ಬೆಂಗಳೂರು, ಮಾ.25 : ಲಿಂಗ ಸಮಾನತೆಯ ಸಂದೇಶ ಸಾರುವ ಉದ್ದೇಶದಿಂದ ಭಾರತದ ಮೂಂಚೂಣಿ ಸಾಮಾಜಿಕ ವ್ಯಾಪಾರ ವೇದಿಕೆಯಾಗಿರುವ ಲೈಮ್‌ರೋಡ್ ತನ್ನ “ಲೈಮ್‌ರೋಡ್‌ಚೇಂಜ್‌ದಿಸ್ಟೋರಿ” ಎಂಬ ಹೆಸರಿನ ಸಾಮಾಜಿಕ ಜಾಲತಾಣ ಪ್ರಚಾರಾಂದೋಲನದ ಪ್ರಾರಂಭಿಸಿದೆ.
ಈ ಮೂಲಕ ಲಿಂಗ ಸಮಾನತೆಯನ್ನು ಉತ್ತೇಜಿಸುವುದಕ್ಕಾಗಿ ಪ್ರತಿಯೊಬ್ಬರ ನವೀನ ಚಿಂತನೆಗಳನ್ನು ಮತ್ತು ಅಭಿಪ್ರಾಯಗಳನ್ನು ಸ್ವಾಗತಿಸಲಿದೆ. ಮುಂಬರುವ ಕಿ&ಕಾ ಎಂಬ ಹಿಂದಿ ಸಿನಿಮಾ ತಂಡದೊಂದಿಗೆ ಸಹಯೋಗಹೊಂದಿ, ಲಿಂಗ ಸಮಾನತೆಯ ಸಂದೇಶಗಳನ್ನು ನೀಡುವುದು ಮತ್ತು ಲಿಂಗ ಪಡಿಯಚ್ಚುಗಳನ್ನು ತೊಲಗಿಸುವ ಉದ್ದೇಶವನ್ನು ಹೊಂದಿದೆ ಎಂದು ಲೈಮ್‌ರೋಡ್‌ನ ಸಂಸ್ಥಾಪಕಿ ಹಾಗೂ ಸಿಇಒ ಮಿಸ್ ಸುಚಿ ಮುಖರ್ಜಿ ಹೇಳಿದ್ದಾರೆ.
ಲೈಮ್‌ರೋಡ್, ಲಿಂಗತ್ವದ ಸುತ್ತ-ಮುತ್ತಲಿನ ಕಲ್ಪನೆಗಳ ಮೇಲೆ ಮತ್ತು ಸಮಾಜವು ಮಹಿಳೆಯನ್ನು ಯಾವ ರೀತಿ ಕಾಣಲಾಗುತ್ತದೆ ಎಂಬುದನ್ನು ಸ್ವಲ್ಪ ಮಟ್ಟಿಗೆ ಫ್ರಭಾವಿಸುತ್ತಲೇ ಬಂದಿದೆ. ಕಳೆದ ವರ್ಷ ರಕ್ಷಾ ಬಂಧನದಂದು ಜನಪ್ರೀತಿ ಗಳಿಸಿದಂತಹ “ಒಪನ್ ಲೆಟರ್ ಟು ಆಲ್ ಬ್ರದರ್‍ಸ್” ಎಂಬ ಅಭಿಯಾನವು ಇಂತಹುದ್ದೇ ಒಂದು ಅಭಿಯಾನವಾಗಿತ್ತು.
ಈ ಪ್ರಚಾರಾಂದೋಲನದ ಮೂಲಕ, ಲಿಂಗ ಸಮಾನತೆಯ ಸುತ್ತಮುತ್ತಲಿನ ತಪ್ಪುಕಲ್ಪನೆಗಳನ್ನು ಬದಲಾಯಿಸಲು ಮತ್ತು ಸಮಾಜದಲ್ಲಿ ಕ್ರಾಂತಿಕಾರಿ ಬದಲಾವಣೆ ತರುವುದರ ಬಗ್ಗೆ ನವೀನ ಚಿಂತನೆಗಳನ್ನು ಮತ್ತು ಅಭಿಪ್ರಾಯಗಳನ್ನು ತನ್ನ ಸಾಮಾಜಿಕ ಜಾಲತಾಣದ ವೇದಿಕೆಯಲ್ಲಿ ಹಂಚಿಕೊಳ್ಳಲು ದೇಶದ ಜನರನ್ನು ಪ್ರೋತ್ಸಾಹಿಸುವ ಉದ್ದೇಶವನ್ನು ಹೊಂದಿದೆ ಎಂದು ಅವರು ತಿಳಿಸಿದ್ದಾರೆ.
