ಬೆಂಗಳೂರು (ಜು. 26): ಇತ್ತೇಚೆಗಷ್ಟೆ ಮುಕ್ತಾಯಗೊಂಡ ಐಸಿಸಿ ವಿಶ್ವಕಪ್ನ ಸೆಮಿ ಫೈನಲ್ನಲ್ಲಿ ಮುಗ್ಗರಿಸಿದ ಭಾರತ ಸಾಕಷ್ಟು ಟೀಕೆಗೆ ಗುರಿಯಾಗ ಬೇಕಾಯಿತು. ಸರಿಯಾದ ಸ್ಥಾನದಲ್ಲಿ ಆಟಗಾರರನ್ನು ಆಡಿಸದೆ ಇದ್ದಿದ್ದು ಭಾರತದ ಸೋಲಿಗೆ ಪ್ರಮುಖ ಕಾರಣ ಎಂದು ಕೆಲವರು ಹೇಳಿದರೆ, ಇನ್ನೂ ಕೆಲವರು ಕೊಹ್ಲಿ ನಾಯಕತ್ವದ ಬಗ್ಗೆಯೂ ಪ್ರಶ್ನೆ ಮಾಡಿದರು. ಇದು ಟೀಂ ಇಂಡಿಯಾ ಮ್ಯಾನೇಜ್ಮೆಂಟ್ ಮೇಲು ದೊಡ್ಡ ಹೊಡೆತ ಬಿದ್ದಂತಾಗಿತ್ತು.
ಇದರ ಮಧ್ಯೆ ವಿರಾಟ್ ಕೊಹ್ಲಿ ಕ್ಯಾಪ್ಟನ್ ಸ್ಥಾನಕ್ಕೆ ಸೂಕ್ತ ಅಲ್ಲ ರೋಹಿತ್ ಶರ್ಮಾಗೆ ನಾಯಕತ್ವ ನೀಡಿ ಎಂಬ ಕೂಗು ಕೇಳಿ ಬಂದಿದ್ದವು. ಆದರೆ, ಸದ್ಯ ನಾಯಕ ವಿರಾಟ್ ಟಿ-20 ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಲಿದ್ದಾರೆ ಎಂಬ ಮಾತುಗಳು ಕೇಳಿ ಬರುತ್ತಿವೆ. ಇದಕ್ಕೆ ಬಲವಾದ ಕಾರಣ ಕೂಡ ಇದೆ.
1. ನಾಯಕನಾಗಿ ಒತ್ತಡ: ವಿರಾಟ್ ಕೊಹ್ಲಿಯನ್ನು ಫಿಟ್ ನೆಸ್ನಲ್ಲಿ ಯಾರು ಮೀರಿಸುವರಿಲ್ಲ. ಆದರೆ, ಕೊಹ್ಲಿಗೆ ಈಗ 30 ವರ್ಷವಾಗಿದ್ದು ಇಂಜುರಿ-ಫಿಟ್ ನೆಸ್ ಸಮಸ್ಯೆ ಇದುರಾಗಲಿದೆ. ಈ ವಯಸ್ಸಿನಲ್ಲಿ ಅನೇಕ ಕ್ರಿಕೆಟಿಗರು ಇಂತಹ ತೊಂದರೆಯನ್ನು ಅನುಭವಿಸಿದ್ದಾರೆ. ಈಗಾಗಲೇ ಸತತ ಕ್ರಿಕೆಟ್ ಆಡುತ್ತಿರುವ ಕೊಹ್ಲಿಗೆ ಮ್ಯಾನೇಜ್ಮೆಂಟ್ ವಿಶ್ರಾಂತಿ ನೀಡುವತ್ತ ಗಮನ ಹರಿಸುತ್ತಿದೆ. ಮೂರು ಮಾಧರಿಯ ಕ್ರಿಕೆಟ್ಗೆ ನಾಯಕನಾಗಿ ಕೆಲಸ ಮಾಡುವುದು ಸುಲಭದ ವಿಚಾರವಲ್ಲ. ಹೀಗಾಗಿ ಸದ್ಯದಲ್ಲೇ ಕೊಹ್ಲಿ ಟಿ-20 ಕ್ರಿಕೆಟ್ಗೆ ವಿದಾಯ ಹೇಳುವ ಅಂದಾಜಿದೆ.
2. ಟಿ-20 ಯಲ್ಲಿ ಒಲಿಯದ ಲಕ್: ಟಿ-20 ಕ್ರಿಕೆಟ್ನಲ್ಲಿ ವಿರಾಟ್ ಕೊಹ್ಲಿಗೆ ಲಕ್ ಇಲ್ಲ ಎಂದೇ ಹೇಳಬಹುದು. ಇದಕ್ಕೆ ಅನೇಕ ಸಾಕ್ಷಿಗಳಿವೆ. ಐಪಿಎಲ್ನಲ್ಲಿ ಈವರೆಗೆ ಕೊಹ್ಲಿ ಕಪ್ ಗೆದ್ದಿಲ್ಲ. ಅಲ್ಲದೆ ಅಂತರಾಷ್ಟ್ರೀಯ ಟಿ-20 ಯಲ್ಲು ಕೊಹ್ಲಿಯದ್ದು ದೊಡ್ಡ ಸಾಧನೆ ಏನಿಲ್ಲ. ಆದರೆ ಸದ್ಯ ಟೀಂ ಇಂಡಿಯಾದ ಉಪ ನಾಯಕನಾಗಿರುವ ರೋಹಿತ್ ಶರ್ಮಾ 4 ಬಾರಿ ಐಪಿಎಲ್ ಗೆದ್ದರೆ, ಭಾರತ ಪರವೂ ನಾಯಕನಾಗಿ ಸಿಕ್ಕ ಅವಕಾಶವನ್ನು ಉತ್ತಮವಾಗಿ ಉಪಯೋಗಿಸಿಕೊಂಡಿದ್ದಾರೆ. ಹೀಗಾಗಿ ರೋಹಿತ್ಗೆ ನಾಯಕನ ಪಟ್ಟ ಸಿಕ್ಕರು ಅಚ್ಚರಿಯಿಲ್ಲ.
3. ಟೆಸ್ಟ್-ಏಕದಿನ ಕಡೆ ಹೆಚ್ಚಿನ ಗಮನ: ಭಾರತಕ್ಕೆ ಮುಂದಿನ ದಿನಗಳಲ್ಲಿ ದೊಡ್ಡ ಸವಾಲು ಎದುರಾಗಲಿದೆ. ಅಲ್ಲದೆ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಅನ್ನು ಆಡಲಿದೆ. ಇದರ ಮೇಲೆ ಕೊಹ್ಲಿ ಹೆಚ್ಚಿನ ಗಮನ ಹರಿಸಬೇಕಿದೆ. 2017 ರಿಂದ ಭಾರತ ಈವರೆಗೆ 12 ಟಿ-20 ಸರಣಿಯನ್ನು ಆಡಿದ್ದು, ಇದರಲ್ಲಿ ಕೊಹ್ಲಿ 4 ಸರಣಿಯಿಂದ ಹಿಂದೆ ಸರಿದಿದ್ದರು. ಆದರೆ, ಒಂದೇ ಒಂದು ಟೆಸ್ಟ್ ಪಂದ್ಯವನ್ನು ಮಿಸ್ ಮಾಡಲಿಲ್ಲ. ಹೀಗಾಗಿ ಕೊಹ್ಲಿ ಟೆಸ್ಟ್ ಹಾಗೂ ಏಕದಿನ ಕಡೆ ಹೆಚ್ಚಿನ ಗಮನ ಕೊಡುವ ಅಂದಾಜಿದ್ದು, ಟಿ-20 ಫಾರ್ಮೆಟ್ಗೆ ಸದ್ಯದಲ್ಲೆ ನಿವೃತ್ತಿ ನೀಡುವ ಮನಸ್ಸು ಮಾಡಲಿದ್ದಾರೆ ಎಂದು ಹೇಳಲಾಗುತ್ತಿದೆ.
Comments are closed.