಲ್ಲಿ ಹರಿದಾಡಲಿದೆ ಎಂದು ತಿಳಿದು ಬಂದಿದೆ.
ಮಂಗಳವಾರ ನಡೆದ ಭಾರತ-ನ್ಯೂಜಿಲೆಂಡ್ ಪಂದ್ಯಕ್ಕೆ 700 ಕೋಟಿ ರೂ ಬೆಟ್ಟಿಂಗ್ ನಡೆದಿತ್ತು ಎನ್ನಲಾಗಿದೆ. ಪಂದ್ಯದ ಹಾಟ್ ಫೆವರಿಟ್ ಆಗಿದ್ದ ಭಾರತದ ಸೋಲಿನಿಂದ ಬುಕ್ಕಿಗಳಿಗೆ ನಷ್ಟವಾಗಿದೆ. ಭಾರತ ವಿಶ್ವಕಪ್ ಗೆಲ್ಲಲಿದೆ ಎಂದು ಹಣ ಹೂಡುವವರಿಗೆ 1 ರೂಪಾಯಿಗೆ 2.30 ರೂಪಾಯಿ ಬೆಟ್ಟಿಂಗ್ ಮೊತ್ತ ನಿಗದಿಪಡಿಸಲಾಗಿದೆ.
ತಂಡದಿಂದ ತಂಡಕ್ಕೆ ಬೇರೆ ಬೇರೆ ರೀತಿಯ ಮೊತ್ತವಿದ್ದು, ಇನ್ನು ಬ್ಯಾಟಿಂಗ್, ಬೌಲಿಂಗ್, ಸಿಕ್ಸರ್, ಬೌಂಡರಿ ಸೇರಿದಂತೆ ಬಾಲ್ ಟು ಬಾಲ್ ಆಟಕ್ಕೂ ಕೂಡ ಬೆಟ್ಟಿಂಗ್ ನಡೆಯುತ್ತದೆ. ಕ್ರಿಕೆಟ್ ಬೆಟ್ಟಿಂಗ್ನ್ನು ಅಧಿಕೃತವಾಗಿ ಕಾನೂನುಬದ್ದ ಮಾಡಬೇಕೆಂಬ ಕೂಗಿಗೆ ಪುಷ್ಠಿ ನೀಡಲು ಭಾರಿ ಮೊತ್ತದ ಹಣ ಹೂಡಿಕೆಯಾಗುತ್ತಿರುವುದು ಇದರತ್ತ ತಿರುಗಿ ನೋಡುವಂತೆ ಮಾಡಿದೆ.
