ತಿರುಪತಿ: ಜೀವಂತ ಬಾಂಬ್‌ಅನ್ನು ಹಣ್ಣೆಂದು ಭಾವಿಸಿ ಆನೆಯೊಂದು ತಿನ್ನಲು ಯತ್ನಿಸಿದಾಗ ಅದು ಸಿಡಿದು ಆನೆ ಮೃತಪಟ್ಟಿರುವ ಘಟನೆ ಆಂಧ್ರ ಪ್ರದೇಶದ ತಿರುಪತಿಯಲ್ಲಿ ನಡೆದಿದೆ.
ತಿರುಪತಿ ಬಳಿಯ ಪುಲಿಬೋನುವಾರಿ ಗ್ರಾಮದ ಮಾವಿನ ತೋಟದಲ್ಲಿ ತೋಳಗಳ ಬೇಟೆಗಾಗಿ ಲಘು ಬಾಂಬ್ ಇರಿಸಲಾಗಿತ್ತು. ಈ ವೇಳೆ ಸನಿಹದ ಶೇಷಾಚಲಂ ಅರಣ್ಯ ಪ್ರದೇಶದಿಂದ ಸುಮಾರು 20 ಕಾಡಾನೆಗಳ ಹಿಂಡಿನ ಜತೆ ತೋಟಕ್ಕೆ ಬಂದ ಮರಿಯಾನೆ, ಬಾಂಬ್ ಅನ್ನು ಹಣ್ಣೆಂದು ತಿಳಿದು ಬಾಯಿಗೆ ಇಟ್ಟುಕೊಂಡಿದೆ. ಅದನ್ನು ಅಗಿಯಲು ಪ್ರಯತ್ನಿಸಿದಾಗ ಬಾಂಬ್ ಸ್ಫೊಟಗೊಂಡಿದೆ. ತೀವ್ರವಾಗಿ ಗಾಯಗೊಂಡ ಮರಿಯಾನೆ ಸ್ಥಳದಲ್ಲೇ ಮೃತಪಟ್ಟಿದೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಒಬ್ಬನನ್ನು ಬಂಧಿಸಿದ್ದಾರೆ.
