ರಾಷ್ಟ್ರೀಯ

ಪಾರ್ಶ್ವವಾಯುವಿಗೆ ಸರಳ ಉಪಾಯ

Pinterest LinkedIn Tumblr

8ಪಾರ್ಶ್ವವಾಯುವಿನಿಂದ ಬಳಲುತ್ತಿರುವ ಕೆಲವು ಜನರನ್ನು ನಾವು ಕಾಣುತ್ತೇವೆ. ಇದಕ್ಕೆ ಸೂಕ್ತವಾದ ಚಿಕಿತ್ಸೆ ತೆಗೆದುಕೊಂಡರೆ ಆರೋಗ್ಯದಲ್ಲಿ ಸುಧಾರಣೆ ಕಾಣಬಹುದು.

ಪಾರ್ಶ್ವವಾಯುವನ್ನು ಸ್ಟ್ರೋಕ್ ಅಥವಾ ್ cerebral vascular accident ಅಂತ ಕೂಡ ಹೇಳ್ತೇವೆ. ನಮ್ಮ ಮಿದುಳಿಗೆ ರಕ್ತ ಸಂಚಾರ ಅಗತ್ಯವಾಗಿದೆ. ನಮ್ಮ ರಕ್ತ ಪರಿಚಲನೆಯಲ್ಲಿ ಶೇ.25 ರಷ್ಟು ರಕ್ತ ಸಂಚಾರ ಮಿದುಳಿಗೆ ಬೇಕಾಗುತ್ತದೆ. ನಮ್ಮ ನರಮಂಡಲ ಕೆಲಸ ಮಾಡಲು ರಕ್ತ ಸಂಚಾರ ಅವಶ್ಯವಾಗಿ ಬೇಕಾಗುತ್ತದೆ. ಉದಾಹರಣೆಗೆ ಯೋಚನೆ ಮಾಡಲು, ನಡೆದಾಡಲು ಹೀಗೆ ಇನ್ನೂ ಅನೇಕ ಚಟುವಟಿಕೆ ಸಮದರ್ಭದಲ್ಲಿ ಮಿದುಳಿನಲ್ಲಿ ಜಾಸ್ತಿ ಪ್ರಮಾಣದಲ್ಲಿ ರಕ್ತ ಸಂಚಾರ ಆಗುತ್ತಿರುತ್ತದೆ. ರಕ್ತ ಸಂಚಾರದಲ್ಲಿ ಸ್ವಲ್ಪ ಹೆಚ್ಚು ಕಡಿಮೆಯಾದರೂ ನರಮಂಡಲಕ್ಕೆ ಹೊಡೆತ ಬೀಳುತ್ತದೆ. ಅದನ್ನು ಸ್ಟ್ರೋಕ್ ಎನ್ನಲಾಗುತ್ತದೆ. ಪಾರ್ಶ್ವವಾಯು, ಪಾರ್ಸಿ, ಪೆರಾಲಿಸಿಸ್ ಮೊದಲಾದವುಗಳಿಗೆ ಆಯುರ್ವೇದಲ್ಲಿ ಪಕ್ಷಪಾತ ಎನ್ನಲಾಗುತ್ತದೆ. ಪಕ್ಷ ಅಂದರೆ ಒಂದು ಸೈಡ್ (ಭಾಗ), ಪಾತ ಅಂದರೆ damage of nervous/loss of muscle function ಅಂದರೆ ದೇಹದ ಒಂದು ಭಾಗ ಸಂಪೂರ್ಣವಾಗಿ ಕಾರ್ಯಹೀನತೆ ಹೊಂದುವುದು ಹಾಗೂ ಚಲನಶಕ್ತಿ ಕಳೆದುಕೊಳ್ಳುವುದು. ಇಲ್ಲಿ ಪೆಥಲಾಜಿಕಲ್ ಚೇಂಜ್ ಆಗಿರುತ್ತದೆ. ನಮ್ಮ ಮಿದುಳಿಗೆ ನಿರಂತರವಾಗಿ ರಕ್ತ ಸಂಚಾರವಾಗುತ್ತಿರುತ್ತದೆ. ರಕ್ತ ಸಂಚಾರ ಹೆಚ್ಚು ಕಡಿಮೆಯಾದರೆ ರಕ್ತನಾಳಗಳಲ್ಲಿ ಡ್ಯಾಮೇಜ್ ಆಗುತ್ತದೆ. ಕೆಲವೊಮ್ಮೆ ರಕ್ತನಾಳಗಳಲ್ಲಿ ಕೊಬ್ಬು ಸಂಗ್ರಹವಾಗುವುದರಿಂದ ರಕ್ತನಾಳಗಳು ಬ್ಲಾಕ್ ಆಗಿ ಸ್ಟ್ರೋಕ್ ಉಂಟಾಗುತ್ತದೆ.

ಮಿದುಳಿನ ಬಲ ಭಾಗದಲ್ಲಿ ರಕ್ತನಾಳಗಳಲ್ಲಿ ರಕ್ತ ಹೆಪ್ಪುಗಟ್ಟಿದ್ದರೆ (ಬ್ಲಡ್ ಕ್ಲಾಟ್ ಆಗಿದ್ದರೆ) ಶರೀರದ ಎಡ ಭಾಗವು ಕಾರ್ಯಹೀನತೆ ಹೊಂದುತ್ತದೆ. ಎಡ ಭಾಗದಲ್ಲಿ ರಕ್ತನಾಳಗಳಲ್ಲಿ ಬ್ಲಡ್ ಕ್ಲಾಟ್ ಆಗಿದ್ದರೆ ಶರೀರದ ಬಲ ಭಾಗವು ಕಾರ್ಯಹೀನತೆ ಹೊಂದುತ್ತದೆ. ಈ ರೀತಿ ಇದ್ದರೆ ಹೆಮಿಪ್ಲೀಜಿಯಾ ಎಂದು ಹೇಳಲಾಗುತ್ತದೆ. ದೇಹದ ಅರ್ಧ ಭಾಗವು ನಿಷ್ಕ್ರಿಯವಾಗುವುದು.

ಪ್ಯಾರಾಪ್ಲೀಜಿಯಾ: ಎರಡು ಕಾಲುಗಳು ನಿಷ್ಕ್ರಿಯ ಆಗುತ್ತವೆ. ಇಲ್ಲಿ ಸ್ಪೈನಲ್ ಕಾರ್ಡ್‌ನಲ್ಲಿ ಬ್ಲಡ್ ಕ್ಲಾಟ್ ಅಥವಾ ನರ್ವ್ ತೊಂದರೆ ಇರುತ್ತದೆ.

ಘಟರ್ ಪ್ಲೀಜಿಯಾ: ಒಂದು ಕೈ ಅಥವಾ ಒಂದು ಕಾಲು ಸಂಪೂರ್ಣವಾಗಿ ನಿಷ್ಕ್ರಿಯವಾಗುತ್ತದೆ. ಅಕ್ಯೂಟ್ ಪ್ಯಾರಾಲಿಸ್ ಸ್ಟ್ರೋಕ್-ಸಡನ್ ಆಗಿ ಪಾರ್ಶ್ವವಾಯು ಶರೀರ ಭಾಗಗಳನ್ನು ನಿಷ್ಕ್ರಿಯ ಆಗುವುದಕ್ಕೆ ಅಕ್ಯೂಟ್ ಪ್ಯಾರಾಲಿಸಿಸ್ ಎನ್ನುತ್ತೇವೆ.

ಕೋರಿನ್ ಪ್ಯಾರಾಲಿಸಿಸ್ ಸ್ಟ್ರೋಕ್:ಸ್ಲೋ ಆಗಿ ಅಂದರೆ ಒಂದೊಂದು ಭಾಗವು ನಿಷ್ಕ್ರಿಯವಾಗುತ್ತದೆ.

ಬೆಲ್ಸ್ ಪ್ಯಾರಾಲಿಸಿಸ್:ಮುಖದ ಭಾಗದಲ್ಲಿ ಅರ್ಧ ಭಾಗ ನಿಷ್ಕ್ರಿಯ ಹೊಂದುತ್ತದೆ. ಇಲ್ಲಿ ಫೇಶಿಯಲ್ ನರ್ವ್‌ನಲ್ಲಿ ವೈರಲ್ ಸೋಂಕು ಉಂಟಾಗುತ್ತದೆ.

It may be cold air express, ರಾತ್ರಿಯಲ್ಲಿ ಕೋಲ್ಡ್ ಏರ್‌ನಲ್ಲಿ ಮಲಗಿದ್ದಾಗ ಇದ್ದಕ್ಕಿದ್ದಂತೆ ಬೆಲ್ಸ್ ಪ್ಯಾರಾಲಿಸಿಸ್ ಆಗಿರುತ್ತದೆ. ಈ ರೀತಿ ಆದಾಗ ಕಣ್ಣು ಸಂಪೂರ್ಣ ಮುಚ್ಚಲು ಆಗುವುದಿಲ್ಲ. ಕಣ್ಣುಗಳಿಂದ ನೀರು ಬರುವುದು. ಕಿವಿಯಲ್ಲಿ ಶಬ್ದ ಕಡಿಮೆ ಕೇಳುತ್ತದೆ. *ಬಾಯಿ ಒಂದು ಕಡೆ ಬಿಗಿತು (ಪುಲ್ಲಿಂಗ್) ಇನ್ನೊಂದು ಕಡೆ ಎಳೆದ ಹಾಗೆ ಇರುತ್ತದೆ. ಬಾಯಿಯಲ್ಲಿ ಏರ್ ಅನ್ನು ತೆಗೆದುಕೊಳ್ಳುವುದಕ್ಕೆ ಆಗುವುದಿಲ್ಲ.

*ಮುಖದ ಭಾಗದಲ್ಲಿ ಸೆನ್ಸಿಟಿವ್ ತುಂಬಾ ಕಡಿಮೆ ಆಗುತ್ತದೆ.

ಕಾರಣ:ಅಧಿಕ ರಕ್ತದೊತ್ತಡದಿಂದ ಮಿದುಳಿನಲ್ಲಿ ರಕ್ತನಾಳಗಳು ಡ್ಯಾಮೇಜ್ ಆಗುವ ಸಾಧ್ಯತೆ, ಹೃದಯ ಸಂಬಂಧಿ ಕಾಯಿಲೆ ಅಂದರೆ ಹಾರ್ಟ್ ವಾಲ್‌ನಲ್ಲಿ ಏನಾದರು ತೊಂದರೆ ಇದ್ದರೆ ಇಂಬಾಲಿಸಂ ಫಾರ್ಮೇಶನ್ ನಂತರ ರಕ್ತನಾಳ ಮೂಲಕ ನರಮಂಡಲ ಹೋಗಿ ಅಲ್ಲಿ ಬ್ಲಾಕ್ ಆಗುವ ಸಾಧ್ಯತೆ, ರಕ್ತದಲ್ಲಿ ಕೊಬ್ಬಿನಂಶ ಹೆಚ್ಚಾಗಿ ಬ್ಲಾಕ್ ಆಗುವ ಸಾಧ್ಯತೆ, ಸೆಡಿನೈರಿ ಲೈಫ್-ಬದಲಾವಣೆಯ ಜೀವನಶೈಲಿ, ಬೊಜ್ಜು.

ಪಾರ್ಶ್ವವಾಯು ಉಂಟಾದಾಗ ಶರೀರದ ಒಂದು ಭಾಗ ಅಂದರೆ ಕೈ, ಕಾಲು, ತಲೆ ಭಾಗದಲ್ಲಿ ಶಕ್ತಿ ಕುಂದುತ್ತದೆ. ಮರಗಟ್ಟುವಿಕೆ ಉಂಟಾಗುತ್ತದೆ. ಮಾತನಾಡಲು ಕಷ್ಟ, ಬಾಯಿಯಲ್ಲಿ ಜೊಲ್ಲು ಸುರಿಯುತ್ತದೆ, ನಡೆದಾಡಲು ಕಷ್ಟವಾಗುತ್ತದೆ, ತಲೆನೋವು ಉಂಟಾಗುತ್ತದೆ.

ಪಾರ್ಶ್ವವಾಯು ತಡೆಗೆ ಸಲಹೆ: *ಆಹಾರದಲ್ಲಿ ಕೊಬ್ಬಿರುವ ಅಂಶಗಳನ್ನು ಕಡಿಮೆ ಮಾಡಬೇಕು.

*ಆಹಾರದಲ್ಲಿ ಹಣ್ಣು, ತರಕಾರಿಗಳನ್ನು ಹೆಚ್ಚಾಗಿ ಬಳಸುವುದು.

*ತೂಕ ಕಡಿಮೆ ಮಾಡುವುದು

*ಬದಲಾಗುತ್ತಿರುವ ಜೀವನಶೈಲಿಗೆ ಮಾರು ಹೋಗಬಾರದು. ಒತ್ತಡ ಬದುಕಿನಿಂದ ಆಗಾಗ್ಗೆ ರಿಲೀಫ್ ತೆಗೆದುಕೊಳ್ಳಬೇಕು.

*ಹೃದಯ ಸಂಬಂಧಿ ಕಾಯಿಲೆ, ರಕ್ತದೊತ್ತಡ, ಮಧುಮೇಹ, ಕೊಲೆಸ್ಟ್ರಾಲ್ ಇದಕ್ಕೆ ಸೂಕ್ತವಾದ ಚಿಕಿತ್ಸೆ ಅಗತ್ಯ.

*ಧೂಮಪಾನ, ಮದ್ಯಪಾನ ಮಾಡಬಾರದು.

ಆಯುರ್ವೇದಲ್ಲಿ ಇದಕ್ಕೆ ಸೂಕ್ತ ಔಷಧ ಇದೆ. ಸ್ನೇಹಮಂ ಸ್ಥದನಯುಕ್ತತೆ ಪಕ್ಷಪಾತ ವಿರಚನ ಅಂತ ಹೇಳುತ್ತಾರೆ. ಪಾರ್ಶ್ವವಾಯುವಿನ ಚಿಕಿತ್ಸೆಯಲ್ಲಿ ವಿರೇಚನ ದೋಷಗಳನ್ನು ಹೊರಗೆ ಹಾಕುವುದು ಒಂದು ವಿಧಾನ.

ಅಭ್ಯಂಗ-ಶರೀರವನ್ನು ಸಂಪೂರ್ಣ ತೈಲ ಮರ್ಜನ ಮಾಡಿ ಸ್ಟೀಮ್ ಕೊಡುವ ವಿಧಾನ ಅಂತ ಹೇಳುತ್ತಾರೆ. ಇದರಿಂದ ರಕ್ತ ಸಂಚಾರ ಸರ್ಕ್ಯುಲೇಷನ್ ಚೆನ್ನಾಗಿ ಆಗುತ್ತದೆ. ಏಕೆಂದರೆ ಪಾರ್ಶ್ವವಾಯು ರೋಗಿಗಳಲ್ಲಿ ಲಾಸ್ ಆಫ್ ಮಸಲ್ಸ್ ಫಂಕ್ಷನ್ ಇರುವುದರಿಂದ ಅಲ್ಲಿ ರಕ್ತ ಸಂಚಾರ ಜಾಸ್ತಿಯಾಗುತ್ತದೆ. ಸ್ನಾಯುಗಳ ಕಾರ್ಯ ಚಟುವಟಿಕೆ ಕೂಡ ಚೆನ್ನಾಗಿ ಆಗುತ್ತದೆ.

Write A Comment