ಹೊಸದಿಲ್ಲಿ: ಆಸ್ಪತ್ರೆ ಸಿಬ್ಬಂಧಿಗಳ ನಿರ್ಲಕ್ಷ್ಯದಿಂದ ಹಸುಗೂಸನ್ನು ‘ಮೃತಪಟ್ಟಿದೆ’ ಎಂದು ಘೋಷಿಸಿ ಭಾರೀ ಸುದ್ದಿಯಾಗಿದ್ದ ದಿಲ್ಲಿ ಮ್ಯಾಕ್ಸ್ ಆಸ್ಪತ್ರೆಯ ಲೈಸೆನ್ಸ್ ರದ್ದು ಮಾಡಲಾಗಿದೆ.
ನಾನಗ್ಲೋಯಿಯ ನಿವಾಸಿಗೆ ಅವಧಿ ಪೂರ್ಣವಾಗುವ ಮುನ್ನವೇ ಹುಟ್ಟಿದ ಅವಳಿ ಮಕ್ಕಳು ಜನಿಸುವಾಗಲೇ ಮೃತಪಟ್ಟಿವೆ ಎಂದು ವೈದ್ಯರು ಘೋಷಿಸಿದ್ದರು. ಆದರೆ, ಅಂತ್ಯ ಸಂಸ್ಕಾರದ ವೇಳೆ ಒಂದು ಮಗು ಚಲನೆಯಲ್ಲಿರುವುದನ್ನು ಪೋಷಕರು ಗಮನಿಸಿದ್ದರು. ಕೂಡಲೇ ಸಮೀಪದ ನರ್ಸಿಂಗ್ ಹೋಂಗೆ ಹೋಗಿ ಪರೀಕ್ಷಿಸಿದಾಗ ಮಗುವಿಗೆ ಜೀವವಿರುವುದು ದೃಢ ಪಟ್ಟಿತ್ತು. ಚಿಕಿತ್ಸೆ ಪಡೆಯುತ್ತಿದ್ದ ಕಂದಮ್ಮ ಗುರುವಾರಂದು ನಿಜವಾಗಲೂ ಕೊನೆಯುಸಿರೆಳೆದಿತ್ತು.
ಪ್ರಕರಣದ ತನಿಖೆ ವೇಳೆ ಸಿಬ್ಬಂಧಿಗಳ ತಪ್ಪು ಸಾಭೀತಾಗಿದೆ ಎನ್ನಲಾಗಿದೆ, ನವಜಾತ ಅವಳಿ ಶಿಶುಗಳು ಸತ್ತಿವೆ ಎಂದು ಸುಳ್ಳು ಘೋಷಣೆ ಮಾಡಿದ ಆಸ್ಪತ್ರೆಯ ನಿರ್ಲಕ್ಷ್ಯವು ಸ್ವೀಕಾರಾರ್ಹವಾದುದಲ್ಲ ಹೀಗಾಗಿ ಮ್ಯಾಕ್ಸ್ ಆಸ್ಪತ್ರೆಯ ಲೈಸನ್ಸ್ ರದ್ದು ಮಾಡಲಾಗಿದೆ ಎಂದು ದಿಲ್ಲಿ ಆರೋಗ್ಯ ಸಚಿವ ಸತ್ಯೇಂದ್ರ ಜೈನ್ ಹೇಳಿದ್ದಾರೆ.
ಈ ಹಿಂದೆಯೂ ಕೂಡಾ ಮ್ಯಾಕ್ಸ್ ಆಸ್ಪತ್ರೆ ಹಲವು ಬಾರಿ ತಪ್ಪೆಸೆದಿದ್ದರು, ಅಲ್ಲದೇ ಮೂರು ಬಾರಿ ಆಸ್ಪತ್ರೆ ನಡೆಯನ್ನು ಖಂಡಿಸಿ ನೋಟೀಸ್ ಕೂಡಾ ಜಾರಿ ಮಾಡಲಾಗಿತ್ತು. ಮೂರು ಬಾರಿಯೂ ಆಸ್ಪತ್ರೆ ಸಿಬ್ಬಂದಿ ಕೆಳ ಹಂತದ ರೋಗಿಗಳ ಚಿಕಿತ್ಸೆಯಲ್ಲಿ ಬೇಜಾವಾಬ್ದಾರಿ ವಹಿಸಿತ್ತು, ಹೀಗಾಗಿ ನೋಟೀಸ್ ಜಾರಿ ಮಾಡಲಾಗಿತ್ತು, ಆದರೆ ಆಸ್ಪತ್ರೆ ಅಧಿಕಾರಿಗಳು ಮಾತ್ರಾ ಯಾವುದೇ ಸುಧಾರಣೆ ಕಂಡುಕೊಂಡಿಲ್ಲ ಎಂದು ಸಚಿವ ಹೇಳಿದ್ದಾರೆ.
Comments are closed.