ರಾಂಚಿ(ಅ. 11): ಭಾರತದ ಸ್ಟಾರ್ ಓಟಗಾರ್ತಿ ದುತೀ ಚಂದ್ ಅವರು 100 ಮೀಟರ್ ಓಟದ ಸ್ಪರ್ಧೆಯಲ್ಲಿ ಹೊಸ ದಾಖಲೆ ಬರೆದಿದ್ದಾರೆ. ಇಲ್ಲಿ ನಡೆದ ರಾಷ್ಟ್ರೀಯ ಮುಕ್ತ ಅಥ್ಲೆಟಿಕ್ಸ್ ಚಾಂಪಿಯನ್ಶಿಪ್ನಲ್ಲಿ ಮಹಿಳೆಯರ 100 ಮೀಟರ್ ಓಟವನ್ನು 11.22 ಸೆಕೆಂಡ್ನಲ್ಲಿ ಓಡಿದ ದುತೀ ಚಂದ್ ತಮ್ಮದೇ ದಾಖಲೆಯನ್ನ ಮುರಿದಿದ್ದಾರೆ. ಈ ಮೊದಲು ದುತೀ ಚಂದ್ ಮತ್ತು ರಚಿತಾ ಮಿಸ್ತ್ರಿ ಅವರು ಇಬ್ಬರೂ 11.26 ಸೆಕೆಂಡ್ನಲ್ಲಿ ಓಡಿ ರಾಷ್ಟ್ರೀಯ ದಾಖಲೆಯನ್ನು ಹಂಚಿಕೊಂಡಿದ್ದರು.
ಆದರೆ, ನೂರು ಮೀಟರ್ ಓಟ ವಿಭಾಗದಲ್ಲಿ ಟೋಕಿಯೋ ಒಲಿಂಪಿಕ್ಸ್ನ ಅರ್ಹತೆ ಮಟ್ಟವಾದ 11:15 ಸೆಕೆಂಡ್ನೊಳಗೆ ಓಡಲು ದುತೀ ಚಂದ್ಗೆ ಸಾಧ್ಯವಾಗಿಲ್ಲ. 2020ರ ಜೂನ್ವರೆಗೂ ಒಲಿಂಪಿಕ್ಸ್ಗೆ ಅರ್ಹತೆ ಗಳಿಸುವ ಸಮಯಾವಕಾಶ ಇದೆ.
ನೂರು ಮೀಟರ್ ಓಟದ ಸ್ಪರ್ಧೆಯಲ್ಲಿ ಅಮೆರಿಕದ ಫ್ಲೋರೆನ್ಸ್ ಗ್ರಿಫ್ ಜೋಯ್ನೆರ್ ಅವರ ಹೆಸರಲ್ಲಿ ವಿಶ್ವದಾಖಲೆ ಇದೆ. 1988ರಲ್ಲಿ ಇವರು 10.49 ಸೆಕೆಂಡ್ನಲ್ಲಿ ಓಡಿದ ದಾಖಲೆಯನ್ನು ಈವರೆಗೂ ಯಾರೂ ಮುರಿಯಲಾಗಿಲ್ಲ. ಏಷ್ಯನ್ನರ ಪೈಕಿ 100 ಮೀಟರ್ನಲ್ಲಿ ಚೀನಾದ ಲೀ ಕ್ಸೂಮೇ ಅವರು 10.79 ಸೆಕೆಂಡ್ನಲ್ಲಿ ಓಡಿದ್ದು ಗರಿಷ್ಠ ಸಾಧನೆ ಎನಿಸಿದೆ.
Comments are closed.