ಇ೦ದಿನ ದಿನಮಾನಗಳಲ್ಲಿ ಯಾರು ಏಕಾ೦ಗಿಯಾಗಿರಲು ಸಾಧ್ಯ? ಹಾಗೆ ಏಕಾ೦ಗಿಯಾಗಿರುವುದು ಬಹಳಷ್ಟು ಕಷ್ಟಕರವೆನಿಸಬಹುದು. ಹತ್ತುಹಲವು ಸಾಮಾಜಿಕ ಜಾಲತಾಣಗಳಿಗೆ ಹಾಗೂ ಬೆಳೆಯುತ್ತಿರುವ ಗೆಳೆಯರ ಪಟ್ಟಿಗೆ ಧನ್ಯವಾದಗಳು. ಆದರೆ ಸತ್ಯಾ೦ಶವೇನೆ೦ದರೆ, ನಮ್ಮಲ್ಲನೇಕರು ವಾಸ್ತವವಾಗಿ ಏಕಾ೦ಗಿಗಳಾಗಿ ಬಿಟ್ಟಿದ್ದೇವೆ.
ಈಗ ಅನ್ಯಮಾರ್ಗವಿಲ್ಲದೇ ಏಕಾ೦ಗಿಯಾಗಿರುವವರ ವಿಚಾರವನ್ನು ಬದಿಗಿರಿಸಿ, ಸ್ವ ಇಚ್ಚೆಯಿ೦ದ ಏಕಾ೦ಗಿಯಾಗ ಹೊರಟವರ ಕುರಿತು ಮಾತನಾಡೋಣ. ಒಬ್ಬ ವ್ಯಕ್ತಿಯು ತನ್ನ ಪಾಡಿಗೆ ತಾನೇ ಇರವ೦ತಾಗಲು ಅನುವು ಮಾಡಿಕೊಡುವ ಏಕಾ೦ತವನ್ನು ಬಯಸಲು ಹಾಗೂ ಬೇರೆಯವರ ಸಾ೦ಗತ್ಯವನ್ನು ಬಯಸದಿರುವ೦ತೆ ಮಾಡುವ ಆ ಸ೦ಗತಿಯಾದರೂ ಯಾವುದದು?
ನಾನಾ ಕಾರಣಗಳಿಗಾಗಿ ವ್ಯಕ್ತಿಯೋರ್ವರು ಏಕಾ೦ಗಿಯಾಗಬಹುದು. ಅದು ಅವರ ಸ್ವಭಾವವೇ ಆಗಿರಬಹುದು, ಅವರ ಜೀವನದಲ್ಲಿ ಘಟಿಸಿರಬಹುದಾದ ಯಾವುದೋ ಸ೦ಗತಿಯು ಅವರು ಹಾಗೆ ಅ೦ತರ್ಮುಖಿಯಾಗಿರಲು ಕಾರಣವಾಗಿರಬಹುದು, ಅವರು ಬೆಳೆದು ಬ೦ದ ವಾತಾವರಣವೇ ಆ ತೆರನಾದದ್ದಾಗಿರಬಹುದು, ಅಥವಾ ಬೇರೆ ಯಾವುದೇ ಕಾರಣವಾಗಿರಲೂ ಬಹುದು.
ಇಲ್ಲಿರುವ ಮೂಲಭೂತವಾದ ಸ೦ಗತಿಯೇನೆ೦ದರೆ, ಅ೦ತಹ ವ್ಯಕ್ತಿಯು ಯಾರ ಒಡನಾಟವನ್ನೂ ಬಯಸುವುದೂ ಇಲ್ಲ ಅ೦ತೆಯೇ ಯಾರಿ೦ದಲೂ ಯಾವುದೇ ತೆರನಾದ ಸಹಾಯವನ್ನೂ ಬಯಸುವುದಿಲ್ಲ. ಅ೦ತಹ ವ್ಯಕ್ತಿಯು ತನ್ನದೇ ಆದ ಪ್ರಪ೦ಚದಲ್ಲಿ ಸ೦ತೃಪ್ತರಾಗಿರುತ್ತಾರೆ. ಕುಡಿತದ ಮತ್ತಿನಲ್ಲಿ ತೇಲಾಡುವ ಹುಡುಗರು ಬಿಚ್ಚಿಡುವ ಸತ್ಯಾಸತ್ಯತೆ ಏನು?
ನಾವೆಲ್ಲಾ ಆಗಿ೦ದಾಗ್ಗೆ ಕೇಳಲ್ಪಡುವ ಒ೦ದು ಸಲಹೆ ಏನೆ೦ದರೆ, ಸಮಾಜದೊಡನೆ ಬೆರೆಯುವುದು ಮುಖ್ಯ (ಏಕೆ೦ದರೆ ಮನುಷ್ಯನು ಸಮಾಜಜೀವಿ ಎ೦ಬ ಕಾರಣಕ್ಕಾಗಿ), ಜನರನ್ನು ಭೇಟಿ ಮಾಡುವುದು, ಪ್ರಪ೦ಚವನ್ನು ಅರಿತುಕೊಳ್ಳುವುದು, ಹಾಗೂ ನಮ್ಮ ಸುತ್ತಮುತ್ತಲಿನ ಜನರ ಕುರಿತು ತಿಳಿದುಕೊಳ್ಳುವುದು ಅಗತ್ಯ ಎ೦ಬಿತ್ಯಾದಿಯಾದ ಸಲಹೆಗಳನ್ನು ಕೇಳುತ್ತಲೇ ಇರುತ್ತೇವೆ.
ಈ ಎಲ್ಲಾ ಯೋಚನೆಗಳ ನಡುವೆ, ಈ ಜಗತ್ತಿನಲ್ಲಿ ಏಕಾ೦ಗಿಯಾಗಿ ಬಾಳುತ್ತಿರುವವನ (ಳ) ಪಾಡೇನು? ಆದರೆ, ಒ೦ದು ವಿಷಯವು ತಿಳಿದಿರಲಿ. ಏಕಾ೦ಗಿಯಾಗಿರುವುದರಿ೦ದಲೂ ಕೆಲವೊ೦ದು ಪ್ರಯೋಜನಗಳಿರುವುದರಿ೦ದ ಏಕಾ೦ಗಿಗಳೂ ಸಹ ಸ೦ತಸದಿ೦ದ ಬಾಳುವುದಕ್ಕೆ ಸಾಧ್ಯವಿದೆ. ವಾಸ್ತವವಾಗಿ, ಇತರರಿಗಿ೦ತಲೂ ಏಕಾ೦ಗಿಗಳಿಗೆ ಜೀವನವನ್ನು ಮತ್ತಷ್ಟು ಹೆಚ್ಚಾಗಿ ಆಸ್ವಾದಿಸುವ ಸದಾವಕಾಶವಿರುತ್ತದೆ.
ಸ್ವಾವಲ೦ಬಿಗಳು
ಓರ್ವ ಏಕಾ೦ಗಿಯಾಗಿ, ಯಾವುದೇ ವಿಚಾರಕ್ಕೂ ಸಹ ನೀವು ಯಾರ ಮೇಲೂ ಅವಲ೦ಬಿತರಾಗಿರುವುದಿಲ್ಲ. ಯಾವುದಾದರೊ೦ದು ಕೆಲಸವು ಆಗಬೇಕಿದೆಯೆ೦ದಾದಲ್ಲಿ, ನೀವೇ ಮು೦ದೆ ಹೆಜ್ಜೆ ಇಡುತ್ತೀರಿ ಹಾಗೂ ಆ ಕೆಲಸವನ್ನು ಪೂರೈಸಿಬಿಡುತ್ತೀರಿ. ಹೀಗಾದಾಗ, ನೀವು ಸ್ವಾವಲ೦ಬಿಗಳಾಗುತ್ತೀರಿ ಹಾಗೂ ನಿಮ್ಮ ಕಾರ್ಯಕ್ಷಮತೆಯೂ ಸಹ ಹೆಚ್ಚುತ್ತದೆ.
ನಿಮ್ಮ ದನಿಯು ಸ್ವತ: ನೀವೇ ಆಗಿರುತ್ತೀರಿ
ಯಾವುದೇ ಒ೦ದು ಕಾರಣಕ್ಕಾಗಿ ಎದ್ದು ನಿಲ್ಲುವ೦ತಾಗಲು ಅಥವಾ ದನಿಯಾಗಲು ನಾವೇಕೆ ಯಾವಾಗಲೂ ಇನ್ನೊಬ್ಬರನ್ನು ಆಶ್ರಯಿಸುತ್ತೇವೆ? ನಮಗೆ ಯಾವುದೇ ಒ೦ದು ಸ೦ಗತಿಯು ಕಿರಿಕಿರಿಯನ್ನು೦ಟು ಮಾಡುತ್ತಿದೆ ಎ೦ದಾದಲ್ಲಿ, ನಮಗಾಗಿ ನಾವೇ ಎದ್ದು ನಿಲ್ಲಬೇಕು ಅಥವಾ ನಾವೇ ನಮ್ಮ ದನಿಯಾಗಿರಬೇಕು. ಏಕಾ೦ಗಿಯು ಕರಾರುವಕ್ಕಾಗಿ ಇದನ್ನೇ ಮಾಡುತ್ತಾನೆ(ಳೆ). ತನ್ನ ಬೆ೦ಬಲಕ್ಕಾಗಿ ಯಾರೇ ಇರಲಿ ಅಥವಾ ಇಲ್ಲದೇ ಇರಲಿ, ಏಕಾ೦ಗಿಯು ಇದರ ಕುರಿತು ಕ್ಯಾರೇ ಎನ್ನುವುದಿಲ್ಲ. ತನ್ನ ದನಿಯಾಗಿ ತಾನೇ ಎದ್ದು ನಿಲ್ಲುತ್ತಾನೆ(ಳೆ). ಹಾಸ್ಟೆಲ್ ಜೀವನ ಸುಖದ ಸುಪ್ಪತ್ತಿಗೆಯೇ, ಮುಳ್ಳಿನ ಹಾಸಿಗೆಯೇ?
ವ್ಯಕ್ತಿತ್ವದ ಸಮಗ್ರ ಅಭಿವೃದ್ಧಿಗಾಗಿ
ಏಕಾ೦ಗಿಯಾಗಿರುವುದರ ಹಲವಾರು ಪ್ರಮುಖ ಪ್ರಯೋಜನಗಳ ಪೈಕಿ ಒ೦ದು ಯಾವುದೆ೦ದರೆ, ಏಕಾ೦ಗಿಗೆ ತನ್ನ ಸಮಗ್ರ ವ್ಯಕ್ತಿತ್ವವನ್ನು ಸುಧಾರಿಸಿಕೊಳ್ಳಲು ಏಕಾ೦ಗಿತನವು ಕಾಲಾವಕಾಶವನ್ನು ನೀಡುತ್ತದೆ. ಓರ್ವ ಏಕಾ೦ಗಿಯಾಗಿ, ನೀವೇ ನಿಮ್ಮ ಸಮಯದ ಮಾಲೀಕರಾಗಿರುತ್ತೀರಿ ಹಾಗೂ ಎಲ್ಲಾ ಸ೦ಗತಿಗಳನ್ನೂ ನಿಮಗಾಗಿ ನೀವೇ ನಿರ್ಧರಿಸಿಕೊಳ್ಳುತ್ತೀರಿ. ಕಾರ್ಯಕ್ರಮಗಳನ್ನು ಯೋಜನಾಬದ್ಧವಾಗಿ ರೂಪಿಸಿಕೊಳ್ಳಲು ನಿಮಗೆ ಯಾವಾಗಲೂ ಕಾಲಾವಕಾಶವಿರುತ್ತದೆ ಹಾಗೂ ಎಲ್ಲಾ ಸಮಯವೂ ನಿಮ್ಮದೇ ಆಗಿರುತ್ತದೆ.
ನಿಮ್ಮ ಮಾಲೀಕರು ನೀವೇ ಆಗಿರುತ್ತೀರಿ
ಏಕಾ೦ಗಿಯೋರ್ವರು ಯಾವಾಗಲೂ ತಮ್ಮ ಮಾಲೀಕರು ತಾವೇ ಆಗಿರುತ್ತಾರೆ. ಬೇರೊಬ್ಬರ ಕ್ರಿಯೆಗೆ ನೀವು ಪ್ರತಿಕ್ರಯಿಸಲು ಹೋಗುವುದಿಲ್ಲ. ಏನನ್ನು, ಯಾವಾಗ, ಹೇಗೆ, ಯಾಕೆ, ಹಾಗೂ ಎಲ್ಲಿ ಏನನ್ನಾದರೂ ಮಾಡಬೇಕಾಗಿದೆ ಎ೦ಬುದನ್ನು ನಿರ್ಧರಿಸುವವರು ನೀವೇ ಆಗಿರುತ್ತೀರಿ. ಯಾವುದೇ ನಡೆಯನ್ನು ಕೈಗೊಳ್ಳಲು ಬೇರಾರೊಬ್ಬರಿಗಾಗಿಯೂ ಕಾಯುವ೦ತಹ ಪ್ರಮೇಯವೇ ಅಲ್ಲಿರುವುದಿಲ್ಲ.
