ಮಂಗಳೂರು, ಸೆ.01: ಸರ್ಕಾರ ಅನುಷ್ಠಾನಗೊಳಿಸುತ್ತಿರುವ `ಎತ್ತಿನಹೊಳೆ ಯೋಜನೆ’ಗೆ ವಿರುದ್ಧವಾಗಿ ಹಮ್ಮಿಕೊಂಡಿರುವ ಕರಾವಳಿ ಭಾಗದ ಜನತೆಯ ಹೋರಾಟ ಯಶಸ್ವಿಯಾಗಬೇಕು, ಎಂದು ಸೋಮವಾರ ತುಳುನಾಡ ರಕ್ಷಣಾ ವೇದಿಕೆ ನೇತೃತ್ವದಲ್ಲಿ ದೈವ, ದೇವರಿಗೆ ಪ್ರಾರ್ಥನೆ ಸಲ್ಲಿಸುವ ಮೂಲಕ ಧರಣಿ ನಡೆಯಿತು.
ನಗರದ ಮಂಗಳಾದೇವಿ ದೇವಸ್ಥಾನ, ಹಝ್ರತ್ ಸೈಯದ್ ಬೀಬಿ ದರ್ಗಾ, ರೊಝಾರಿಯೊ ಚರ್ಚ್, ಕುತ್ತಾರಿನ ಗುಳಿಗಜ್ಜನ ಸನ್ನಿಧಾನದಲ್ಲಿ ವಿಶೇಷ ಪೂಜೆ, ಪ್ರಾರ್ಥನೆ ನಡೆಯಿತು. ಈ ಸಂದರ್ಭ ವೇದಿಕೆ ಸ್ಥಾಪಕಾಧ್ಯಕ್ಷ ಯೋಗೀಶ್ ಶೆಟ್ಟಿ ಜೆಪ್ಪು, ಸಲಹೆಗಾರ ಎಂ.ಜಿ. ಹೆಗಡೆ, ವೇದಿಕೆಯ ವಕೀಲರ ಘಟಕದ ರಾಘವೇಂದ್ರ ರಾವ್, ಕೆ.ಎ. ಮುನೀರ್ ಬಾವ, ಮೋಹನ್ದಾಸ್ ರೈ, ರಕ್ಷಿತ್ ಬಂಗೇರ, ಸಿರಾಜ್ ಅಡ್ಕರೆ, ಶ್ರೀಕಾಂತ್ ಸಾಲ್ಯಾನ್ ಉಪಸ್ಥಿತರಿದ್ದರು.
