ಬೆಂಗಳೂರು: ಇಸ್ರೋ ಮಾಡಿದ ಮಂಗಳಯಾನದ ಒಟ್ಟು ವೆಚ್ಚ ಕೇವಲ 450 ಕೋಟಿ ರೂಪಾಯಿ. ಆದರೆ ಕಾಂಗ್ರೆಸ್ ಸರಕಾರ ಈಗ ಬೆಂಗಳೂರಿನಲ್ಲಿ 10 ಕಿಲೋ ಮೀಟರ್ ಉದ್ದದ ರಸ್ತೆ ನಿರ್ಮಿಸಲು ವಿನಿಯೋಗಿಸುತ್ತಿರುವ ಮೊತ್ತ 468 ಕೋಟಿ ರೂಪಾಯಿ!
ಇದು ಈಗ ಎಲ್ಲರ ಹುಬ್ಬೇರಿಸುವಂತೆ ಮಾಡಿದೆ. ಯಾವ ರೀತಿ ಈ ರಸ್ತೆಯನ್ನು ನಿರ್ಮಿಸಬಹುದು ಎಂದು.
ಈ ರಸ್ತೆಯನ್ನು ನಾಡಪ್ರಭು ಕೆಂಪೇಗೌಡ ಲೇಔಟ್ನಲ್ಲಿ ನಿರ್ಮಿಸಲಾಗುತ್ತಿದೆ. ಮೇಜರ್ ಆರ್ಟಿರಲ್ ರಸ್ತೆ (ಎಂಎಆರ್) ನಿರ್ಮಾನಕ್ಕೆ ರಾಜ್ಯ ಸಚಿವ ಸಂಪುಟ ಈಗಾಗಲೇ ಅನುಮತಿಯನ್ನೂ ನೀಡಿದೆ.
ಈ ಯೋಜನೆ ಕುರಿತು ನಗರಾಭಿವೃದ್ಧಿ ಇಲಾಖೆ ನೀಡುವ ಸ್ಪಷ್ಟನೆ ಹೀಗಿದೆ. ಯೋಜನೆಗೆ ಭೂ ಸ್ವಾಧೀನ ಪ್ರಕ್ರಿಯೆ ಪೂರ್ಣಗೊಳ್ಳಬೇಕಾಗಿತ್ತು. ಆದರೆ ತಾಂತ್ರಿಕ ತೊಂದರೆಯಿಂದಾಗಿ ವಿಳಂಬವಾಯಿತು. ಜಿಎಸ್ಟಿ ಬಂದ ಮೇಲಂತೂ ದರಗಳ ಹೆಚ್ಚಾಗಿದ್ದು, ಯೋಜನಾ ವೆಚ್ಚ ಕೂಡ ಜಾಸ್ತಿಯಾಗಿದೆ. (ಮೊದಲಿಗೆ ಈ ಯೋಜನೆಗೆ 350 ಕೋಟಿ ರೂಪಾಯಿ ನಿಗದಿಯಾಗಿತ್ತು)
ನಂತರ ಕೆಲವು ಹೆಚ್ಚುವರಿ ಬದಲಾವಣೆಗಳಾದವು. ಹೀಗಾಗಿ ಯೋಜನಾ ವೆಚ್ಚ 469 ಕೋಟಿ ರೂಪಾಯಿ ಆಯಿತು. ಸರಕಾರ ಇದನ್ನು 466 ಕೋಟಿ ರೂಪಾಯಿ ನಿಗದಿ ಮಾಡಿತು ಎಂದು ಇಲಾಖೆ ಮೂಲಗಳು ತಿಳಿಸಿವೆ.
ಇದು 10 ಪಥದ ರಸ್ತೆಯಾಗಿದ್ದು, ಕೆಂಪೇಗೌಡ ಲೇಔಟ್ನಲ್ಲಿರುವ 22 ಸೈಟುದಾರರಿಗೆ ಅಲ್ಲದೇ ಅಕ್ಕಪಕ್ಕದ ಗ್ರಾಮದವರಿಗೂ ನೆರವಾಗಲಿದೆ ಎಂದು ಮೂಲಗಳು ತಿಳಿಸಿವೆ.
ಒಟ್ಟಾರೆ ಈ ಯೋಜನೆಗೆ ಬಹುತೇಕ ಎಲ್ಲ ಕಡೆಯಿಂದಲೂ ಭಾರಿ ವಿರೋಧ ವ್ಯಕ್ತವಾಗುತ್ತಿದೆ.
Comments are closed.