ಜೋಳದ ರೊಟ್ಟಿ
ಬೇಕಾಗುವ ಸಾಮಾಗ್ರಿಗಳು:
ಜೋಳದ ಹಿಟ್ಟು- 3 ಕಪ್
ಎಳ್ಳು – 100 ಗ್ರಾಂ
ರುಚಿಗೆ ತಕ್ಕಷ್ಟು ಉಪ್ಪು
ಕೆಂಪು ಮೆಣಸಿನಕಾಯಿ ಪುಡಿ -ಸ್ವಲ್ಪ
ಇಂಗು- ಸ್ವಲ್ಪ
ಎಣ್ಣೆ 1 ಕಪ್
ಮಾಡುವ ವಿಧಾನ:
ಒಂದು ಪಾತ್ರೆಯಲ್ಲಿ ಜೋಳದ ಹಿಟ್ಟನ್ನು ಹಾಕಿ ಅದಕ್ಕೆ 1 ಕಪ್ ಬಿಸಿ ನೀರು ಹಾಕಿ ಅರ್ಧ ಗಂಟೆ ನೆನೆಯಲು ಬಿಡಿ.
ಜೋಳದ ಹಿಟ್ಟಿಗೆ ಹುರಿದ ಎಳ್ಳು, ಸ್ವಲ್ಪ ಉಪ್ಪು, ಒಣಮೆಣಸಿನ ಪುಡಿ, ಸ್ವಲ್ಪ ಇಂಗು ಬೆರೆಸಿ ಚಪಾತಿ ಹಿಟ್ಟಿನ ಹದಕ್ಕೆ ಕಲೆಸಿಕೊಳ್ಳಿ.
ನಂತರ ಅದಕ್ಕೆ ಸ್ವಲ್ಪ ಎಣ್ಣೆ ಬೆರೆಸಿ ಸರಿಯಾಗಿ ನಾದಿಟ್ಟುಕೊಳ್ಳಿ.
ಒಂದು ಗಂಟೆಯ ನಂತರ ಹಿಟ್ಟಿನಿಂದ ಸಣ್ಣ ಉಂಡೆಗಳನ್ನು ಮಾಡಿ ಚಪಾತಿಯಂತೆ ರೊಟ್ಟಿಗಳನ್ನು ತಯಾರಿಸಿ.
ಒಲೆಯ ಮೇಲೆ ತವಾ ಇಟ್ಟು ರೊಟ್ಟಿಯನ್ನು ಅದರ ಮೇಲೆ ಹಾಕಿ ಬೇಯಿಸಿ. ಎರಡೂ ಕಡೆ ಸರಿಯಾಗಿ ಬೇಯಿಸಿ.
ತಯಾರಾದ ಬಿಸಿ ಬಿಸಿ ಜೋಳದ ರೊಟ್ಟಿಯನ್ನು ಎಣ್ಣೆಗಾಯಿ, ಚಟ್ನಿಪುಡಿ ಗುರೆಳ್ಳು, ಕುರೆಸಾಣಿ ಪುಡಿ, ಒಳ್ಳೆ ಎಳ್ಳೆಣ್ಣೆ ಜೊತೆ ಸವಿಯಿರಿ.
