ಅಬುದಾಬಿ: ತ್ರಿರಾಷ್ಟ್ರ ಪ್ರವಾಸದಲ್ಲಿರುವ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಯುಎಇನಲ್ಲಿ ರೂಪೇ ಕಾರ್ಡ್ಗೆ ಚಾಲನೆ ನೀಡಿದರು. ಕಾರ್ಯಕ್ರಮದ ನಂತರ ಮೋದಿ ರೂಪೇ ಕಾರ್ಡ್ ಬಳಸಿ ಲಡ್ಡು ಖರೀದಿಸಿದ್ದಾರೆ.
ಶನಿವಾರ ಅಬುದಾಬಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮೋದಿ ರೂಪೇ ಕಾರ್ಡ್ಗೆ ಚಾಲನೆ ನೀಡಿದರು. ಈ ಮೂಲಕ ಭೂತಾನ್, ಸಿಂಗಾಪುರದ ನಂತರ ಯುಎಇನಲ್ಲಿ ರೂಪೇ ಕಾರ್ಡ್ಗೆ ಮಾನ್ಯತೆ ದೊರೆತಂತಾಗಿದೆ. ಈ ಮೂಲಕ ಭಾರತೀಯರು ರೂಪೇ ಕಾರ್ಡ್ ಬಳಿ ಯುಎಇನಲ್ಲಿ ವ್ಯವಹಾರ ನಡೆಸಲು ಸಾಧ್ಯವಾಗಲಿದೆ.
ಕಾರ್ಯಕ್ರಮದ ನಂತರ ಮೋದಿ ರೂಪೇ ಕಾರ್ಡ್ ಬಳಸಿ ಲಡ್ಡು ಖರೀದಿಸಿದರು. ಯುಎಇಯಿಂದ ಬಹ್ರೇನ್ಗೆ ತೆರಳಲಿರುವ ಮೋದಿ ಅಲ್ಲಿ ಶ್ರೀನಾಥ್ಜಿ ದೇಗುಲದಲ್ಲಿ ಲಡ್ಡುವನ್ನು ಅರ್ಪಿಸಲಿದ್ದಾರೆ. ಎಂದು ಪ್ರಧಾನಿ ಕಾರ್ಯಾಲಯ ಟ್ವೀಟ್ ಮಾಡಿದೆ.
2012ರಲ್ಲಿ ಭಾರತೀಯ ರಿಸರ್ವ್ ಬ್ಯಾಂಕ್ ರೂಪೇ ಕಾರ್ಡ್ಗೆಗೆ ಚಾಲನೆ ನೀಡಿತ್ತು. ವಿದೇಶಿ ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್ಗಳಿಗೆ ಪರ್ಯಾಯವಾಗಿ ದೇಶೀಯವಾಗಿ ರೂಪೇ ಕಾರ್ಡ್ ಕಾರ್ಯನಿರ್ವಹಿಸುತ್ತಿದೆ. ಯುಎಇನಲ್ಲಿ ರೂಪೇ ಕಾರ್ಡ್ ಪರಿಚಯಿಸುವ ಮುನ್ನ ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (ಎನ್ಪಿಸಿಐ) ಮತ್ತು ಯುಎಇನ ಮರ್ಕ್ಯುರಿ ಪೇಮೆಂಟ್ಸ್ ಸರ್ವೀಸ್ ಒಪ್ಪಂದಕ್ಕೆ ಸಹಿ ಹಾಕಿದವು.
ಯುಎಇನ ಲುಲು, ಪೆಟ್ರೊಚೆಮ್ ಮಿಡಲ್ ಈಸ್ಟ್, ಎನ್ಎಂಸಿ ಹೆಲ್ತ್ಕೇರ್ ಮತ್ತು ಲ್ಯಾಂಡ್ಮಾರ್ಕ್ ಕಂಪನಿಗಳು ಸೇರಿದಂತೆ ಪ್ರಮುಖ 21 ಕಂಪನಿಗಳು ರೂಪೇ ಕಾರ್ಡ್ನಿಂದ ಹಣ ಪಾವತಿಸಲು ಅನುವು ಮಾಡಿಕೊಡಲು ಸಮ್ಮಿತಿಸಿವೆ.
Comments are closed.