ಕ್ರಿಕೆಟ್ ಕಾಶಿ ಲಾರ್ಡ್ಸ್ ಮೈದಾನದಲ್ಲಿ ನಡೆಯುತ್ತಿರುವ ವಿಶ್ವಕಪ್ ಫೈನಲ್ ಪಂದ್ಯಕ್ಕೂ ಮುನ್ನ ಕ್ರೀಡಾಂಗಣದಲ್ಲಿ ಬೆತ್ತಲೆಯಾಗಿ ಓಡಲು ಮಹಿಳೆಯೊಬ್ಬರು ಯತ್ನಿಸಿದ ಘಟನೆ ನಡೆದಿದೆ. ನೆರೆದಿದ್ದ ಪ್ರೇಕ್ಷಕರನ್ನು ರಂಜಿಸಲು ಮಹಿಳೆಯೊಬ್ಬರು ಬೆತ್ತಲೆಯಾಗಿ ಮೈದಾನಕ್ಕಿಳಿಯಲು ಪ್ರಯತ್ನಿಸಿದರು. ಈ ವೇಳೆ ಭದ್ರತಾ ಸಿಬ್ಬಂದಿಗಳು ಆಕೆಯನ್ನು ಬಂಧಿಸಿ ಮುಜುಗರವನ್ನು ತಪ್ಪಿಸಿದರು.
ಈ ಮಹಿಳೆಯನ್ನು ಎಲೆನಾ ವುಲಿಟ್ಸ್ಕಿ ಎಂದು ಗುರುತಿಸಲಾಗಿದ್ದು, ಈ ಹಿಂದೆ ಚಾಂಪಿಯನ್ಸ್ ಲೀಗ್ ಫುಟ್ಬಾಲ್ ಪಂದ್ಯದ ವೇಳೆ ಬೆತ್ತಲೆಯಾಗಿ ಮೈದಾನಕ್ಕೆ ಎಂಟ್ರಿ ಕೊಟ್ಟಿದ್ದರು. ಇನ್ನು ಎಲೆನಾ ಅವರ ಮಗ ವಯಸ್ಕರ ವೆಬ್ಸೈಟ್ವೊಂದನ್ನು ನಡೆಸುತ್ತಿದ್ದಾರೆ ಎಂಬುದು ತಿಳಿದು ಬಂದಿದೆ.
ಈ ಹಿಂದೆ ಫುಟ್ಬಾಲ್ ಪಂದ್ಯದ ವೇಳೆಯ ನಗ್ನ ವಿಡಿಯೋ ಭಾರೀ ವೈರಲ್ ಆಗಿತ್ತು. ಹಾಗಾಗಿ ಅದೇ ರೀತಿಯ ಹುಚ್ಚುತನಕ್ಕಾಗಿ ಮತ್ತೊಮ್ಮೆ ಕ್ರಿಕೆಟ್ ಮೈದಾನದಲ್ಲಿ ಬೆತ್ತಲೆಯಾಗಿ ಓಡಲು ಎಲೆನಾ ಮುಂದಾಗಿದ್ದರು ಎಂದು ಹೇಳಲಾಗಿದೆ.
ಇನ್ನು ಇಂಗ್ಲೆಂಡ್ನ ರಿವರ್ಸೈಡ್ ಕ್ರೀಡಾಂಗಣದಲ್ಲಿ ನಡೆದ ವಿಶ್ವಕಪ್ನ 41ನೇ ಪಂದ್ಯದ ವೇಳೆ ಇಂತಹದೊಂದು ಅಚಾತುರ್ಹ ನಡೆದಿತ್ತು. ನ್ಯೂಜಿಲೆಂಡ್ ಬ್ಯಾಟಿಂಗ್ ಮಾಡುತ್ತಿದ್ದ ವೇಳೆ ಭದ್ರತಾ ಸಿಬ್ಬಂದಿಯಯ ಕಣ್ತಪ್ಪಿಸಿ ವ್ಯಕ್ತಿಯೊಬ್ಬರು ನಗ್ನಾವಸ್ಥೆಯಲ್ಲಿ ಮೈದಾನಕ್ಕೆ ಓಡಿ ಬಂದಿದ್ದರು.
ಬ್ಯಾಟ್ ಮಾಡುತ್ತಿದ್ದ ಟಾಮ್ ಲಾಥಮ್ ಬಳಿ ಧಾವಿಸಿದ ವ್ಯಕ್ತಿಯು ಭರ್ಜರಿಯಾಗಿ ನರ್ತಿಸಿ ನೆರೆದಿದ್ದ ಪ್ರೇಕ್ಷಕರನ್ನು ರಂಜಿಸುವ ಕೆಲಸಕ್ಕೆ ಮುಂದಾದರು. ಈ ಹುಚ್ಚುತನದಿಂದಾಗಿ ಕೆಲ ಹೊತ್ತು ಪಂದ್ಯ ಕೂಡ ಸ್ಥಗಿತವಾಯಿತು. ಅಷ್ಟರಲ್ಲೇ ಧಾವಿಸಿದ ಭದ್ರತಾ ಸಿಬ್ಬಂದಿಯು ವಿವಸ್ತ್ರವಾಗಿದ್ದ ಅಭಿಮಾನಿಯನ್ನು ಮೈದಾನದಿಂದ ಹೊರಗೆ ಕರೆದುಕೊಂಡು ಹೋಗಿದ್ದರು.
Comments are closed.