ಅಮೆಜಾನ್ ಸಂಸ್ಥೆ ಪ್ರಧಾನ್ ಮಂತ್ರಿ ನರೇಂದ್ರ ಮೋದಿ ಅವರ ಆತ್ಮ ನಿರ್ಭಾರ್ ಯೋಜನೆಯನ್ನು ಉತ್ತೇಜಿಸುವ ದೃಷ್ಟಿಕೋನದಲ್ಲಿ ಮೇಡ್ ಇನ್ ಇಂಡಿಯಾದ ಟಾಯ್ ಸ್ಟೋರ್ ತೆರೆದಿದೆ. ಈ ಮೂಲಕ ಭಾರತೀಯರಿಗೆ ಮತ್ತಷ್ಟು ಹತ್ತಿರವಾಗಿದೆ. ಇನ್ನು ಮೇಡ್ ಇನ್ ಇಂಡಿಯಾ ಟಾಯ್ ಸ್ಟೋರ್ನಲ್ಲಿ ಟ್ರೆಡಿಷನಲ್ ಆಟಿಕೆಗಳು, ಕೈಯಿಂದ ತಯಾರಿಸಿದ ಆಟಿಕೆ ಮತ್ತು ಮಕ್ಕಳಿಗೆ ಪಾಠದ ವೇಲೆ ಬೇಕಾಗುವ ಆಟಿಕೆಯನ್ನ ಮಾರಾಟ ಮಾಡುತ್ತಿದೆ. ಈಗಾಗಗಲೇ 25 ರಾಜ್ಯದ ಮಾರಾಟಗಾರರು ಒದಗಿಸುವ ಆಟಿಕೆಯನ್ನು ಮೇಡ್ ಇನ್ ಇಂಡಿಯಾ ಟಾಯ್ ಸ್ಟೋರ್ನಲ್ಲಿ ಮಾರಾಟ ಮಾಡಲಾಗುತ್ತಿದೆ.
ಆಗಸ್ಟ್ ತಿಂಗಳಲ್ಲಿ ಮನ್ ಕಿ ಬಾತ್ ಕಾರ್ಯಕ್ರಮದ ವೇಳೆ ಪ್ರಧಾನಿ ನರೇಂದ್ರ ಮೋದಿ ಅವರು ಸ್ಟಾರ್ಟ್ ಅಪ್ ಉದ್ಯದಾರರು ಆಟಿಕೆಗಳ ಉತ್ಪಾದನೆಯತ್ತ ಗಮನಹರಿಸಬೇಕು ಎಂದಿದ್ದರು. ದೇಶಿಯ ಆಟಿಕೆಗಳು ಬ್ರಾಂಡ್ ಆಗಿ ಹೊರಹೊಮ್ಮಬೇಕು ಎಂದಿದ್ದರು.
ಕ್ವಾಲಿಟಿ ಕೌನ್ಸಿಲ್ ಆಫ್ ಇಂಡಿಯಾ ದತ್ತಾಂಶವನ್ನು ಉಲ್ಲೇಖಿಸಿ ಫೈನಾನ್ಶಿಯಲ್ ಎಕ್ಸ್ಪ್ರೆಸ್ ನೀಡಿದ ವರದಿಯಂತೆ ಭಾರತ ಶೇ.85ರಷ್ಟು ಆಟಿಕೆಯನ್ನು ಚೀನಾ , ಶ್ರೀಲಂಕಾ ಮತ್ತು ಮಲೇಷ್ಯಾದಿಂದ ಆಮದು ಮಾಡುತ್ತಿದೆ ಎಂದು ತಿಳಿಸಿದೆ.
ಅಮೆಜಾನ್ ಈ ಬಗ್ಗೆ ಹೇಳಿಕೆ ನೀಡಿದ್ದು, ‘ಮೇಡ್ ಇನ್ ಇಂಡಿಯಾ ಆನ್ಲೈನ್ ಸ್ಟೋರ್ ಮೂಲಕ ಭಾರತೀಯ ಸಂಸ್ಕೃತಿ ಮತ್ತು ಜಾನಪದ ಕಥೆಯಿಂದ ಪ್ರೇರಿತವಾಗಿ ತಯಾರಿಸಿದ ಆಟಿಕೆಗಳನ್ನು ಮಾರಾಟ ಮಾಡಲು ಸಹಾಯವಾಗುತ್ತದೆ. ಸಾವಿರಾರು ತಯರಾಕರು ಮತ್ತು ಮಾರಾಟಗಾರರು ಇದರಿಂದ ಪ್ರಯೋಜನ ಪಡೆಯಲಿದ್ದಾರೆ ಎಂದಿದೆ.
ಎಲ್ಲಾ ರೀತಿಯ ಆಟಿಕೆಯನ್ನು ಅಮೆಜಾನ್ ಟಾಯ್ ಸ್ಟೋರ್ನಲ್ಲಿ ಮಾರಾಟ ಮಾಡಲಿದೆ. ಚೌಕಾ ಬಾರಾ, ಲಗೋರಿ, ಕೈಯಿಂದ ಮಾಡಿದ ಆಟಿಕೆ, ಚೆನ್ನಪಟ್ಟಣ, ತಂಜಾವೂರು ಮತ್ತು ವಾರಾಣಾಸಿಯಲ್ಲಿ ತಯಾರಿಸುವ ಆಟಿಕೆಯನ್ನು ಮಾರಾಟ ಮಾಡಲಿದೆ.
ಅಮೆಜಾನ್ ಈಗಾಗಲೇ ತನ್ನ ವೆಬ್ಸೈಟ್ನಲ್ಲಿ ಮೇಡ್ ಇನ್ ಇಂಡಿಯಾ ಟಾಯ್ ವಿಭಾಗವನ್ನು ತೆರೆದಿದ್ದು, ಅದರ ಮೂಲಕ ಬೇಕಾದ ಆಟಿಕೆಯನ್ನು ಖರೀದಿಸಬಹುದಾಗಿದೆ ಎಂದು ತಿಳಿಸಿದೆ.
Comments are closed.