ಇಂಗ್ಲೆಂಡ್, ಸೌತಾಂಪ್ಟನ್: ಟೀಮ್ ಇಂಡಿಯಾ ವೇಗಿ ಮೊಹಮ್ಮದ್ ಶಮೀ ಮತ್ತು ತಮ್ಮ ವಿಶಿಷ್ಟ ಬೌಲಿಂಗ್ ಶೈಲಿಯಿಂದ ಗುರುತಿಸಿಕೊಂಡಿರುವ ಜಸ್ಪ್ರೀತ್ ಬುಮ್ರಾ ಇವರಿಬ್ಬರ ಅದ್ಭುತ ಆಟದಿಂದಾಗಿ ನಿನ್ನೆ ಭಾರತ ತಂಡ ಪಂದ್ಯ ಗೆದ್ದಿದೆ ಎಂದರೇ ತಪ್ಪಿಲ್ಲ.
ಮೊಹಮ್ಮದ್ ಶಮೀ ಅವರು ನಿನ್ನೆ ನಡೆದ ಅಫ್ಘಾನಿಸ್ತಾನ ವಿರುದ್ಧ ಪಂದ್ಯದಲ್ಲಿ ಹ್ಯಾಟ್ರಿಕ್ ವಿಕೆಟ್ ಪಡೆಯುವ ಮೂಲಕ ವಿಶ್ವಕಪ್ನಲ್ಲಿ ಈ ಸಾಧನೆ ಮಾಡಿದ ಎರಡನೇ ಆಟಗಾರ ಎಂಬ ಖ್ಯಾತಿಗೆ ಪಾತ್ರರಾಗಿದ್ದಾರೆ. ಚೇತನ್ ಶರ್ಮಾ ಅವರು ಮೊದಲನೇಯವರಾಗಿದ್ದಾರೆ.
ಮೊಹಮ್ಮದ್ ಶಮೀ ಅವರು ಈ ದಾಖಲೆ ಮಾಡಲು ಮಹೇಂದ್ರ ಸಿಂಗ್ ಧೋನಿ ಅವರ ಸಲಹೆಗಳೇ ಕಾರಣ ಎಂದು ಪಂದ್ಯ ಮುಗಿದ ಬಳಿಕ ಮಾಧ್ಯಮಕ್ಕೆ ಪ್ರತಿಕ್ರಿಯೆ ನೀಡಿದ್ದಾರೆ. ಹೌದು, ಮೊಹಮ್ಮದ್ ನಬೀ ಅವರು ಕ್ರೀಸ್ನಲ್ಲಿ ಇದ್ದರು ಆಗ ನಾನು ಮಾಡಿದ ಬಾಲ್ಗಳನ್ನು ಸಮರ್ಥವಾಗಿ ಎದುರಿಸುತ್ತಿದ್ದರು. ನನಗೂ ಕೂಡ ಹೆಚ್ಚು ಒತ್ತಡವಿತ್ತು. ಆ ಸಮಯದಲ್ಲಿ ಧೋನಿ ಅವರು ಬಂದು ಹೇಳಿದ್ರು ‘ನೋಡು ವಿಶ್ವಕಪ್ನಲ್ಲಿ ಹ್ಯಾಟ್ರಿಕ್ ವಿಕೆಟ್ ಪಡೆಯುವುದು ಬಹಳ ಅಪರೂಪ ಹೀಗಾಗಿ ನಿನಗೆ ಆ ಒಂದು ಅವಕಾಶ ಸಿಕ್ಕಿದೆ ಇನ್ಮುಂದೆ ನೀನು ಯಾರ್ಕರ್ ಬಾಲ್ಗಳನ್ನು ಮಾಡಲು ಪ್ರಯತ್ನ ಮಾಡು’ ಎಂದರು ಎಂದು ಶಮೀ ಅವರ ಹೇಳಿಕೊಂಡಿದ್ದಾರೆ.
ಈ ಪಂದ್ಯವನ್ನು ಭಾರತ ತಂಡ 11 ರನ್ಗಳಿಂದ ಜಯಗಳಿಸಿ ಅಂಕಪಟ್ಟಿಯಲ್ಲಿ ಮೂರನೇ ಸ್ಥಾನ ಪಡೆದುಕೊಂಡಿದೆ.
Comments are closed.