ಯುವತಿ ಕಪಾಳಕ್ಕೆ ಬಾರಿಸಿದ ಪಿಎಸ್ಐ; ‘ಯಾವಳೇ ನೀನು ನನ್ ಮೇಲೆ ಕೈ ಮಾಡೋಕೆ.? ಎಂದು ಯುವತಿಯ ಅವಾಜ್..!

ಮಂಡ್ಯ: ದ್ವಿಚಕ್ರ ವಾಹನದ ದಾಖಲಾತಿ ತಪಾಸಣೆ ವೇಳೆ ಯುವತಿಯೊರ್ವಳು ರಂಪಾಟ ಮಾಡಿ ಮಹಿಳಾ ಪಿಎಸ್‍ಐ ಕೈಯಿಂದ ಕಪಾಳಮೋಕ್ಷ ಮಾಡಿಸಿಕೊಂಡ ಘಟನೆ ಮಂಡ್ಯದ ನೂರಡಿ ರಸ್ತೆಯ ಬೆಸಗರಹಳ್ಳಿ ರಾಮಣ್ಣ ವೃತ್ತದಲ್ಲಿ ನಡೆದಿದೆ.

ಮಂಡ್ಯದ ಮಹಿಳಾ ಠಾಣೆ ಪಿಎಸ್ಐ ಸವಿತಾಗೌಡ ಪಾಟೀಲ್ ಅವರು ಯುವತಿಗೆ ಕಪಾಳ ಮೋಕ್ಷ ಮಾಡಿದ್ದಾರೆ.

ಎರಡು ದಿನದ ಹಿಂದೆ ಪೊಲೀಸರು ನೂರಡಿ ರಸ್ತೆಯಲ್ಲಿ ಸಂಚರಿಸುವ ಬೈಕ್ ಸವಾರರ ದಾಖಲಾತಿ ಪರಿಶೀಲನೆ ಮಾಡುತ್ತಿದ್ದಾಗ ತನ್ನ ಸ್ಕೂಟರ್ ನಲ್ಲಿ ಬಂದ ಯುವತಿಯನ್ನ ತಡೆದು ದಾಖಲಾತಿ ಪರಿಶೀಲನೆ ಮಾಡಿದರು. ಈ ವೇಳೆ ನನ್ ಸ್ಕೂಟರ್ ಯಾಕೆ ಮುಟ್ಟುತ್ತಿದ್ದೀರಾ ಎಂದು ಅವಾಜ್ ಹಾಕಿದ್ದಾಳೆ.

ಈ ವೇಳೆ ಮಹಿಳಾ ಪಿಎಸ್ಐ ಸ್ಕೂಟರ್ ನಿಂದ ಇಳಿಯಮ್ಮ, ನಿನ್ ಹೆಸರೇನು.? ನಿಮ್ ತಂದೆಯನ್ನು ಠಾಣೆಗೆ ಕರೆಸು, ನೀನು ಬಾ ಎಂದು ಕರೆದರು. ಆಗ ಯುವತಿ ಹೇ ನನ್ ತಂದೆ ಇಲ್ಲ. ಎಲ್ಲರನ್ನು ಕರೆಸಲಾಗಲ್ಲ ಎಂದು ರಂಪಾಟ ಮಾಡಿದಳು. ಪರಿಣಾಮ ತಾಳ್ಮೆ ಕಳೆದುಕೊಂಡ ಸವಿತಾ ಗೌಡ, ನನ್ನನ್ನೇ ಹೇ ಅಂತೀಯಾ. ಏನ್ ಮಾತಾಡ್ತೀಯಾ ಎಂದು ಯುವತಿಗೆ ಕಪಾಳ ಮೋಕ್ಷ ಮಾಡಿದ್ದಾರೆ.

ಈ ವೇಳೆ ಇನ್ನೂ ಜೋರಾಗಿ ಕೂಗಾಡಿದ ಯುವತಿ, ಹೇ ಏನು ಯಾರು ನೀನು ನನ್ ಮೇಲೆ ಕೈ ಮಾಡೋಕೆ. ಇದನ್ನ ವೀಡಿಯೋ ಮಾಡ್ಲಾ ಯಾವಳೇ ನೀನು ನನಗೆ ಹೊಡೆಯೋಕೆ ಹೇ ಎಂದು ಯುವತಿ ರೇಗಾಡಿದ್ದಾಳೆ. ಆಗ ಸವಿತಾ ಅವರು ಯುವತಿಗೆ ಮತ್ತೊಂದು ಏಟು ಕೊಟ್ಟಿದ್ದಾರೆ. ಇದರಿಂದ ಕೆರಳಿದ ಯುವತಿ ಹೇ ಏನೆ ಮಾಡ್ತಿಯಾ ರಾಸ್ಕಲ್ ಎಂದು ಅವಾಜ್ ಹಾಕಿದ್ದಾಳೆ.

ಯುವತಿ ರೇಗಾಡುತ್ತಿದ್ದಂತೆಯೇ ಪಿಎಸ್‍ಐ ಅವರು, ಠಾಣೆಗೆ ಬಾ ನೀನು ಎಂದು ಸ್ಕೂಟರ್ ತೆಗೆದುಕೊಂಡು ಹೋದರು. ಈ ವೇಳೆ ಮಹಿಳಾ ಪಿಎಸ್‍ಐ ಕುರಿತು ಅನ್ ಎಜುಕೇಟೆಡ್ ಬ್ರೂಟ್ ಎಂದು ಯುವತಿ ಬೈದಿದ್ದಾಳೆ.

ಸದ್ಯ ಈ‌ ವಿಡಿಯೋ ವೈರಲ್ ಆಗಿದೆ.