ಮ್ಯಾಂಚೆಸ್ಟರ್: ಐಸಿಸಿ 2019 ಏಕದಿನ ವಿಶ್ವಕಪ್‌ನಲ್ಲಿ ಹೈ ವೋಲ್ಟೇಜ್ ಕದನಕ್ಕೂ ಮುನ್ನ ಭಾರತದ ವಿಂಗ್ ಕಮಾಂಡರ್ ಅಭಿನಂದನ ವರ್ಧಮಾನ್ ಅಣವಾಡಿದ ಪಾಕಿಸ್ತಾನ ಟಿವಿ ಚಾನೆಲ್‌ ವ್ಯಾಪಕ ಆಕ್ರೋಶಕ್ಕೆ ಗುರಿಯಾಗಿತ್ತು.
ಬಳಿಕ ಪಾಕಿಸ್ತಾನ ಅಭಿಮಾನಿಗಳು ಭಾರತೀಯ ತಂಡವನ್ನು ಟ್ರೋಲ್ ಮಾಡುವುದರಲ್ಲಿ ತೊಡಗಿಸಿಕೊಂಡಿದ್ದರು. ಇದಕ್ಕೀಗ ಭಾರತೀಯ ಅಭಿಮಾನಿ ತಕ್ಕ ಪ್ರತ್ಯುತ್ತರ ನೀಡಿದ್ದಾರೆ.
ಮ್ಯಾಚೆಂಸ್ಟರ್‌ನಲ್ಲಿ ಪಾಕಿಸ್ತಾನ ವಿರುದ್ಧ ನಡೆಯುತ್ತಿರುವ ಪಂದ್ಯದಲ್ಲಿ ರೋಹಿತ್ ಶರ್ಮಾ ಶತಕದ ವೈಭವ ಮೆರೆದಿದ್ದರು. 113 ಎಸೆಗಳನ್ನು ಎದುರಿಸಿದ ರೋಹಿತ್ 14 ಬೌಂಡರಿ ಹಾಗೂ ಮೂರು ಸಿಕ್ಸರ್‌ಗಳಿಂದ 140 ರನ್ ಸಿಡಿಸಿದ್ದರು.
ಇದೀಗ ರೋಹಿತ್ ಚಿತ್ರವನ್ನು ಫೋಟೋಶಾಪ್ ಮಾಡಿರುವ ಅಭಿಮಾನಿ, ಭಾರತೀಯ ಹೀರೊ ಅಭಿನಂದನ್ ತರಹನೇ ಮೀಸೆಯನ್ನು ಚಿತ್ರಿಸುವ ಮೂಲಕ ದೇಶಾಭಿಮಾನಿಗಳ ಹೃದಯ ಗೆದ್ದಿದ್ದಾರೆ.
ಪ್ರಸ್ತುತ ಚಿತ್ರವೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿ ಹರಡುತ್ತಿದ್ದು, ಪಾಕಿಸ್ತಾನ ಟ್ರೋಲ್‌ಗೆ ತಕ್ಕ ಪ್ರತ್ಯುತ್ತರವನ್ನೇ ನೀಡಿದ್ದಾರೆ.
Comments are closed.