ಉಡುಪಿ: ಮನೆಯಿಂದ ಸಹೋದರಿಯರಿಬ್ಬರು ನಾಪತ್ತೆಯಾದ ಘಟನೆ ಉಡುಪಿ ದೊಡ್ಡಣಗುಡ್ಡೆಯ ಶಿವಳ್ಳಿ ಗ್ರಾಮದಲ್ಲಿ ಬುಧವಾರ ಸಂಜೆ ನಡೆದಿದೆ.
ಪೂಜಾ (20) ಹಾಗೂ ಹೆಚ್.ವೈ ಸೌಜನ್ಯ (16) ಕಾಣೆಯಾದ ಸಹೋದರಿಯರು.
ಶಿವಳ್ಳಿ ನಿವಾಸಿ ಯೋಗೇಶ್ ಆಚಾರ್ಯ ಎನ್ನುವವರ ಪುತ್ರಿಯರಾದ ಇವರು ಸಂಜೆ ವೇಳೆ ಮನೆಯಲ್ಲಿಯೇ ಇದ್ದು ಯೋಗೇಶ್ ಆಚಾರ್ಯ ದಂಪತಿಗಳು ಕೆಲಸ ನಿಮಿತ್ತ ಪೇಟೆಗೆ ತೆರಳಿದ್ದರು. ರಾತ್ರಿ ೭ ಗಂಟೆ ಸುಮಾರಿಗೆ ಯೋಗೇಶ್ ಅವರ ಪುತ್ರ ಮನೆಗೆ ವಾಪಾಸ್ಸಾಗುವಾಗ ಪೂಜ ಹಗೂ ಸೌಜನ್ಯ ಮನೆಯಲ್ಲಿರಲಿಲ್ಲ. ಸತತ ಹುಡುಕಾಟ ನಡೆಸಿದರೂ ಪತ್ತೆಯಾಗಿರಲಿಲ್ಲ.
ಈ ಬಗ್ಗೆ ಮಣಿಪಾಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
