ಲಂಡನ್: ಸ್ಪ್ಯಾನಿಶ್ ನಗರಾಡಳಿತವು ಪಾರಿವಾಳ ಸಂತತಿ ನಿಯಂತ್ರಿಸಲು ಕ್ರಮ ಕೈಗೊಂಡಿದ್ದು, ಅವುಗಳಿಗೆಂದೇ ತಯಾರಿಸಲಾಗಿರುವ ವಿಶೇಷ ಗರ್ಭ ನಿರೋಧಕ ಗುಳಿಗೆಗಳನ್ನು ತಿನ್ನಿಸಲು ಮುಂದಾಗಿದೆ.
ಕ್ಯಟಲಾನ್ ಟೌನ್ನಲ್ಲಿ ಮೂರು ಆಟೊಮ್ಯಾಟಿಕ್ ಡಿಸ್ಪೆನ್ಸರ್ಸ್ ಜನನ ನಿಯಂತ್ರಣಕ್ಕೆ ಅಗತ್ಯ ಡೋಸೆಜ್ ಹೊಂದಿರುವ ಮಾತ್ರೆಗಳನ್ನು ಜುಲೈನಿಂದ ಡಿಸೆಂಬರ್ವರೆಗೆ ಪ್ರತಿದಿನ ಬೆಳಗ್ಗೆ ಪಾರಿವಾಳಗಳಿಗೆ ಚೆಲ್ಲಲಿವೆ.
ಪ್ರತಿ ಪಾರಿವಾಳಕ್ಕೂ ಜೋಳದಿಂದ ಆವೃತಗೊಂಡಿರುವ 10 ಗ್ರಾಂ ತೂಕದ ಒವಿಸ್ಟೊಪ್ ಅನ್ನು ತಿನ್ನಿಸಲಾಗುವುದು. ಇದು ಪಕ್ಷಿಗಳಲ್ಲಿ ಜನನ ನಿಯಂತ್ರಕವಾಗಿ ಕಾರ್ಯ ನಿರ್ವಹಿಸುವುದು. ಸಿವಿಲ್ ಗಾರ್ಡ್ ಕ್ವಾರ್ಟಸ್ನಲ್ಲಿ ಸೋಮವಾರ ಮೊದಲ ಡಿಸ್ಪ್ಪೆನ್ಸರ್ ಅಳವಡಿಸಲಾಗಿದೆ. ಮುಂದಿನ ವಾರ ಶಾಲಾ ಕಟ್ಟಡಗಳ ಚಾವಣಿಗಳಲ್ಲಿ ಎರಡನ್ನು ಅಳವಡಿಸಲಾಗುವುದು ಎಂದು ‘ದಿ ಲೋಕಲ್’ ವರದಿ ಮಾಡಿದೆ.
