ಅಂತರಾಷ್ಟ್ರೀಯ

ಶವದ ಜೊತೆ ಆತನ ಕಾರನ್ನು ಇರಿಸಿ ಅಂತ್ಯಕ್ರಿಯೆ ನೆರವೇರಿಸಿದ ಕುಟುಂಬಸ್ಥರು ! ವೀಡಿಯೊ ವೈರಲ್…..

Pinterest LinkedIn Tumblr

ಬೀಜಿಂಗ್: ಅಂತ್ಯಕ್ರಿಯೆ ವೇಳೆ ಶವದ ಜೊತೆ ಕಾರನ್ನು ಇರಿಸಿ ಸಮಾಧಿ ಮಾಡಿರುವ ವಿಚಿತ್ರ ಘಟನೆಯೊಂದು ಉತ್ತರ ಚೀನಾದ ಬೋಡಿಂಗ್ ನಗರದಲ್ಲಿ ನಡೆದಿದೆ. ಈ ಘಟನೆ ಮೇ 28ರಂದು ನಡೆದಿದ್ದು, ಅಂತ್ಯಕ್ರಿಯೆ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಸಾವನ್ನಪ್ಪಿದ ವ್ಯಕ್ತಿಗೆ ಕಾರುಗಳೆಂದರೆ ಬಲು ಇಷ್ಟ, ಹಾಗಾಗಿ ಆತ ಸಾಯುವ ಮುನ್ನ ನನ್ನ ಸಮಾಧಿಯಲ್ಲಿ ಪ್ರೀತಿಯ ಕಾರನ್ನು ಇರಿಸಬೇಕೆಂದು ಕೊನೆಯ ಆಸೆಯನ್ನು ಕುಟುಂಬಸ್ಥರ ಮುಂದೆ ಹೇಳಿಕೊಂಡಿದ್ದ. ವ್ಯಕ್ತಿಯ ಸಾವನ್ನಪ್ಪಿದ ಬಳಿಕ ಕುಟುಂಬಸ್ಥರು ಶವದ ಜೊತೆಯಲ್ಲಿ ಕಾರನ್ನು ಇರಿಸಿ ಅಂತ್ಯಕ್ರಿಯೆ ನೆರವೇರಿಸಿದ್ದಾರೆ.

ಸಿಲ್ವರ್ ಬಣ್ಣದ ಹುಂಡೈ ಸೋನಾಟ ಕಾರನ್ನು ಶವದ ಪಕ್ಕದಲ್ಲಿಯೇ ದೊಡ್ಡ ಹಳ್ಳ ತೆಗೆದು ಮುಚ್ಚಿದ್ದಾರೆ. ಈ ಎಲ್ಲ ದೃಶ್ಯಗಳನ್ನು ಸ್ಥಳೀಯರು ಮೊಬೈಲ್‍ನಲ್ಲಿ ಚಿತ್ರೀಕರಿಸಿಕೊಂಡು ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದಾರೆ.

ಸಾವನ್ನಪ್ಪಿದ ವ್ಯಕ್ತಿ ಕಾರುಗಳ ಮೇಲೆ ಅತಿಯಾದ ವ್ಯಾಮೋಹವನ್ನು ಹೊಂದಿದ್ದನು. ಹಾಗಾಗಿ ಆತನ ಕೊನೆಯ ಆಸೆಯಂತೆ ಕಾರನ್ನು ಶವದ ಪಕ್ಕದಲ್ಲಿಯೇ ಇರಿಸಿ ಅಂತ್ಯಕ್ರಿಯೆ ಮಾಡಲಾಯ್ತು ಎಂದು ಹೆಸರು ಹೇಳದ ಸ್ಥಳೀಯ ಹಿರಿಯ ವ್ಯಕ್ತಿಯೊಬ್ಬರು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.

ಪುಣ್ಯಕ್ಕೆ ಆತ ವಿಮಾನಗಳನ್ನು ಇಷ್ಟ ಪಟ್ಟಿರಲಿಲ್ಲ. ಒಂದು ವೇಳೆ ಆತನಿಗೆ ವಿಮಾನಗಳು ಇಷ್ಟವಾಗಿದ್ರೆ, ಅದನ್ನೇ ಶವದ ಪಕ್ಕದಲ್ಲಿ ಇರಿಸಬೇಕಾಗುತ್ತಿತ್ತು ಎಂದು ವಿಡಿಯೋ ನೋಡಿದ ಹಲವರು ಕಮೆಂಟ್ ಮಾಡಿದ್ದಾರೆ.

Comments are closed.