ನಟರ ಜೊತೆ ಡೇಟಿಂಗ್​​ ಹೋಗದೇ ಇರೋದಿಕ್ಕೆ ಅವಕಾಶ ಸಿಗ್ತಿಲ್ಲ: ಮಲ್ಲಿಕಾ ಶೆರಾವತ್​​!!

ಬಾಲಿವುಡ್​ನ ಸೆಕ್ಸ್ ಬಾಂಬ್​ ಎಂದೇ ಕರೆಸಿಕೊಳ್ಳೋ ಮಲ್ಲಿಕಾ ಶೆರಾವತ್ ಬಾಲಿವುಡ್ ಪಾಲಿಗೆ ಅಚ್ಚುಮೆಚ್ಚಿನ ನಟಿ. ಒಂದು ಸಮಯದಲ್ಲಿ ಡೈರೆಕ್ಟರ್​ ಫೆವರಿಟ್​ ನಟಿ ಎನ್ನಿಸಿಕೊಂಡಿದ್ದ ಮಲ್ಲಿಕಾ, ಇತ್ತೀಚಿಗೆ ಪ್ರತಿ ಚಿತ್ರ ಒಂದು ಹಾಟ್​ ಹಾಡಿನಲ್ಲಾದರೂ ಕಾಣಿಸಿಕೊಳ್ಳುತ್ತಿದ್ದರು. ಆದರೆ ಇತ್ತೀಚಿಗೆ ಬಾಲಿವುಡ್​ನಿಂದ ಮರೆಯಾಗುತ್ತಿರುವ ಮಲ್ಲಿಕಾ ಇದಕ್ಕೆ ಕಾರಣ ಏನು ಅಂದ್ರೆ ಸ್ಪೋಟಕ ಬಾಂಬ್​ವೊಂದನ್ನು ಸಿಡಿಸಿದ್ದಾರೆ.

ಹೌದು ಸಂದರ್ಶನವೊಂದರಲ್ಲಿ ಬಾಲಿವುಡ್​ ಚಿತ್ರಗಳಲ್ಲಿ ನೀವು ಇತ್ತೀಚಿಗೆ ಕಾಣಿಸಿಕೊಳ್ಳುತ್ತಿಲ್ಲ ಯಾಕೆ ಎಂಬ ಪ್ರಶ್ನೆಗೆ ಬಾಲಿವುಡ್​​ ಬೆಚ್ಚಿ ಬೀಳುವಂತೆ ಉತ್ತರಿಸಿರುವ ಮಲ್ಲಿಕಾ, ನಾವು ಹೀರೋಗಳೊಂದಿಗೆ ಡೇಟಿಂಗ್​ ಹೋಗೋದಿಲ್ಲ ಅನ್ನೋ ಕಾರಣಕ್ಕೆ ನಮಗೆ ಅವಕಾಶ ಸಿಗುತ್ತಿಲ್ಲ ಎನ್ನುವ ಮೂಲಕ ಮತ್ತೊಮ್ಮೆ ಕಾಸ್ಟಿಂಗ್ ಕೌಚ್​ ಬಾಂಬ್ ಸಿಡಿಸಿದ್ದಾರೆ.

ಬಹುತೇಕ ಹೀರೋಗಳು ತಮ್ಮ ಸಿನಿಮಾದಲ್ಲಿ ಹೀರೋಯಿನ್​ ಆಗಿ ತಮ್ಮ ಗರ್ಲ್​ಪ್ರೆಂಡ್​ಗಳನ್ನೇ ನೋಡಲು ಬಯಸುತ್ತಾರೆ. ಹೀಗಾಗಿ ನಾವು ಅವಕಾಶ ವಂಚಿತರಾಗುತ್ತಿದ್ದೇವೆ ಎಂದು ಬೋಲ್ಡ್​ ಆಗಿ ಉತ್ತರಿಸಿದ್ದಾರೆ. ಆ ಮೂಲಕ ಬಾಲಿವುಡ್​ನಲ್ಲೂ ಅವಕಾಶಕ್ಕಾಗಿ ಹೀರೋಗಳ ಜೊತೆ ಕಾಂಪ್ರಮೈಸ್​ ಅನಿವಾರ್ಯ ಎಂಬರ್ಥದಲ್ಲಿ ಮಾತನಾಡಿದ್ದಾರೆ.

ಆದರೆ ಮೀಟೂ ವನ್ನು ನಿರಾಕರಿಸಿರುವ ಮಲ್ಲಿಕಾ, ನಾನೇಷ್ಟು ಬೋಲ್ಡ್​​ ಎಂಬುದು ಎಲ್ಲರಿಗೂ ಗೊತ್ತು. ಹೀಗಾಗಿ ಯಾರು ನನ್ನ ಬಳಿ ದೈಹಿಕ ಸಂಬಂಧ ಬೆಳೆಸುವಂತ ಧೈರ್ಯ ತೋರಿಲ್ಲ ಎಂದಿದ್ದಾರೆ. ಒಟ್ಟಿನಲ್ಲಿ ಮಲ್ಲಿಕಾ ಮೂಲೆಗುಂಪಾಗಿರೋದಿಕ್ಕೆ ಹೊಸ ಬಾಂಬ್​ ಸಿಡಿಸಿ ಶಾಕ್ ನೀಡಿರೋದಂತು ಸತ್ಯ. ಸಧ್ಯ ಮಲ್ಲಿಕಾ ವೆಬ್​ ಸೀರಿಸ್​ಗಳಲ್ಲಿ ನಟಿಸುತ್ತಿದ್ದಾರೆ.