ಕನ್ನಡ ವಾರ್ತೆಗಳು

ಪೊಲೀಸ್ ದುರ್ನಡತೆ ವಿರುದ್ಧ ದೂರು ನೀಡಲು ಜಿಲ್ಲಾ ಪೊಲೀಸ್ ದೂರುಗಳ ಪ್ರಾಧಿಕಾರ ರಚನೆ

Pinterest LinkedIn Tumblr

karnatka_police_flag

ಮಂಗಳೂರು,ಜ.14: ಕರ್ನಾಟಕ ಪೊಲೀಸ್ ತಿದ್ದುಪಡಿ ಅಧಿನಿಯಮ- 2012ರಂತೆ ರಾಜ್ಯ ಪೊಲೀಸ್ ದೂರುಗಳ ಪ್ರಾಧಿಕಾರ ಮತ್ತು ಜಿಲ್ಲಾ ಪೊಲೀಸ್ ದೂರುಗಳ ಪ್ರಾಧಿಕಾರವನ್ನು ರಾಜ್ಯ ಸರಕಾರದ ಆದೇಶದಂತೆ ರಚನೆ ಮಾಡಿದೆ.

ಡಿವೈಎಸ್ಪಿ ಮತ್ತು ಅವರ ಕೈಕೆಳಗಿನ ಪೊಲೀಸ್ ಅಧಿಕಾರಿ/ ಸಿಬ್ಬಂದಿ ಕರ್ತವ್ಯನಿರತ ಸಮಯ/ ತನಿಖೆ ವೇಳೆಯಲ್ಲಿ ಗಂಭೀರ ದುರ್ನಡತೆ ತೋರಿಸಿದ ಪಕ್ಷದಲ್ಲಿ ಸಾರ್ವಜನಿಕರು ನೇರವಾಗಿ ಪ್ರಾಧಿಕಾರಕ್ಕೆ ದೂರು ಸಲ್ಲಿಸಬಹುದು.

ಮಾರಾಣಾಂತಿಕ ಹಲ್ಲೆ ಮತ್ತು ಪೊಲೀಸ್ ಅಧೀನದಲ್ಲಿದ್ದಾಗ ಅತ್ಯಾಚಾರ ನಡೆದಂತಹ ಪ್ರಸಂಗಗಳಲ್ಲಿ ಅಧಿಕಾರಿಯ ಸಹಕಾರವಿದ್ದ ಪಕ್ಷದಲ್ಲಿ ದೂರು ನೀಡಬಹುದು. ಜಿಲ್ಲಾ ಪೊಲೀಸ್ ದೂರುಗಳ ಪ್ರಾಧಿಕಾರದ ಅಧ್ಯಕ್ಷರು -ಪ್ರಾದೇಶಿಕ ಆಯುಕ್ತರು, ಮೈಸೂರು ವಿಭಾಗ, ಹೈವ್ಯೆ, ವಿನೋಬ ರಸ್ತೆ, ಮೈಸೂರು-570005, ದೂರವಾಣಿ ಸಂಖ್ಯೆ 0821-2516300, ಟೋಲ್ ಫ್ರೀ ದೂರವಾಣಿ ಸಂಖ್ಯೆ 1800-425-1078, ಫ್ಯಾಕ್ಸ್- 0821-2414086.

ಸದಸ್ಯ ಕಾರ‌್ಯದರ್ಶಿ, ಪೊಲೀಸ್ ಅಧೀಕ್ಷಕರು, ದಕ್ಷಿಣ ಕನ್ನಡ ಜಿಲ್ಲೆ, ಜಿಲ್ಲಾ ಪೊಲೀಸ್ ಕಚೇರಿ, ಪಾಂಡೇಶ್ವರ, ಮಂಗಳೂರು- 0824- 2220503, ಫ್ಯಾಕ್ಸ್- 2220500, ಸದಸ್ಯರು- ಜಿ.ಎಸ್.ಜಿದ್ದಿಮನಿ, ನಿವೃತ್ತ ಕೆಎಎಸ್ ಅಧಿಕಾರಿ, ನಂ.627, 3ನೇ ಮುಖ್ಯ ರಸ್ತೆ, ಮೈಸೂರು ಜಿಲ್ಲೆ ಮತ್ತು ಸಾರ್ವಜನಿಕ ವಲಯದಿಂದ ಒಬ್ಬ ಸದಸ್ಯರನ್ನು ನೇಮಿಸಿಕೊಳ್ಳಬಹುದು

Write A Comment