ಚೆನ್ನೈ: ಭಾರತ ಕ್ರಿಕೆಟ್ ತಂಡದ ಮಾಜಿ ಕ್ಯಾಪ್ಟನ್, ಸದ್ಯ ಐಪಿಎಲ್ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಮಹೇಂದ್ರ ಸಿಂಗ್ ಧೋನಿ ತುಂಬ ಸರಳ. ಅವರ ಸರಳತೆ ಈಗಾಗಲೇ ಹಲವು ಬಾರಿ ಬೆಳಕಿಗೆ ಬಂದಿದೆ. ಈಗ ಮತ್ತೊಮ್ಮೆ ಧೋನಿ ಇದೇ ವಿಷಯಕ್ಕೆ ಸುದ್ದಿಯಾಗಿದ್ದಾರೆ.
ಕೋಲ್ಕತಾ ನೈಟ್ ರೈಡರ್ಸ್ ವಿರುದ್ಧ ಜಯ ಸಾಧಿಸಿದ ಧೋನಿ ಟೀಂ ಬುಧವಾರ ಬೆಳಗ್ಗೆಯೇ ಜಯಪುರಕ್ಕೆ ಹೊರಡಬೇಕಿತ್ತು. ಈ ವೇಳೆ ಚೆನ್ನೈ ಏರ್ಪೋರ್ಟ್ನಲ್ಲಿ ಧೋನಿ ಹಾಗೂ ಅವರ ಪತ್ನಿ ನೆಲದ ಮೇಲೆಯೇ ಮಲಗಿ ನಿದ್ರೆ ಹೋಗಿದ್ದಾರೆ. ಈ ಫೋಟೋ ಈಗ ಟ್ವಿಟರ್ನಲ್ಲಿ ವೈರಲ್ ಆಗಿದೆ.
ಮಂಗಳವಾರ ಚೆನ್ನೈ ಕ್ರೀಡಾಂಗಣದಲ್ಲಿ ಕೆಕೆಆರ್ ವಿರುದ್ಧ ಸಿಎಸ್ಕೆ ಗೆಲುವು ಸಾಧಿಸಿತು. ಆದರೆ, ಗುರುವಾರ ಜಯಪುರದಲ್ಲಿ ರಾಜಸ್ಥಾನ ರಾಯಲ್ಸ್ ವಿರುದ್ಧ ನಡೆಯಲಿರುವ ಪಂದ್ಯಕ್ಕೆ ಬುಧವಾರ ಮುಂಜಾನೆಯ ಫ್ಲೈಟ್ಗೆ ಟೀಂ ತೆರಳಬೇಕಿತ್ತು. ಈ ವೇಳೆ ಸಾಕ್ಷಿ ಕೂಡ ಜತೆಯಲ್ಲಿದ್ದರು. ಮುಂಜಾನೆ ತಂಡದ ಆಟಗಾರರೊಂದಿಗೆ ಏರ್ಪೋರ್ಟ್ಗೆ ತೆರಳಿದ್ದರು. ವಿಮಾನಕ್ಕಾಗಿ ಕಾಯುತ್ತಿದ್ದ ಮಹೇಂದ್ರ ಸಿಂಗ್ ಧೋನಿ ಹಾಗೂ ಸಾಕ್ಷಿ ತಮ್ಮ ಬ್ಯಾಗ್ ಅನ್ನೇ ತಲೆದಿಂಬಾಗಿಸಿಕೊಂಡು ನೆಲದ ಮೇಲೆ ಮಲಗಿದ್ದಾರೆ.
ಈ ಫೋಟೋವನ್ನು ಧೋನಿ ಕೂಡ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಈ ಫೋಟೋ ಶೇರ್ ಮಾಡಿಕೊಂಡಿದ್ದಾರೆ.
Comments are closed.