ಬುಲಂದರ್‌ಷಹಾರ್, ಜೂ.9: ಇಡೀ ದೇಶದಲ್ಲಿ ಭಾರೀ ಸಂಚಲನ ಮೂಡಿಸಿದ ಮ್ಯಾಗಿ ನ್ಯೂಡಲ್ಸ್ ವಿವಾದ ಹೊತ್ತಿ ಉರಿಯುತ್ತಿರುವಾಗಲೇ ಎನರ್ಜಿ ಡ್ರಿಂಕ್ ಗ್ಲೂಕಾನ್ ಡಿನಲ್ಲಿ ಸಣ್ಣ ಪುಟ್ಟ ಹುಳುಗಳು ಮತ್ತು ಕೀಟಗಳು ಕಂಡು ಬರುತ್ತಿವೆ ಎಂಬುದು ಉತ್ತರಪ್ರದೇಶದ ನಾಗರೀಕರ ಆರೋಪ.
ಈ ಹಿನ್ನೆಲೆಯಲ್ಲಿ ಗ್ಲೂಕಾನ್ ಡಿ ಅಂಶವನ್ನು ಪ್ರಯೋಗಕ್ಕೆ ಕಳುಹಿಸಲಾಗಿದ್ದು ವರದಿ ನಂತರ ಮುಂದಿನ ಕ್ರಮ ಕೈಗೊಳ್ಳಲು ತೀರ್ಮಾನಿಸಲಾಗಿದೆ. ಇಲ್ಲಿನ ನಿವಾಸಿ ಬಟ್ಟು ಎಂಬಾತ ಅಂಗಡಿಯೊಂದರಲ್ಲಿ ಖರೀದಿಸಿದ್ದ ಗ್ಲೂಕಾನ್ ಡಿ ಅನ್ನು ಕುಟುಂಬದವರು ಸೇವಿಸಿದ ನಂತರ ವಾಂತಿ ಬೇಧಿ ಉಂಟಾಗಿ ಆಸ್ಪತ್ರೆ ಪಾಲಾಗಿದ್ದರು.
ಈ ಹಿನ್ನೆಲೆಯಲ್ಲಿ ಬಟ್ಟು ಖರೀದಿಸಿದ ಅಂಗಡಿಯಲ್ಲಿನ ಗ್ಲೂಕಾನ್ ಡಿ ಪ್ಯಾಕೆಟ್‌ಗಳನ್ನು ಪ್ರಯೋಗಾಲಯದಲ್ಲಿ ಪರೀಕ್ಚಿಸಿದಾಗ ಹುಳು ಮತ್ತು ಕೀಟಗಳು ಇರುವುದು ಪತ್ತೆಯಾಗಿದೆ. ಗ್ಲೂಕಾನ್ ಡಿ ಅನ್ನು ಅಮೆರಿಕದ ಫಾರ್ಮದಸ್ಯೂಟಿಕಲ್ ಕಂಪನಿಯೊಂದು ತಯಾರಿಸುತ್ತಿದ್ದು ಇದೀಗ ಈ ಪ್ರಕರಣದ ನಂತರ ಎಲ್ಲರ ಗಮನ ಸೆಳೆದಿದೆ.
